Morning tips: ସକାଳ ସମୟକୁ ବ୍ରହ୍ମ ମୁହୂର୍ତ୍ତ (Brahmamuhurtha) ବୋଲି କୁହାଯାଏ । ଯଦି ସକାଳ (Morning) ସମୟ ଆପଣଙ୍କର ଭଲ ଭାବରେ ଆରମ୍ଭ ହୁଏ । ତେବେ ପୂରା ଦିନ ଆପଣଙ୍କର ଭଲରେ କଟିଥାଏ ବୋଲି ବିଶ୍ବାସ ରହିଛି। ତେବେ,ଶାସ୍ତ୍ର ଅନୁସାରେ ଏଭଳି କିଛି ଜିନିଷ ରହିଛି । ଯାହାକୁ ଦେଖିବା ଦ୍ବାରା ଆପଣଙ୍କ ଉପରେ ସେହିଦିନ ମାଆ ଲକ୍ଷ୍ମୀଙ୍କ ଆର୍ଶିବାର୍ଦ ବର୍ଷା ହୋଇଥାଏ । ଅର୍ଥାତ୍ ଆପଣଙ୍କୁ ସେହି ଦିନ ହଠାତ୍ କେଉଁ ଆଡୁ ଧନଲାଭର ଯୋଗ ସୃଷ୍ଟି ହୋଇଥାଏ । ଏବଂ ପୂରା ଦିନ ଭଲରେ କଟିଥାଏ।
ଶାସ୍ତ୍ର ଅନୁଯାୟୀ, ଯଦି ଆପଣ ସକାଳୁ ଉଠିବା ମାତ୍ରେ ବେଦ, ଗୀତା ପରି ଧାର୍ମିକ ପୁସ୍ତକଗୁଡ଼ିକ ଦେଖିବେ । ଏହା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। କୁହାଯାଏ ଯେ, ଜଣେ ବ୍ୟକ୍ତିର ଗୀତ ପଠନ କରିବା ଦ୍ବାରା ତାର ମାନସିକ ସ୍ଥିତି ଦିନସାରା ସତେଜ ହୋଇ ରହିଥାଏ। ଏବଂ ଦାରିଦ୍ରତା ପାଖ ମାଡେ ନାହିଁ।
ଯଦି ଆପଣ ପ୍ରାତଃ ସମୟରେ ସୃଙ୍ଗାର ଲଗାଇଥିବା ଜଣେ ମହିଳାଙ୍କୁ ଦେଖନ୍ତି,ତେବେ ଏହା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । ସକାଳେ ଏପରି ମହିଳାଙ୍କୁ ଦର୍ଶନ କରିବା ମାଆ ଲକ୍ଷ୍ମୀଙ୍କୁ ଦର୍ଶନ କରିବା ସହ ସମାନ ବୋଲି ବିବେଚନା କରାଯାଏ।
ଯଦି ଆପଣ ସକାଳେ ନିଆଁ ଜଳୁଥିବା ବା ପୂଜାପାଠ ହେଉଥିବାର ହୋମ ନିଆଁକୁ ଦେଖନ୍ତି । ତାହାକୁ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ଏହା ଅର୍ଥନୈତିକ ସଙ୍କଟର ସମାପ୍ତିର ସଙ୍କେତ ବୋଲି ବିବେଚନା କରାଯାଏ। ଅର୍ଥାତ୍ ଆପଣଙ୍କର ଦାରିଦ୍ରତାର ଦିନ ଶେଷ ହୋଇଗଲା ବୋଲି ତାହା ସୂଚିତ କରେ।
ସେହିପରି, ଯଦି ଆପଣ ସକାଳୁ ଉଠିବା ମାତ୍ରେ ଘର ସମ୍ମୁଖରେ ଏକ ଗାଈ ଦେଖନ୍ତି । ତେବେ, ଏହା ଏକ ଶୁଭ ସଙ୍କେତ ଭାବରେ ବିବେଚନା କରାଯାଏ । ଏହା ଆପଣଙ୍କ ଆର୍ଥିକ ସ୍ଥିତିକୁ ମଜବୁତ କରିବା ସହ ଦିନସାରା ଆପଣଙ୍କ ସମସ୍ତ କାର୍ଯ୍ୟ ସୁରୁଖୁରରେ ହୋଇଥାଏ।
ଅନ୍ୟପଟେ, ଯଦି ଆପଣ ସକାଳେ ଉଠିବା ମାତ୍ରେ,ଦହି କିମ୍ବା କ୍ଷୀର ଦେଖୁଛନ୍ତି । କୁହାଯାଏ ଏହା ଆଗାମୀ ଭଲ ସମୟକୁ ସୂଚିତ କରେ । ଶାସ୍ତ୍ର ଅନୁଯାୟୀ, ଏହା ସହିତ ଜଣେ ବ୍ୟକ୍ତିର ଭାଗ୍ୟରେ ଧନର ବର୍ଷା ମଧ୍ୟ ହୋଇଥାଏ।
(Disclaimer: ଏଠାରେ ଦିଆଯାଇଥିବା ସୂଚନା ଜ୍ୟୋତିଷ ଶାସ୍ତ୍ର ଓ ସାଧାରଣ ଅନୁମାନ ଉପରେ ଆଧାରିତ। କେବଳ ସୂଚନା ପାଇଁ ଦିଆଯାଇଛି। ZEE ODISHA NEWS ଏହା ନିଶ୍ଚିତ କରେ ନାହିଁ। )