ଦୀପୋତ୍ସବ କେବଳ ରାମନଗରୀ ଅଯୋଧ୍ୟାରେ ସୀମିତ ନୁହେଁ ବରଂ ଉତ୍ତରରୁ ଦକ୍ଷିଣ ଏବଂ ପୂର୍ବରୁ ପଶ୍ଚିମ ଦେଶର ସମସ୍ତ ସ୍ଥାନରେ ଆଜି ଦୀପାବଳି ସଦୃଶ୍ୟ ଦୀପ ପ୍ରଜ୍ୱଳନ ଦେଖିବାକୁ ମିଳିଛି
ରାମଭକ୍ତଙ୍କ ମନରେ ଥିବା ଉତ୍ସାହ ଚିତ୍ତାକର୍ଷକ ଦୃଶ୍ୟ ମାଧ୍ୟମରେ ସ୍ପଷ୍ଟ ବାରି ହୋଇପଡୁଛି ।
ଆଜି ଅଯୋଧ୍ୟାର ପ୍ରତ୍ୟେକ ଗଳିରେ ଆଧ୍ୟାତ୍ମିକତାର ଅନନ୍ୟ ଅନୁଭବ ଦେଖିବାକୁ ମିଳିଛି ।
ମନ୍ଦିର ହେଉ ଅବା ଲୋକଙ୍କ ଘର ସବୁଠି ଆଜି ଦୀପ ଦ୍ୱାରା ସଜାହୋଇଥିବା ଆଲୋକମାଳା ଦେଖିବାକୁ ମିଳିଛି ।
ଏହି ନିଆରା ଦୃଶ୍ୟ ଆଜି ପ୍ରତିଟି ଭାରତୀୟ ତଥା ହିନ୍ଦୁ ଧର୍ମର ଲୋକଙ୍କ ମନରେ ନୂଆ ଶକ୍ତି ସଂଚାର କରିଛି ।
ଅଯୋଧ୍ୟାରେ ସାଧୁ ସନ୍ଥଙ୍କଠାରୁ ଆରମ୍ଭ କରି ଆବାଳବୃଦ୍ଧବନିତା ପର୍ଯ୍ୟନ୍ତ ସମସ୍ତେ ଏହି ମହାନ ଦୀପଦାନରେ ନିଜକୁ ସାମିଲ କରିଛନ୍ତି । ବିଭିନ୍ନ ସ୍ଥାନରେ ଏହି ମହାନ ପର୍ବକୁ ମନେ ରଖିବା ପାଇଁ ବାଣ ଫୁଟାଯାଇଛି