ପାଟନା: Jitan Ram Manjhi: ମିଶନ ୨୦୨୪ର ଲହର ସବୁଠାରୁ ଅଧିକ ବିହାରରେ ଦେଖିବାକୁ ମିଳୁଛି । ବିହାର ମୁଖ୍ୟମନ୍ତ୍ରୀ ( Bihar CM) ନୀତିଶ କୁମାର (Nitish Kumar) ଏହି ମିଶନକୁ ଶେଷ କରିବାକୁ ମୈଦାନକୁ ଓହ୍ଲାଇ ପଡ଼ିଛନ୍ତି । ଏହା ଅଧୀନରେ ସେ ଯୋଜନା ପ୍ରସ୍ତୁତି ଆରମ୍ଭ କରି ଦେଇଛନ୍ତି । ନିକଟ ଅତୀତରେ ସେ ଦିଲ୍ଲୀ ଗସ୍ତ କରିଥିଲେ । ସେପଟେ ବିହାରର ପୂର୍ବତନ ମୁଖ୍ୟମନ୍ତ୍ରୀ (Former Bihar CM) ଜିତନ ରାମ ମାଞ୍ଝୀ (Jitan Ram Manjhi) ଦେଶର ପରବର୍ତ୍ତୀ ପ୍ରଧାନମନ୍ତ୍ରୀ ଓ ବିହାରର ମୁଖ୍ୟମନ୍ତ୍ରୀ ପଦକୁ ନେଇ ଏକ ବଡ଼ ବୟାନ ଦେଇଛନ୍ତି । ଜିତନ ରାମ ମାଞ୍ଝୀ ଏକ ଖୋଲା ମଞ୍ଚରୁ କହିଛନ୍ତି ଯେ, ୨୦୨୪ରେ ନୀତିଶ କୁମାର ଦେଶର ପ୍ରଧାନମନ୍ତ୍ରୀ ହେବେ । ଅନ୍ୟପକ୍ଷେ ତେଜସ୍ୱୀ ଯାଦବ (Tejashwi Yadav) ବିହାରର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ।
ଏଠାରେ କହି ରଖୁଛୁ ଯେ, ଗୁରୁବାର ବିହାରର ଗୟାଠାରେ ରବର ଡ୍ୟାମର ଉଦଘାଟନ ପାଇଁ ମୁଖ୍ୟମନ୍ତ୍ରୀ ନୀତିଶ କୁମାର, ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ, ମନ୍ତ୍ରୀ ସଞ୍ଜୟ ଝା, ମନ୍ତ୍ରୀ ଅଶୋକ ଚୌଧୁରୀଙ୍କ ସମେତ ଅନେକ ନେତା ଏଠାରେ ପହଞ୍ଚିଥିଲେ । ଏହି ସମୟରେ ଯେତେବେଳେ କାର୍ଯ୍ୟକ୍ରମ ଚାଲିଥିଲା, ଜିତନ ରାମ ମାଞ୍ଝୀ ମଞ୍ଚରୁ କହିଥିଲେ ଯେ, ସିଏମ ନୀତିଶ କୁମାର ବର୍ତ୍ତମାନ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ବିହାରକୁ ତେଜସ୍ୱୀ ଯାଦବ ପରିଚାଳନା କରିବେ । ମାଞ୍ଝୀ ତେଜସ୍ୱୀଙ୍କୁ ବିହାରର ଭବିଷ୍ୟତର ମୁଖ୍ୟମନ୍ତ୍ରୀ ଭାବେ ସମ୍ବୋଧିତ କରିଥିଲେ । ପୂର୍ବତନ ମୁଖ୍ୟମନ୍ତ୍ରୀ ଜିତନ ରାମ ମଞ୍ଝୀ କହିଛନ୍ତି ଯେ, ନୀତିଶ କୁମାରଙ୍କୁ ମୁଖ୍ୟମନ୍ତ୍ରୀ କୁହନ୍ତୁ ନାହିଁ, ବର୍ତ୍ତମାନ ଆପଣ ତାଙ୍କୁ ପ୍ରଧାନମନ୍ତ୍ରୀ ବୋଲି ଡାକିଲେ ଭଲ ହେବ ।
ଏହା ବି ପଢ଼ନ୍ତୁ:-ଉଦ୍ଧବଙ୍କୁ ଆଉ ଏକ ବଡ଼ ଝଟକା ଦେବାକୁ ଯାଉଥିଲେ ସିନ୍ଦେ, ଖେଳ ବିଗାଡ଼ିଲେ ଶିବସେନା ସାଂସଦଙ୍କ ପୁଅ
ଏହା ବି ପଢ଼ନ୍ତୁ:-'ନିଜ ଆସନ ଯାଏ ସୀମିତ ରୁହ', ଜାଣନ୍ତୁ କାହିଁକି ନିଜ ଦଳର ସାଂସଦ ମହୁଆ ମୈତ୍ରଙ୍କ ଉପରେ ଖୋଲାଖୋଲି ଭାବେ ବର୍ଷିଲେ ମମତା ବାନାର୍ଜୀ
ଏହା ବି ପଢ଼ନ୍ତୁ:-ରାସନ ଡିଲର ହେବା ପାଇଁ ଏପରି କରନ୍ତୁ ଆବେଦନ, ହେବ ମୋଟା ଅଙ୍କର ରୋଜଗାର; ଜାଣନ୍ତୁ ପୂରା ପ୍ରକ୍ରିୟା
ହିନ୍ଦୁସ୍ତାନୀ ଆୱାମ ମୋର୍ଚା (ହମ) ପାର୍ଟି (Hindustani Awam Morcha-HAM) ର ମୁଖିଆ ଜିତନ ରାମ ମାଞ୍ଝୀ ଯେଉଁ ଭବିଷ୍ୟବାଣୀ କରିଛନ୍ତି , ତାହା ପରେ ପ୍ରଶ୍ନ ଉଠୁଛି ଯେ ତାଙ୍କ ବୟାନରେ କେତେ ଦମ୍ ଅଛି । ତେବେ ନୀତିଶ କୁମାର ଯେଉଁଭଳି ଭାବରେ ପ୍ରସ୍ତୁତି କରୁଛନ୍ତି ତାହା ଏଥିରୁ ସ୍ପଷ୍ଟ ହୋଇଛି ଯେ ବିରୋଧୀ ଦଳ ଏକଜୁଟ ହୋଇ ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ଲଢ଼ିବାକୁ ପ୍ରସ୍ତୁତ ହେଉଛନ୍ତି । ଯଦିଓ ନୀତିଶ କୁମାର ଅନେକ ଥର କହିସାରିଛନ୍ତି ଯେ, ସେ ପ୍ରଧାନମନ୍ତ୍ରୀ ପଦ ପାଇଁ ପ୍ରାର୍ଥୀ ନୁହଁନ୍ତି । ବିରୋଧୀଙ୍କୁ କେବଳ ଗୋଟିଏ ମଞ୍ଚରେ ଆଣିବା ପାଇଁ ସେ କାର୍ଯ୍ୟ କରୁଛନ୍ତି ।