Microsoft Outreach: ନୂଆଦିଲ୍ଲୀ: ଟେକନୋଲଜି ଦୁନିଆର ବେଶ ଜଣାଶୁଣା କମ୍ପାନୀ ମାଇକ୍ରୋସଫ୍ଟର ସେବା ଆଜି ସକାଳୁ ହଠାତ୍ ବନ୍ଦ ହୋଇଯାଇଥିଲା। ଯେଉଁଥିପାଇଁ ଆଜି ବିମାନ ସେବାଠାରୁ ଆରମ୍ଭ କରି ବ୍ୟାଙ୍କିଂ ସେବା ପର୍ଯ୍ୟନ୍ତ ଅନେକ ସମସ୍ୟାର ସମ୍ମୁଖିନ ହୋଇଥିବାର ଖବର ଚର୍ଚ୍ଚାରେ ରହିଛି। ମାଇକ୍ରୋସଫ୍ଟ ସର୍ଭରରେ ଥିବା ସମସ୍ୟା ସମଗ୍ର ବିଶ୍ୱରେ ଉପଭୋକ୍ତାଙ୍କୁ ସମସ୍ୟାରେ ପକାଇଛି। ଏହି କାରଣରୁ ବ୍ୟାଙ୍କ ଏବଂ ସରକାରୀ କାର୍ଯ୍ୟାଳୟ ବିଶେଷ ପ୍ରଭାବିତ ହୋଇଛି। ମାଇକ୍ରୋସଫ୍ଟ ସର୍ଭର ବ୍ୟବହାର କରୁଥିବା ଉପଭୋକ୍ତାମାନଙ୍କର କମ୍ପ୍ୟୁଟର ସ୍କ୍ରିନ ହଠାତ୍ ନୀଳ ଅର୍ଥାତ ବ୍ଲ୍ୟୁ ସ୍କ୍ରିନ ହୋଇଯାଇଥିଲା। କମ୍ପ୍ୟୁଟର ବନ୍ଦ ହୋଇ ସ୍ୱୟଂଚାଳିତ ଭାବରେ ପୁନଃଆରମ୍ଭ ହେଲା। ରିପୋର୍ଟ ଅନୁଯାୟୀ, ଏହି ସମସ୍ୟା ଆମେରିକା ଏବଂ ଅଷ୍ଟ୍ରେଲିଆର ଅନେକ କମ୍ପାନୀର କାର୍ଯ୍ୟକୁ ପ୍ରଭାବିତ କରୁଛି।
କଣ ଏହି କ୍ରାଉଡ଼ ଷ୍ଟ୍ରାଇକ
ସମଗ୍ର ବିଶ୍ୱରେ ମାଇକ୍ରୋସଫ୍ଟ ସର୍ଭର ବ୍ୟବହାର କରୁଥିବା ଲୋକଙ୍କ କମ୍ପ୍ୟୁଟର ସ୍କ୍ରିନ୍ କାର୍ଯ୍ୟ କରିବା ସମୟରେ ହଠାତ୍ ନୀଳ ରଙ୍ଗରେ ଛାଇ ଯାଇଥିଲା। କମ୍ପ୍ୟୁଟର ସ୍ୱୟଂଚାଳିତ ଭାବରେ ପୁନଃ ରି-ସ୍ଟାର୍ଟ ହେବା ଆରମ୍ଭ କରିଥିଲା। CrowdStrike ହେତୁ ଏହି ସବୁ ଘଟିଛି। ଏଠାରେ ଆମେ ଆପଣଙ୍କୁ କହି ରଖୁ କି ଯେ ବିଶ୍ୱର ସର୍ବବୃହତ ସାଇବର ସୁରକ୍ଷା ବିକ୍ରେତାମାନଙ୍କ ମଧ୍ୟରେ କ୍ରାଉଡ୍ ଷ୍ଟ୍ରାଇକ୍ ହେଉଛି ସବୁଠାରୁ ବଡ ନାମ। ଯାହାକି ଭାଇରସ୍ ଏବଂ ସାଇବର ଅପରାଧରୁ ନିଜକୁ ରକ୍ଷା କରିବା ପାଇଁ ବିଶ୍ୱର ହଜାର ହଜାର ବ୍ୟବସାୟକୁ ଆଣ୍ଟି-ଭାଇରସ୍ ସଫ୍ଟୱେର୍ ସେବା ଯୋଗାଇଥାଏ। CrowdStrike ହେଉଛି ଫାଲକନ୍ କମ୍ପାନୀର ଏକ ସଫ୍ଟୱେର୍ ଯାହା ପୃଷ୍ଠଭୂମିରେ କାମ କରେ ଏବଂ ଏହା କମ୍ପ୍ୟୁଟରରେ ଭାଇରସ୍ ଓ ସାଇବର ଆଟାକ ଉପରେ ନଜର ରଖିଥାଏ। CrowdStrike ହେଉଛି ଏକ ସାଇବର ସୁରକ୍ଷା କମ୍ପାନୀ ଯାହାକି ସମଗ୍ର ବିଶ୍ୱରେ କମ୍ପ୍ୟୁଟର ଏବଂ ଲାପଟପ୍ ପାଇଁ ଉନ୍ନତ ସାଇବର ସୁରକ୍ଷା ଯୋଗାଇଥାଏ। CrowdStrike ର ସବୁଠାରୁ ବିଶେଷ ଉତ୍ପାଦ ହେଉଛି ଫାଲକନ୍ ଏବଂ ଏହି ଉତ୍ପାଦ ହେତୁ ମାଇକ୍ରୋସଫ୍ଟ ସର୍ଭର ସ୍ୱାଭାବିକ ସ୍ତରକୁ ଆସିଥିଲା।
କେବେ ସୁଦ୍ଧା ଠିକ ହେବ ମାଇକ୍ରୋସଫ୍ଟ ସର୍ଭର
ମାଇକ୍ରୋସଫ୍ଟ ନିକଟରେ ସୂଚନା ଦେଇଛି ଯେ ସର୍ଭରରେ ସମସ୍ୟା କ୍ରାଉଡ୍ ଷ୍ଟ୍ରାଇକ୍ ଆଣ୍ଟି-ଭାଇରସ୍ କମ୍ପାନୀର ଅପଡେଟ୍ କାରଣରୁ ହୋଇଛି। ଏହି ସମସ୍ୟା ବିଶେଷତଃ ୱିଣ୍ଡୋଜ୍ ୧୦ରେ ଘଟିଛି ଏବଂ ଏହି କାରଣରୁ, ବଡ଼ ଧରଣର ଅଘଟଣର ସମ୍ମୁଖୀନ ହେବାକୁ ପଡୁଛି। ମାଇକ୍ରୋସଫ୍ଟ କହିଛି ଯେ ଏହି ସମସ୍ୟାର ଅନୁସନ୍ଧାନ କରାଯାଉଛି ଏବଂ ଆମର ସେବା କ୍ରମାଗତ ଭାବରେ ଉନ୍ନତ ହେଉଛି। କିଛି ଉପଭୋକ୍ତା ଏହା ମଧ୍ୟ କହିଛନ୍ତି ଯେ ମାଇକ୍ରୋସଫ୍ଟ ସର୍ଭରରେ ଏହି ହଠାତ୍ ସମସ୍ୟାରୁ ସେମାନେ ବର୍ତ୍ତମାନ ଆଶ୍ୱସ୍ତି ପାଇଛନ୍ତି।