VK Singh targets Jawaharlal Nehru: ପାକିସ୍ତାନ ଅଧିକୃତ କାଶ୍ମୀର ପ୍ରସଙ୍ଗରେ ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ ଜେନେରାଲ (ଅବସରପ୍ରାପ୍ତ) ଭି.କେ ସିଂହ। ଶୁକ୍ରବାର କେନ୍ଦ୍ରମନ୍ତ୍ରୀ ଦିନ ଅଭିଯୋଗ କରିଛନ୍ତି ଯେ ଜବାହରଲାଲ ନେହେରୁ ସରକାର ଦେଶର ଶେଷ ଗଭର୍ଣ୍ଣର ଜେନେରାଲ ଲର୍ଡ ମାଉଣ୍ଟବ୍ୟାଟେନଙ୍କୁ ଖୁସି କରିବା ୧୯୪୮ ଯୁଦ୍ଧରେ ପାକିସ୍ତାନ ଅଧିକୃତ କାଶ୍ମୀରକୁ ହାସଲ କରିନଥିଲେ।
୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ବର୍ଷି ପୂର୍ତ୍ତି ଅବସରରେ ଏକ କାର୍ଯ୍ୟକ୍ରମରେ ଯୋଗ ଦେଇ ଏକଥା କହିଛନ୍ତି କେନ୍ଦ୍ରମନ୍ତ୍ରୀ ଭିକେ ସିଂହ। ଏହି କାର୍ଯ୍ୟକ୍ରମରେ ଯୋଗ ଦେଇ କେନ୍ଦ୍ରମନ୍ତ୍ରୀ ଦାବି କରିଛନ୍ତି ଯେ ଆକ୍ରମଣର ଷଡଯନ୍ତ୍ରକାରୀଙ୍କ ଦ୍ୱାରା ବ୍ୟବହୃତ କିଛି ଫୋନ୍ ନମ୍ବର ଆଇବି ପାଖରେ ପହଞ୍ଚି ସାରିଥିଲା। ଏହି ଆକ୍ରମଣର ଉପଯୁକ୍ତ ଜବାବ ଭାରତ ଦେଇ ପାରିଥାନ୍ତା।
ପୂର୍ବ ସ୍ଥଳ ସେନାଧ୍ୟକ୍ଷ ମୁଖ୍ୟ ଜେନେରାଲ (ଅବସରପ୍ରାପ୍ତ) ତଥା କେନ୍ଦ୍ରମନ୍ତ୍ରୀ ଭି.କେ ସିଂହ କହିଛନ୍ତି ଯେ ଦେଶର ପ୍ରତିରକ୍ଷା ବାହିନୀ ପାଖରେ ପାକିସ୍ତାନ ଅଧିକୃତ କାଶ୍ମୀର ଫେରାଇ ଆଣିବାର କ୍ଷମତା ରହିଛି। ନିର୍ଦ୍ଦେଶ ମିଳିବା ମାତ୍ରେ ଭାରତୀୟ ସେନା ପିଓକେ ଦଖଲ କରିପାରିବ। କେନ୍ଦ୍ରମନ୍ତ୍ରୀ ଦାବି କରିଛନ୍ତି, ଆମେ ୧୯୪୮ ମସିହାରେ ପାକିସ୍ତାନ ଅଧିକୃତ କାଶ୍ମୀର ହାସଲ କରିପାରିଥାନ୍ତେ। ସେତେବଳେ ଭାରତ ବର୍ଷକୁ ଶାସନ କରୁଥିବା ସରକାର କହିଥିଲେ ବର୍ତ୍ତମାନ ନୁହେଁ। କାରଣ ଆମର ଗଭର୍ଣ୍ଣର ଜେନେରାଲ ଲର୍ଡ ମାଉଣ୍ଟବ୍ୟାଟେନ ଅସନ୍ତୁଷ୍ଟ ହେବେ। ଏହି କାରଣରୁ ପିଓକେ ଦଖଲ ଅଭିଯାନ ବନ୍ଦ ହୋଇଯାଇଥିଲା। ଯେତେବେଳେ ଭାରତବର୍ଷ ସ୍ୱାଧୀନ ହୋଇଥିଲା ସେତେବେଳେ ଲର୍ଡ ମାଉଣ୍ଟବ୍ୟାଟେନ୍ ଦେଶର ଗଭର୍ଣ୍ଣର ଜେନେରାଲ୍ ଦାୟିତ୍ୱରେ ଥିଲେ।
କେନ୍ଦ୍ରମନ୍ତ୍ରୀ ବିକେ ସିଂହ ଆହୁରି କହିଛନ୍ତି ଯଦି ବର୍ତ୍ତମାନ ଆମକୁ ସୁଯୋଗ ମିଳେ ତାହେଲେ ଭାରତୀୟ ସୈନ୍ୟବାହିନୀ ପିଓକେ ଦଖଲ ପାଇଁ ପ୍ରସ୍ତୁତ ଅଛନ୍ତି। ସାମରିକ ଦୃଷ୍ଟିକୋଣରୁ ଏହି ପ୍ରସଙ୍ଗରେ ଆଲୋଚନା କିମ୍ବା ଏହା ଉପରେ ଗୁରୁତ୍ୱ ଦେବାର କୌଣସି ଆବଶ୍ୟକତା ନାହିଁ। ମୁଁ ଭାବୁଛି ଆପଣ ଯାହା କରିବାକୁ ଚାହୁଁଛ ତାହାକୁ ଆପଣ ନିଜ ମନରେ ରଖନ୍ତୁ। ଯେତେବେଳେ ଆପଣଙ୍କୁ ଆଦେଶ ମିଳିବ ସେତେବେଳେ ଆପଣ ଏହି କାମ କରିବେ। ଏହାକୁ ନେଇ ଆଲୋଚନା କରିବାର କୌଣସି ଆବଶ୍ୟକତା ନାହିଁ।
