Happy Birthday Mahesh Babu: କୌଣସି ସିନେମା କାହାଣୀଠାରୁ କମ୍ ନୁହେଁ ' ପ୍ରିନ୍ସ ଅଫ ଟଲିଉଡ଼'ଙ୍କ ପ୍ରେମ କାହାଣୀ

ସାଉଥ ଇଣ୍ତଷ୍ଟ୍ରିରେ ନିଜର ସ୍ବତନ୍ତ୍ର ସ୍ଥାନ ସୃଷ୍ଟି କରିଥିବା ମହେଶ ବାବୁ ନିଜର ଦମଦାର ଅଭିନୟ ପାଇଁ ଘରେ ଘରେ ପରିଚିତ। ନିଜର ଅଭିନୟ ସାଙ୍ଗକୁ ଚମତ୍କାର ବ୍ୟକ୍ତିତ୍ୱ ପାଇଁ ମଧ୍ୟ ସେ ବେଶ ଜଣାଶୁଣା ।

ନିଜ ଲିକ୍ସ ଯୋଗୁଁ ସବୁବେଳେ ଚର୍ଚ୍ଚାରେ ରହିଥାଆନ୍ତି ଅଭିନେତା । ତାଙ୍କ ସୁନ୍ଦର ଚେହେରା ପଛରେ ଲକ୍ଷ ଲକ୍ଷ ପ୍ରଶଂସକ ପାଗଳ ଅଟନ୍ତି । ଏହି କାରଣରୁ ତାଙ୍କୁ ' ପ୍ରିନ୍ସ ଅଫ ଟଲିଉଡ଼' ବୋଲି କୁହାଯାଏ।

ମହେଶ ବାବୁ ନମ୍ରତାଙ୍କଠାରୁ ୪ ବର୍ଷ ସାନ ଅଟନ୍ତି । ଉଭୟ ପରସ୍ପରକୁ ଲୁଚି ଲୁଚି ଦୀର୍ଘ ୪ ବର୍ଷ ପର୍ଯ୍ୟନ୍ତ ଡ଼େଟ୍ କରିଥିଲେ । ମହେଶ ବାବୁ ନମ୍ରତାଙ୍କଠାରୁ ସାନ ଥିବାରୁ ସେମାନେ ନିଜ ସମ୍ପର୍କ ବିଷୟରେ ପ୍ରଥମେ ପରିବାର ଲୋକଙ୍କୁ ଜଣାଇବାକୁ ଡରୁଥିଲେ ।

କିନ୍ତୁ ପରବର୍ତ୍ତୀ ସମୟରେ ଉଭୟଙ୍କ ମଧ୍ୟରେ ବୟସ ପାର୍ଥକ୍ୟ ସତ୍ତ୍ବେ ପରିବାର ଲୋକେ ବିବାହ ନେଇ ରାଜି ହୋଇଥିଲେ। ଦୁହେଁ ୨୦୦୫ ମସିହା ଫେବୃଆରୀ ୧୦ ତାରିଖରେ ବିବାହ ବନ୍ଧନରେ ବାନ୍ଧି ହୋଇଥିଲେ । ସେମାନଙ୍କର ଦୁଇଟି ସନ୍ତାନ ମଧ୍ଯ ଅଛନ୍ତି ।

ସୁପରଷ୍ଟାର ମହେଶ ବାବୁ ଏକ ସାକ୍ଷାତକାରରେ କହିଥିଲେ ଯେ, ବଲିଉଡ ତାଙ୍କୁ ସହ୍ୟ କରିପାରିବ ନାହିଁ। ଅଭିନେତାଙ୍କ ଏହି ବୟାର ପରେ ବିବାଦ ଦେଖା ଦେଇଥିଲା । 'ମେଜର'ର ଟ୍ରେଲର ଲଞ୍ଚ ସମୟରେ ମଧ୍ଯ ସୁପରଷ୍ଟାର ବଲିଉଡ଼ ସମାନ କଥା କହିଥିଲେ।

ନିଜ କାମକୁ ନେଇ ସିରିୟସ୍ ଥିବା ମହେଶ ବାବୁ ପ୍ରତ୍ୟେକ ଚରିତ୍ରକୁ ପରଦା ଉପରେ ବେଶ ନୁଖୁଣତାର ସହ ତୁଲାଇଥାଆନ୍ତି । ନିଜ ବୃତ୍ତିଗତ ଜୀବନରୁ ସମୟ ପାଇବା ମାତ୍ରେ ସେ ପରିବାର ସହ ଛୁଟିରେ ଯିବାକୁ ପସନ୍ଦ କରନ୍ତି । ଭ୍ୟାକେସନ୍ ତାଙ୍କ 'ଷ୍ଟ୍ରେସ ବୁଷ୍ଟର' ବୋଲି ସେ କହିଛନ୍ତି ।