Wayanad Landslides: ନୂଆଦିଲ୍ଲୀ: କେରଳର ୱାୟାନାଡରେ ଘଟିଥିବା ଦୁଃଖଦ ଘଟଣା ସମ୍ପର୍କରେ ବୁଧବାର ରାଜ୍ୟସଭାରେ ଯୋଗ ଦେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ ପ୍ରବଳ ବର୍ଷା ସମ୍ପର୍କରେ କେନ୍ଦ୍ର ସରକାର ପୂର୍ବରୁ ଚେତାବନୀ ଦେଇଛନ୍ତି। କିନ୍ତୁ ରାଜ୍ୟ ସରକାର ଏହି ଚେତାବନୀକୁ ଗ୍ରହଣ କରି ନାହାଁନ୍ତି। କେରଳର ବାମ ସରକାରକୁ କଡ଼ା ଭାଷାରେ ସମାଲୋଚନା କରି ସେ କହିଛନ୍ତି ଯେ ଯଦି ଜୁଲାଇ ୨୩ରେ ଚେତାବନୀ ଦିଆଯାଇଥିଲା, ତେବେ ପିନାରାଇ ବିଜୟନ ସରକାର ସେଠାରୁ ଲୋକଙ୍କୁ ସ୍ଥାନାନ୍ତର କରିନଥିଲେ କାହିଁକି ବୋଲି ଶ୍ରୀ ଶାହା ପ୍ରଶ୍ନ କରିଥିଲେ।
ଗୃହରେ ଶ୍ରୀ ଶାହା ଆହୁରି ମଧ୍ୟ କହିଥିଲେ, ୱାୟାନାଡ ଭୂସ୍ଖଳନ ଘଟଣା ସମ୍ପର୍କରେ ଅମିତ ଶାହା ସ୍ପଷ୍ଟ ଭାବରେ କହିଛନ୍ତି ଯେ ଏଭଳି ବିପର୍ଯ୍ୟୟର ସମ୍ଭାବନା ସମ୍ପର୍କରେ କେରଳ ସରକାରଙ୍କୁ ଚେତାବନୀ ଦିଆଯାଇଛି। ସେ କହିଛନ୍ତି ଯେ ସାଧାରଣତଃ ଅନେକ ରାଜ୍ୟ ଏଭଳି ଚେତାବନୀ ପ୍ରତି ଧ୍ୟାନ ଦିଅନ୍ତି। କିନ୍ତୁ କେରଳ ସରକାର ଏହାକୁ ଅଣଦେଖା କରିଛନ୍ତି। ୱାୟାନାଡର ନିରୀହ ଲୋକଙ୍କୁ ଏହାର ପରିଣାମ ଭୋଗିବାକୁ ପଡ଼ିଛି। ସେ ଅଭିଯୋଗ କରିଛନ୍ତି ଯେ କେରଳ ସରକାର କେନ୍ଦ୍ର ସରକାରଙ୍କ ସତର୍କତାକୁ ହାଲୁକା ଭାବେ ଗ୍ରହଣ କରିଛନ୍ତି।
#WATCH | Delhi: Union Home Minister Amit Shah says, "... Under this early warning system, on July 23, at my direction, 9 NDRF teams were sent to Kerala considering that there could be landslides... What did the Kerala government do? Were the people shifted? And if they were… pic.twitter.com/P29bTb2buk
— ANI (@ANI) July 31, 2024
ୱାୟାନାଡ ଭୂସ୍ଖଳନରେ ପ୍ରାଣ ହରାଇଥିବା ଲୋକଙ୍କୁ ସମବେଦନା ଜଣାଇ ଅମିତ ଶାହା ଉପର ଗୃହରେ କହିଛନ୍ତି ଯେ ଏହି ଘଟଣାରେ ପ୍ରାଣ ହରାଇଥିବା ଏବଂ ଆହତ ହୋଇଥିବା ସମସ୍ତଙ୍କ ପରିବାର ପ୍ରତି ମୁଁ ସମବେଦନା ଜଣାଉଛି। ସେ କହିଛନ୍ତି, 'ମୁଁ ଏ ବିଷୟରେ କିଛି କହିବାକୁ ଚାହୁଁ ନଥିଲି, କିନ୍ତୁ ଭାରତ ସରକାରଙ୍କ ପ୍ରାରମ୍ଭିକ ଚେତାବନୀ ପ୍ରଣାଳୀ ଉପରେ ପ୍ରଶ୍ନ ଉଠିଥିଲା । ସେଥିପାଇଁ ମୁଁ କହୁଛି ଦୟାକରି ଶୁଣ, ପାଟି କର ନାହିଁ, ଦୟାକରି ପଢନ୍ତୁ, ପଠାଯାଇଥିବା ଚେତାବନୀକୁ ତନ୍ନ ତନ୍ନ କରି ପଢନ୍ତୁ ବୋଲି ଶ୍ରୀ ଶାହା କହିଥିଲେ।