ବହୁଚର୍ଚ୍ଚିତ ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ୧୪ତମ ବାର୍ଷିକୀ ଅବସରରେ ଦକ୍ଷିଣପନ୍ଥୀ ପତ୍ରିକା ପଞ୍ଚଜନ୍ୟ ଦ୍ୱାରା ' ୨୬/୧୧ ମୁମ୍ବାଇ ସଙ୍କଳ୍ପ' ନାମକ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଯେଉଁଥିରେ ଯୋଗ ଦେଇଥିଲେ କେନ୍ଦ୍ରମନ୍ତ୍ରୀ ବିକେ ସିଂହ। ଏହି କାର୍ଯ୍ୟକ୍ରମରେ ଯୋଗ ଦେଇ କେନ୍ଦ୍ରମନ୍ତ୍ରୀ କହିଛନ୍ତି ଯେ ଅତୀତରେ ଯେତେବେଳେ ଭାରତ ଆଲୋଚନା ପାଇଁ ପଦକ୍ଷେପ ନେଇଥିଲା, ସେତେବେଳେ ପାକିସ୍ତାନ ଅନୁଭବ କରିଥିଲା ଯେ ଆତଙ୍କବାଦ କାରଣରୁ ଭାରତ ଭୟଭୀତ ହୋଇପଡ଼ିଛି। ପାକିସ୍ତାନର ଜନସାଧାରଣ, ସରକାର ଏବଂ ସଶସ୍ତ୍ର ବାହିନୀ ବିଭିନ୍ନ ସ୍ୱରରେ କଥା ହେଉଛନ୍ତି ଯେ ଏହା ହେଉଛି ଏକ ପରିବର୍ତ୍ତନ। ଯାହାକୁ ଆମେ ଦେଖୁଛୁ।
କେନ୍ଦ୍ରମନ୍ତ୍ରୀ ଭିକେ ସିଂହ କହିଛନ୍ତି ଯେ ଯେତେବେଳେ ୨୦୦୮ ନଭେମ୍ବର ୨୬ ତାରିଖରେ ମୁମ୍ବାଇରେ ଆତଙ୍କବାଦୀ ଆକ୍ରମଣ ହୋଇଥିଲା ସେତେବେଳେ ମୋତେ କୋଲକାତାସ୍ଥିତ ଇଷ୍ଟର୍ନ କମାଣ୍ଡ ଠାରେ ନିଯୁକ୍ତି କରାଯାଇଥିଲା। କୋଲକାତା ଠାରେ ନିଯୁକ୍ତି ବେଳେ ଆମକୁ ଖବର ମିଳିଥିଲା ଯେ ଆମେ ଜାଣିଥିବା ଜଣେ ବ୍ୟକ୍ତି କିଛି ସିମ୍ କାର୍ଡ କିଣିବାକୁ କୋଲକାତା ଆସିଥିଲେ। ଆମେ ଏହାର ଅନୁସନ୍ଧାନ କରିଥିଲୁ ଏବଂ ସେହି ୧୦-୧୨ ମୋବାଇଲ ନମ୍ବର ବିଷୟରେ ଇଣ୍ଟେଲିଜେନ୍ସ ବ୍ୟୁରୋ ପାଖରେ ଖବର ପହଞ୍ଚାଇଥିଲୁ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ୨୬/୧୧ ଆତଙ୍କବାଦୀ ଆକ୍ରମଣରେ ସେହି ଚାରୋଟି ସଂଖ୍ୟା ବ୍ୟବହାର କରାଯାଇଥିଲା। ଯଦି ଆପଣ ସେହି ୧୦-୧୨ ମୋବାଇଲ ନମ୍ବର ଉପରେ ନଜର ରଖିଥାନ୍ତି ଏବଂ ଯଦି କେହି ଆପଣଙ୍କୁ କହିଥଲେ ଯେ ଏହାର ଅପବ୍ୟବହାର ହୋଇପାରେ, ତାହେଲେ ମୁଁ ଭାବୁଛି ଆପଣ ସେମାନଙ୍କୁ ଧରି ପାରିଥାନ୍ତେ। କାରଣ ସେହି ମୋବାଇଲ୍ ନମ୍ବର ସକ୍ରିୟ ରହିଥିଲା। ହେଲେ ଏ ବାବଦରେ ମିଳିଥିବା ଗଇନ୍ଦା କାର୍ଯ୍ୟକାରୀ କରାଯାଇ ପାରିନଥିଲା। ଏହାର ଅର୍ଥ ହେଉଛି ସେଠାରେ କିଛି ଅଭାବ ରହିଥିଲା।