Puri News: ଅକ୍ଷୟ ତୃତୀୟାରେ ଅନୁକୂଳ ହୋଇଛି ରଥକାଠ। ଆଉ ଏବେ ଜୋରସୋରରେ ରଥକାମ ଆଗେଇ ଚାଲିଛି । ରଥ ନିର୍ମାଣର ପଞ୍ଚଦଶ ଦିବସରେ ରଥ ଖଳା ଠାରେ ଗୁଜରେ ରୂପ ଖୋଦେଇ କାର୍ଯ୍ୟ, ସିଙ୍ଗଡ଼ା ବାଡ଼ିଆ କାର୍ଯ୍ୟ ଆଗେଇ ଚାଲିଛି। ଦେଖନ୍ତୁ ରଥ ନିର୍ମାଣ କାର୍ଯ୍ୟର କିଛି ଝଲକ୍।
ପାଖେଇ ଆସୁଛି ରଥଯାତ୍ରା। ଏନେଇ ଚଳ ଚଞ୍ଚଳ ହୋଇପଡିଛି ରଥଖଳା। ରଥ ନିର୍ମାଣରେ ଲାଗିଛନ୍ତି ସେବକ।
ରଥ ଖଳା ଯନ୍ତା ଗାଡ଼ ଠାରେ ତିନି ରଥର ଗୋଟିଏ ଗୋଟିଏ ନାହାକ ତୁମ୍ବରେ ଅର ସଂଯୋଗ କରିଥିଲେ ।
ତିନି ରଥର ୨ଟି ଦୁଇଟି ତୁମ୍ବରେ ଅର ସଂଯୋଗ ହୋଇ ସିଙ୍ଗଡ଼ା ବାଡିଆ ପରେ ତୁମ୍ବରେ ଅଖ ବିନ୍ଧ ପାଇଁ ଭୋଇ ସେବକ ମାନେ ତିନି ରଥ ମହାରଣା ସେବକ ମାନଙ୍କୁ ଯୋଗାଇଛନ୍ତି ।
ଖରାକୁ ଖାତିର ନ କରି, ୩ ରଥ ମହାରଣା ସେବକ ମାନେ ସିଙ୍ଗଡ଼ାରେ ପଇ ରଖି ମାପ ଚିହ୍ନ ଦେବା ପରେ ବିଧି ପ୍ରକାରେ ପାଇ ବିନ୍ଧ ଅନୁକୂଳ ପୂଜା ମୁଖ୍ୟ ମହାରଣାଙ୍କ ଦ୍ଵାରା ସମ୍ପନ୍ନ ହୋଇଛି।
ପରେ ସହୋଯୋଗି ମହାରଣା ସେବକ ପାଇରେ ବିନ୍ଧ କାର୍ଯ୍ୟ ଆରମ୍ଭ କରିଥିଲେ । ତତ୍ ପରେ ଅର ସଂଯୋଗ ତୁମ୍ବରେ ଅଖ ବିନ୍ଧ ପାଇଁ ଭୋଇ ସେବକ ମାନଙ୍କ ସହୋଯୋଗରେ ତୁମ୍ବ ବିନ୍ଧ କରିଗର ତୁମ୍ବରେ ଅଖ ବିନ୍ଧ କରିଥିଲେ ।