ନବୀନଙ୍କୁ ପ୍ରଶଂସା କଲେ ଶାହ
ସେହି ପ୍ରସଙ୍ଗରେ ଅମିତ ଶାହା ଓଡିଶାର ନବୀନ ପଟ୍ଟନାୟକ ସରକାର ଏବଂ ଗୁଜୁରାଟ ସରକାରକୁ ପ୍ରଶଂସା କରିଥିଲେ। ଯେଉଁଥିରେ ସେ କେରଳ ସରକାରଙ୍କୁ ଗୃହରେ ନିନ୍ଦା କରିଥିଲେ। ସେ କହିଛନ୍ତି, 'ଏହି ଦେଶରେ ଅନେକ ରାଜ୍ୟ ସରକାର ଏଭଳି ରହିଛନ୍ତି, ଯେଉଁମାନେ ଏହି ପ୍ରକାର ଚେତାବନୀ ବ୍ୟବହାର କରି ଶୂନ୍ୟ କାଜୁଆଲିଟି ବିପର୍ଯ୍ୟୟ ପରିଚାଳନା କରିଛନ୍ତି। ଯେତେବେଳେ ନବୀନ ବାବୁ ଓଡିଶାରେ କ୍ଷମତାରେ ଥିଲେ, ଆମେ ସାତ ଦିନ ପୂର୍ବରୁ ଏକ ବାତ୍ୟା ନେଇ ସତର୍କ ସୂଚନା ପଠାଇଥିଲୁ। ନବୀନ ବାବୁ ତାହାକୁ ଗୁରୁତର ନେବା ସହିତ ପଦକ୍ଷେପ ଗ୍ରହଣ କରିଥିଲେ। କେବଳ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିଲା। ଆମେ ତିନି ଦିନ ପୂର୍ବେ ଗୁଜୁରାଟ ସରକାରଙ୍କୁ ଏକ ସାଇକ୍ଲୋନନ୍ ଆଲର୍ଟ ପଠାଇଥିଲୁ, ଏପରିକି ଗୋଟିଏ ବି ପଶୁ ମରି ନଥିଲେ ବୋଲି ସେ କହିଥିଲେ।
ଅଗ୍ରୀମ ସୂଚନା ଦେବାରେ ବିଶ୍ୱର ୪ ରାଷ୍ଟ୍ର ମଧ୍ୟରୁ ଭାରତ ଗୋଟିଏ
ଗୃହମନ୍ତ୍ରୀ ଅମିତ ଶାହା କହିଛନ୍ତି, 'ନରେନ୍ଦ୍ର ମୋଦୀ ଜୀ ୨୦୧୪ରେ ପ୍ରଧାନମନ୍ତ୍ରୀ ହୋଇଥିଲେ, ପ୍ରାରମ୍ଭିକ ଚେତାବନୀ ପ୍ରଣାଳୀର ପ୍ରକଳ୍ପ ୨୦୧୬ରୁ ଆରମ୍ଭ ହୋଇଥିଲା। ୨୦୨୩ ସୁଦ୍ଧା ଭାରତରେ ବିଶ୍ୱର ସବୁଠାରୁ ଆଧୁନିକ ପ୍ରାରମ୍ଭିକ ଚେତାବନୀ ବ୍ୟବସ୍ଥା ରହିବ। ଏଥିରେ ଦୁନିଆରେ କେବଳ ୪ଟି ଦେଶ ଅଛନ୍ତି ଯେଉଁମାନେ ୭ ଦିନ ପୂର୍ବରୁ ପୂର୍ବାନୁମାନ କରିବାର କ୍ଷମତା ରଖିଛନ୍ତି। ସେଥିମଧ୍ୟରୁ ଗୋଟିଏ ହେଉଛି ଭାରତ। ୨୦୧୪ ମସିହାରୁ ଭାରତ ସରକାର ପ୍ରାରମ୍ଭିକ ଚେତାବନୀ ପ୍ରଣାଳୀ ପାଇଁ ୨ ହଜାର କୋଟି ଟଙ୍କା ଖର୍ଚ୍ଚ କରିଛନ୍ତି ଏବଂ ଏହା ଅଂଶ ହୋଇଛ। ସାତ ଦିନ ପୂର୍ବରୁ ପ୍ରତ୍ୟେକ ରାଜ୍ୟକୁ ସୂଚନା ପଠାଯାଏ ସେହି ସୂଚନା ୱେବସାଇଟରେ ସମସ୍ତଙ୍କ ପାଇଁ ଉପଲବ୍ଧ। ଏଠାରେ ଉପସ୍ଥିତ ମାନ୍ୟବର ସାଂସଦମାନଙ୍କ ପାଇଁ ମଧ୍ୟ ଉପଲବ୍ଧ।