India Alliance: ଇଣ୍ଡିଆ ମେଣ୍ଟରେ ଥିବା ଦଳ ମାନଙ୍କ ମଧ୍ୟରେ ସିଟ୍ ବଣ୍ଟନ ପୂର୍ବରୁ ପାରସ୍ପରିକ ମତଭେଦ ଦଖିବାକୁ ମିଳିଛି। ପଶ୍ଚିମବଙ୍ଗ କଂଗ୍ରେସ ମୁଖ୍ୟ ଅଧିର ରଂଜନ ଚୌଧୁରୀ (Adhir Ranjan Chowdhury) ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ (Mamata Banerjee) ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ (PM Modi) ସେବାରେ ବ୍ୟସ୍ତ ଥିବା କହିଛନ୍ତି। ସେ ଏହା ମଧ୍ୟ କହିଛନ୍ତି ଯେ ମମତା କଂଗ୍ରେସ ସହ ମେଣ୍ଟ କରିବାକୁ ଚାହୁଁନାହାଁନ୍ତି। ଦେଶର ସର୍ବ ପୁରାତନ ଦଳ ପଶ୍ଚିମବଙ୍ଗରେ (West Bengal) ହେବାକୁ ଥିବା ଲୋକସଭା ନିର୍ବାଚନରେ ନିଜେ ଲଢ଼ିପାରିବେ ବୋଲି ଆଦିର ଦାବି କରିଛନ୍ତି।
ସେ କହିଛନ୍ତି, "ଆମେ ଭିକ୍ଷା ମାଗି ନାହୁଁ। ମମତା ବାନାର୍ଜୀ ନିଜେ କହିଛନ୍ତି ଯେ ସେ ଏକ ଗଠବନ୍ଧନ ଚାହୁଁଛନ୍ତି। ଆମକୁ ମମତା ବାନାର୍ଜୀଙ୍କ ଦୟା ଦରକାର ନାହିଁ। ଆମେ ନିଜ ବଳରେ ନିର୍ବାଚନ ଲଢ଼ିପାରିବୁ। ମମତା ବାନାର୍ଜୀ ପ୍ରକୃତରେ ମେଣ୍ଟ ଚାହୁଁ ନାହାଁନ୍ତି କାରଣ ପିଏମ ମୋଦୀଙ୍କ ସେବାରେ ବ୍ୟସ୍ତ ଅଛନ୍ତି। "
ଖବର ଅନୁସାରେ, ଆସନ୍ତା ଲୋକସଭା ନିର୍ବାଚନ ପାଇଁ ପଶ୍ଚିମବଙ୍ଗରେ କଂଗ୍ରେସକୁ ଦୁଇଟି ସିଟ୍ ସେୟାର କରିବାକୁ ଟିଏମସି ଚାହୁଁଥିବାକୁ ନେଇ ପ୍ରଶ୍ନ ପଚରାଯିବାରୁ କଂଗ୍ରେସ ନେତା ଏହି ବୟାନ ଦେଇଛନ୍ତି। ଇଣ୍ଡିଆ ଟୁଡେ ସୂତ୍ରରୁ ପ୍ରକାଶ ଯେ ଟିଏମସି ବିଶ୍ୱାସ କରେ ଯେ ବଙ୍ଗଳାର ପ୍ରାଧାନ୍ୟ ଦଳକୁ ଆସନ ସେୟାର ନେଇ ଚୂଡ଼ାନ୍ତ ନିଷ୍ପତ୍ତି ନେବାକୁ ଅନୁମତି ଦିଆଯିବା ଉଚିତ୍।
ଟିଏମସି ଇଣ୍ଡିଆ ମେଣ୍ଟରେ ସଂଯୋଜକ ଭାବରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ୍ଗେଙ୍କୁ ଚୟନ କରିବା କଥାକୁ ଦୋହରାଇଛି। ପାର୍ଟି ସୂତ୍ରରୁ ପ୍ରକାଶ ଯେ ଯଦିଓ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ସୁପ୍ରିମୋ ନୀତୀଶ କୁମାରଙ୍କ ବିରୋଧରେ ଦଳର କିଛି କହିବାର ନାହିଁ, ତେବେ ବିରୋଧୀ ଦଳର ଇଣ୍ଡିଆ ମେଣ୍ଟର ଖଡ୍ଗେ ଏହା ଉପରେ ଅଧିକ ପ୍ରଭାବ ପକାଇ ପାରିବେ ବୋଲି ବିଶ୍ୱାସ ରହିଛି। ସୂତ୍ରରୁ ପ୍ରକାଶ ଯେ ଟିଏମସି ମଧ୍ୟ ବିଶ୍ୱାସ କରେ ଯେ ଦଳିତ ସମ୍ପ୍ରଦାୟରୁ ଆସିଥିବା ଖଡ୍ଗେ ଏକ ଭଲ ବିକଳ୍ପ, କାରଣ ସେ ୫୮ ଟି ଆସନକୁ ପ୍ରଭାବିତ କରିପାରିବେ।
ଡିସେମ୍ବରରେ ଦିଲ୍ଲୀରେ ଅନୁଷ୍ଠିତ ଇଣ୍ଡିଆ ଆଲାଇନ୍ସ ବୌଠକରେ ନିଷ୍ପତ୍ତି ନିଆଯାଇଥିଲା ଯେ ୨୦୨୪ ଲୋକସଭା ନିର୍ବାଚନ ପାଇଁ ସିଟ୍ ବାଣ୍ଟିବା ଆଲୋଚନା ଯଥାଶୀଘ୍ର ଚୂଡାନ୍ତ ହେବ। ୩୧ ଡିସେମ୍ବର ୨୦୨୩ ସୁଦ୍ଧା ଟିଏମସି ସିଟ୍ ବାଣ୍ଟିବା କାମକୁ ଚୂଡ଼ାନ୍ତ କରାଯିବା ଦାବି କରାଯାଇଥିଲା। ସମୟସୀମା ଅତିକ୍ରମ କରିସାରିଛି, କିନ୍ତୁ ସିଟ୍ ବାଣ୍ଟିବା ନେଇ ଏପର୍ଯ୍ୟନ୍ତ ଏକ ସହମତି ହୋଇପାରି ନାହିଁ।