Safest Seat On Flight During Travel: ବିମାନ ଯାତ୍ରା କରିବା ବେଳେ କେବେ ଆପଣ ଚିନ୍ତା କରଛିନ୍ତି ଜରୁରୀକାଳୀନ ପରିସ୍ଥିତି ସମୟରେ କେଉଁ ସିଟ୍ ଆପଣଙ୍କୁ ଅଧିକ ସୁରକ୍ଷା ଦେବ? ସମ୍ଭବତ ନୁହେଁ। ଅଧିକାଂଶ ଲୋକ ସେମାନଙ୍କ ସୁବିଧା ଅନୁସାରେ ସିଟ୍ ବୁକ୍ କରିଥାନ୍ତି। ହେଲେ ବିମାନ ଯାତ୍ରା ବେଳେ କେଉଁଟି ସିଟ୍ ଅଧିକ ସୁରକ୍ଷିତ ତାହାର ଉତ୍ତର ମିଳିଯାଇଛି। ଶେଷ ଧାଡିରେ ମଝି ସିଟ୍ ସୁରକ୍ଷିତ ଆସନ ବୋଲି ଜଣାପଡ଼ିଛି। ଏକ ପରିସଂଖ୍ୟାନ ଅନୁଯାୟୀ ବିମାନର ଏହି ସିଟ୍ ସବୁଠାରୁ ଅଧିକ ସୁରକ୍ଷିତ।
କୌଣସି ସ୍ଥାନକୁ ଯାତ୍ରା ଲାଗି ବିମାନ ହେଉଛି ସବୁଠାରୁ ସୁରକ୍ଷିତ ମାଧ୍ୟମ। ଏକ ରିପୋର୍ଟ ଅନୁଯାୟୀ ବିଶ୍ୱରେ ୭ କୋଟି ବିମାନ ଉଡ଼ାଣ ହୋଇଥିଲା। ଯେଉଁଥିରେ କେବଳ ୨୮୭ ଜଣଙ୍କ ମୃତ୍ୟୁ ହୋଇଥିଲା। ଯୁକ୍ତରାଷ୍ଟ୍ର ଆମେରିକାର ଜାତୀୟ ସୁରକ୍ଷା ପରିଷଦ ଜନଗଣନା ତଥ୍ୟ ବିଶ୍ଳେଷଣ ଅନୁଯାୟୀ ବିମାନ ଦୁର୍ଘଟଣାରେ ମୃତ୍ୟୁ ୨ ଲକ୍ଷ ୫ ହଜାର ୫୫ ଲୋକଙ୍କ ମଧ୍ୟରେ ