ମହାରାଷ୍ଟ୍ର ପରେ ଏବେ ଝାଡ଼ଖଣ୍ଡର ପାଳି? କଂଗ୍ରେସକୁ ଏଠାରେ ମଧ୍ୟ ଲାଗିବ ଝଟକା!

ନୂଆଦିଲ୍ଲୀ: Jharkhand Politics: ମହାରାଷ୍ଟ୍ରରେ ଶିବସେନା (Shiv Sena) ରେ ହୋଇଥିବା ବିଦ୍ରୋହ ପରେ ରାଜ୍ୟର ରାଜନୈତିକ ସମୀକରଣ ବଦଳିଯାଇଛି । ଏହା ମଧ୍ୟରେ ଝାଡଖଣ୍ଡକୁ ନେଇ ମଧ୍ୟ ରାଜନୈତିକ ଚର୍ଚ୍ଚା ଜୋର ଧରିଛି । ବର୍ତ୍ତମାନ ଆଶଙ୍କା କରାଯାଉଛି ଯେ କ'ଣ ମହାରାଷ୍ଟ୍ରର ମହାବିକାଶ ଅଘାଡ଼ି ସରକାର (MVA Govt) ର ପତନ ପରେ ଏବେ ଝାରଖଣ୍ଡର ହେମନ୍ତ ସୋରେନ ସରକାର (Hemant Soren Government) ଙ୍କ ପାଳି ଆସିଛି? ନିକଟ ଅତୀତରେ ବିଜେପି ନେତା ଶୁଭେନ୍ଦୁ ଅଧିକାରୀ ମଧ୍ୟ ସମାନ ଦାବି କରିଛନ୍ତି । ନିକଟ ଭବିଷ୍ୟତରେ ସେ ମହାରାଷ୍ଟ୍ରର ସିଏମ୍ ଉଦ୍ଧବ ଠାକରେଙ୍କ ନେତୃତ୍ୱରେ ମହା ବିକାଶ ଅଘାଡ଼ି ସରକାରଙ୍କ ପରି ଝାଡଖଣ୍ଡର ହେମନ୍ତ ସୋରେନ୍ (Hemant Soren) ସରକାର ସ୍ଥିତି ହେବ ବୋଲି ଦାବି କରିଥିଲେ ।

ଚର୍ଚ୍ଚା ଜୋର ଧରିଛି ଯେ, ମହାରାଷ୍ଟ୍ରରେ ସଫଳତା ପାଇବା ପରେ ବିଜେପି ବର୍ତ୍ତମାନ ଝାଡ଼ଖଣ୍ଡ ମିଶନକୁ କାର୍ଯ୍ୟକାରୀ କରିବାରେ ଲାଗିଛନ୍ତି । ବିଜେପି ନେତା ଶୁଭେନ୍ଦୁ ଅଧିକାରୀ କହିଥିଲେ ଯେ, ଯେଭଳି ଭାବେ ମହାରାଷ୍ଟ୍ରରେ ପରସ୍ଥିତି ଉତ୍ପନ୍ନ ହୋଇଛି,  ଠିକ୍ ସମାନ ଭାବେ ଝାରଖଣ୍ଡରେ ମଧ୍ୟ ଜେଏମଏମ-କଂଗ୍ରେସ-ଆରଜେଡି ମେଣ୍ଟ ସରକାରର ସ୍ଥିତି ହୋଇପାରେ ।

ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ ମଧ୍ୟ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସହ ଦିଲ୍ଲୀରେ ସାକ୍ଷାତ କରିଛନ୍ତି । ଯାହା ପରେ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି । ମୁଖ୍ୟମନ୍ତ୍ରୀ ସୋରେନ୍ ମଧ୍ୟ ଝାଡଖଣ୍ଡ ମୁକ୍ତି ମୋର୍ଚ୍ଚା (JMM) ର କାର୍ଯ୍ୟକାରୀ ଅଛନ୍ତି । ମଙ୍ଗଳବାର ସେ ଦିଲ୍ଲୀରେ ଥିଲେ, ବିଜେପି ତାଙ୍କ ବିରୋଧରେ ଆଣିଥିବା ଅଭିଯୋଗ ଯୋଗୁଁ ଅଫିସ୍ ଅଫ୍ ପ୍ରୋଫିଟ୍ ମାମଲାରେ ଭାରତୀୟ ନିର୍ବାଚନ ଆୟୋଗଙ୍କ ନିକଟରେ ହାଜର ହେବା ପାଇଁ ଆସିଥିଲେ ।

