Earthquake In Turkey: ତୁର୍କୀର ଆଡାନା ସହରରେ ଅଧିକାଂଶ ଧ୍ୱଂସାବଶେଷ ଦେଖାଯାଉଛି । ଅନେକ ୧୭ ମହଲା ଓ ୧୪ ମହଲା କୋଠା ଏଠାରେ ଭୁଶୁଡି ପଡିଛି । ବିଏନଏ ନ୍ୟୁଜ୍ ଅନୁଯାୟୀ ତୁର୍କୀର ଆଭ୍ୟନ୍ତରୀଣ ମନ୍ତ୍ରଣାଳୟ କହିଛି ଯେ ଶକ୍ତିଶାଳୀ ଭୂକମ୍ପ ପରେ ହାଇ ଆଲର୍ଟ ଘୋଷଣା କରାଯାଇଛି । ସୋସିଆଲ ମିଡିଆରେ ଏହାର ଅନେକ ଭିଡିଓ ଓ ଫଟୋ ମଧ୍ୟ ସାମ୍ନାକୁ ଆସିଛି । ଭୂକମ୍ପ ଦ୍ୱାରା ହୋଇଥିବା କ୍ଷୟକ୍ଷତି ଏହି ଫଟୋ ଓ ଭିଡିଓଗୁଡିକରେ ସ୍ପଷ୍ଟ ଭାବରେ ଦେଖିବାକୁ ମିଳେ ।
Earthquake In Turkiye: ସୋମବାର ସକାଳେ (୬ ଫେବୃଆରୀ) ତୁର୍କୀ ଓ ମଧ୍ୟ ପୂର୍ବରେ ଦୁଇଟି ଶକ୍ତିଶାଳୀ ଭୂକମ୍ପର କମ୍ପନ ଅନୁଭୂତ ହୋଇଥିଲା । ଏହା ପରେ ଚାରିଆଡେ ବିନାଶର ଦୃଶ୍ୟ ଦେଖିବାକୁ ମିଳୁଛି । ମୃତ୍ୟୁ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି ।
ତୁର୍କୀ ଓ ସିରିଆରେ ଏପର୍ଯ୍ୟନ୍ତ ମୋଟ ୧୬୦୦ ଜଣଙ୍କ ମୃତ୍ୟୁ ଖବର ପ୍ରକାଶ ପାଇଛି । ତୁର୍କୀର ଆଡାନା ସହରରେ ୧୭ ମହଲା ଓ ୧୪ ମହଲା କୋଠା ଭୁଶୁଡି ପଡିଛି । ରିଲିଫ ଓ ଉଦ୍ଧାର କାର୍ଯ୍ୟକୁ ତୀବ୍ର କରାଯାଇଛି ।
ସ୍ଥାନୀୟ ସମୟ ସକାଳ ୪.୧୭ ରେ ପ୍ରଥମ ଭୂକମ୍ପ ଅନୁଭୂତ ହୋଇଥିଲା ଓ କିଛି ମିନିଟ୍ ପରେ କେନ୍ଦ୍ରୀୟ ତୁର୍କୀରେ ଦ୍ୱିତୀୟ ଭୂକମ୍ପ ଅନୁଭୂତ ହୋଇଥିଲା । ତୁର୍କୀରେ ଏହି ଭୂକମ୍ପର ତୀବ୍ରତା ରିଆକ୍ଟର ସ୍କେଲରେ ୭.୮ ରେ ମାପ କରାଯାଇଥିଲା । ଦକ୍ଷିଣ ତୁର୍କୀରେ ଏହି ଭୂକମ୍ପ ଘଟିଛି । ଅନେକ ଆପାର୍ଟମେଣ୍ଟ ଏଠାରେ ଭୁଶୁଡି ପଡିଛି ।
ଲୋକଙ୍କୁ ସୁରକ୍ଷିତ ସ୍ଥାନକୁ ଯିବାକୁ କୁହାଯାଇଛି । ଏଥି ସହିତ ଭୂକମ୍ପ ପରେ ତୁର୍କୀ ଆନ୍ତର୍ଜାତୀୟ ସହାୟତା ପାଇଁ ନିବେଦନ କରିଛି । ହାବର୍ଟର୍କ ଟେଲିଭିଜନ ରିପୋର୍ଟ କରିଛି ଯେ ପଡୋଶୀ ମାଲାଟିଆ, ଡିଆରବାକିର ଓ ମାଲାଟିଆରେ ଅନେକ କୋଠା ଭୁଶୁଡି ପଡିଛି ।
ବିଏନଏ ନ୍ୟୁଜ୍ ଅନୁଯାୟୀ, ସିରିଆରେ ମଧ୍ୟ ଏକ ବଡ଼ କ୍ଷତି ହୋଇଛି । ଏପର୍ଯ୍ୟନ୍ତ ଏଠାରେ ୨୩୭ ଜଣଙ୍କର ମୃତ୍ୟୁ ଘଟିଛି ଓ ହଜାର ହଜାର ଲୋକ ଆହତ ହୋଇଛନ୍ତି । ତୁର୍କୀର ଆଭ୍ୟନ୍ତରୀଣ ମନ୍ତ୍ରୀ ସୁଲେମାନ ଶୋଏଲୁ କହିଛନ୍ତି ଯେ ଦେଶର ୧୦ ଟି ସହରରେ ଏହି ଭୂକମ୍ପର ପ୍ରମୁଖ ପ୍ରଭାବ ପଡିଛି । ଏଥିମଧ୍ୟରେ କାହମେନମର୍ଶ, ହାଟାଇ, ଗାଜିଆଣ୍ଟେପ, ଓସମାନିଆ, ଆଦିଆମାନ, ସାନଲିଉର୍ଫା, ମାଲାଟିଆ, ଆଡାନା, ଡିଆରବାକିର ଓ କିଲିସ୍ ଅନ୍ତର୍ଭୁକ୍ତ ।
ବିଏନଏ ନ୍ୟୁଜ୍ ଅନୁଯାୟୀ ତୁର୍କୀର ଆଭ୍ୟନ୍ତରୀଣ ମନ୍ତ୍ରଣାଳୟ କହିଛି ଯେ ଶକ୍ତିଶାଳୀ ଭୂକମ୍ପ ପରେ ହାଇ ଆଲର୍ଟ ଘୋଷଣା କରାଯାଇଛି । ସୋସିଆଲ ମିଡିଆରେ ଏହାର ଅନେକ ଭିଡିଓ ଓ ଫଟୋ ମଧ୍ୟ ସାମ୍ନାକୁ ଆସିଛି । ଭୂକମ୍ପ ଦ୍ୱାରା ହୋଇଥିବା କ୍ଷୟକ୍ଷତି ଏହି ଫଟୋ ଓ ଭିଡିଓଗୁଡିକରେ ସ୍ପଷ୍ଟ ଭାବରେ ଦେଖିବାକୁ ମିଳେ ।