CM Yogi Birthday: ୫୦ କିଲୋ କେକ୍ ଉପରେ ବୁଲଡୋଜର, ଏପରି ପାଳନ ହେଲା ବାବାଙ୍କ ଜନ୍ମଦିନ

CM Yogi Birthday: ୨୦୨୨ ଜୁନ ୫ ତାରିଖ ୫୦ ବର୍ଷରେ ପଦାର୍ପଣ କରିଛନ୍ତି ବୁଲଡୋଜର ବାବା ନାମରେ ଚର୍ଚ୍ଚିତ ହୋଇଉଠିଥିବା ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ୧୯୭୨ ମସିହା ଆଜିର ଦିନରେ ଜନ୍ମ ଗ୍ରହଣ କରିଥିଲେ ମୁଖ୍ୟମନ୍ତ୍ରୀ ଯୋଗୀ। ଜନ୍ମଦିନ ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ରବିବାର ମୁଖ୍ୟମନ୍ତ୍ରୀ ଯୋଗୀଙ୍କୁ ଅଭିନନ୍ଦନ ଜଣାଇଛନ୍ତି।  

ଏହି ଅବସରରେ ହିନ୍ଦୁ ଯୁବା ବାହିନୀ ଏବଂ ବିଶ୍ୱ ହିନ୍ଦୁ ମହାସଂଘ ଦିଲ୍ଲୀ ପ୍ରଦେଶ ପକ୍ଷରୁ କନଷ୍ଟିଚ୍ୟୁସନ କ୍ଲବ ଠାରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ୫୦ ତମ ଜନ୍ମଦିନ ଅବସରରେ ତାଙ୍କର ଏକ ପ୍ରତିମୂର୍ତ୍ତି ସ୍ଥାପନ କରାଯାଇଛି। ଏହା ସହିତ ୫୦ କିଲୋଗ୍ରାମ ଭୋଗ ପ୍ରସ୍ତୁତ କରାଯିବା ସହ ୫୦ ଦୀପ ଜଳାଯାଇଛି. ଏହା ସହିତ ଏକ ଯୋଗୀ ଗଛ ମଧ୍ୟ ଲଗାଯାଇଛି। ମୁଖ୍ୟମନ୍ତ୍ରୀ ଯୋଗୀଙ୍କ ଜନ୍ମଦିନରେ ବିଶ୍ୱ ହିନ୍ଦୁ ମହାସଂଘ ଏକ ୫୦ କିଲୋଗ୍ରାମ ଓଜନ ବିଶିଷ୍ଟ କେକ୍ ପ୍ରସ୍ତୁତ କରିଛି ଯେଉଁଥିରେ ଜନ୍ମଦିନକୁ ଅଭିନନ୍ଦନ ଜଣାଇ ବୁଲଡୋଜର ଫଟୋ ମଧ୍ୟ ଲଗାଯାଇଛି।

ଏନେଇ ପ୍ରତିକ୍ରିୟା ରଖି ବିଶ୍ୱ ହିନ୍ଦୁ ମହାସଂଘ ଦିଲ୍ଲୀ ପ୍ରଦେଶ ଅଧ୍ୟକ୍ଷ ଦେବେନ୍ଦ୍ର ସିଂହ କହିଛନ୍ତି ବାବା ଜୀ କେବଳ ବୁଲଡୋଜର କାରଣରୁ ଜଣାଶୁଣା। ବର୍ତ୍ତମାନ ସମସ୍ତ ରାଜ୍ୟରେ ବୁଲଡୋଜର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଉତ୍ତର ପ୍ରଦେଶ ଭଳି ରାଜ୍ୟରେ ଗୁଣ୍ଡାଗର୍ଦ୍ଦି ଶେଷ ହୋଇଛି। ରାସ୍ତା ଉନ୍ନତ ହୋଇଛି, ରାମ ମନ୍ଦିର ନିର୍ମାଣ ହେଉଛି। ସମସ୍ତ କାର୍ଯ୍ୟରେ ଆମେ ବହୁତ ଖୁସି। ଆମେ ଆଶା କରୁଛୁ ଦିନେ ସେ ପ୍ରଧାନମନ୍ତ୍ରୀ ହେବେ। ଅନ୍ୟପକ୍ଷରେ ହିନ୍ଦୁ ଯୁବା ବାହିନୀ ଦିଲ୍ଲୀ ପ୍ରଦେଶ ସଭାପତି ଦୀନେଶ ଅଗ୍ରୱାଲ କହିଛନ୍ତି ଯେ ଆମେ ଚାହୁଁଛୁ ଯେ ଏହି ଅବସରରେ ମହାରାଜ ଜୀ ଉପସ୍ଥିତ ହୁଅନ୍ତୁ, ଆମେ ତାଙ୍କୁ ଡାକିବା ପାଇଁ ମନ୍ଦିର ଏବଂ ତାଙ୍କ ଲୋକଙ୍କ ସହିତ କଥାବାର୍ତ୍ତା କରିଥିଲୁ। ହେଲେ ଏହା ସମ୍ଭବ ହୋଇନଥିଲା। ଆମେ ଏହି ମୂର୍ତ୍ତି ତିଆରି କରିଛୁ। ତାଙ୍କ ପ୍ରଶଂସକ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀଙ୍କ ଜନ୍ମଦିନକୁ ନିଜ ନିଜ ଉତ୍ସବରେ ପାଳନ କରୁଛନ୍ତି। ଏହି ଅବସରରେ କର୍ମକର୍ତ୍ତା ଉତ୍ସାହିତ ଦେଖାଯାଉଥିଲେ ଏବଂ ମୂର୍ତ୍ତିକୁ ଲଡୁ ଖୁଆଇବାକୁ ଚେଷ୍ଟା କରିଥିଲେ।

Also Read: Uttar Pradesh: ବୁଲଡୋଜର ପରେ ଆସିଲା ବୁଲଡୋଜର ରୋବୋଗନ୍