ତେବେ ଅମିତ ଶାହ (Amit Shah) ଙ୍କ ସହ ସୋରେନ (Hemant Soren0 ଙ୍କ ସାକ୍ଷାତ ଏପରି ଏକ ସମୟରେ ହୋଇଛି ଯେତେବେଳେ ଜେଏମଏମ ବିଜେପିର ରାଷ୍ଟ୍ରପତି ପ୍ରାର୍ଥୀଙ୍କୁ ସମର୍ଥନ କରିବ କି ନାହିଁ ତାହାକୁ ନେଇ ଦ୍ୱନ୍ଦ୍ୱରେ ପଡିଛି । ଦ୍ରୌପଦୀ ମୁର୍ମୁ ଝାଡଖଣ୍ଡର ରାଜ୍ୟପାଳ ରହିଛନ୍ତି । ସେପଟେ ରାଜ୍ୟରେ କଂଗ୍ରେସ ସହ ମେଣ୍ଟରେ ମଧ୍ୟ ମତଭେଦ ଦେଖାଦେଇଛି । ଏହା ମଧ୍ୟ ଆଲୋଚନା ହୋଇଛି ଯେ ୧୬ କଂଗ୍ରେସ ବିଧାୟକଙ୍କ ମଧ୍ୟରୁ ଅନେକ ଦଳ ଛାଡି ବିଜେପିରେ ଯୋଗ ଦେଇପାରନ୍ତି । କଂଗ୍ରେସରେ ବିଦ୍ରୋହ ହେଲେ AJSU, NCP ଏବଂ ସ୍ୱାଧୀନ ବିଧାୟକମାନେ ମଧ୍ୟ ବିଜେପି ସାଙ୍ଗରେ ଯାଇପାରେ ।

ଏହା ବି ପଢ଼ନ୍ତୁ:-ଅମରାବତୀରେ ଉଦୟପୁରର ପୁନରାବୃତ୍ତି! ନୁପୂର ଶର୍ମାଙ୍କ ଆଉ ଜଣେ ସମର୍ଥକଙ୍କୁ ଗଳା କାଟି ହତ୍ୟା ସନ୍ଦେହ

ଏହା ବି ପଢ଼ନ୍ତୁ:-ବିଦ୍ରୋହୀ ବିଧାୟକ ଗୁଆହାଟିର ବିଳାସପୂର୍ଣ୍ଣ ହୋଟେଲରେ ଖାଇଥିଲେ ୨୨ ଲକ୍ଷ ଟଙ୍କାର ଖାଦ୍ୟ, ଦେଖନ୍ତୁ ଖର୍ଚ୍ଚର ପୁରା ତାଲିକା

ଝାରଖଣ୍ଡରେ କେଉଁ ଦଳରେ ପାଖରେ ରହିଛି କେତେ ଆସନ?

କୁହାଯାଉଛି ଯେ ଯଦି ବିଚାରାଧୀନ ମାମଲାରେ ଝାଡଖଣ୍ଡର ସିଏମ ହେମନ୍ତ ସୋରେନ ଦୋଷୀ ସାବ୍ୟସ୍ତ ହୁଅନ୍ତି, ତେବେ ବିଜେପି ମଧ୍ୟ ଏଠାରେ ଖେଳି କରିପାରେ । ଏଠାରେ କହି ରଖୁଛୁ ଯେ, ଝାଡ଼ଖଣ୍ଡରେ ଜେଏମଏମ-କଂଗ୍ରେସ ମେଣ୍ଟ ୨୦୧୯ର ବିଧାନସଭାରେ ଆଦିବାସୀ ବେଲ୍ଟରେ ଥିବା ୨୮ଟି ଆସନ ମଧ୍ୟରୁ ୨୫ଟି ଜିତିଥିବାବେଳେ ବିଜେପି କେବଳ ଦୁଇଟି ଆସନ ଜିତିପାରିଥିଲା । ଝାଡ଼ଖଣ୍ଡର ୮୧ ସଦସ୍ୟ ବିଶିଷ୍ଟ ବିଧାନସଭାରେ ଜେଏମଏମର ୩୦, କଂଗ୍ରେସର ୧୮, ବିଜେପିର ୨୬, ଆରଜେଡି-ଏନସିପି-ସିପିଆଇଏମଏଲଏଲର ୧-୧ , ଏଜେଏସୟୁ ଓ ଆଇଏନଡିର ୨-୨ ଜଣ ବିଧାୟକ ଅଛନ୍ତି ।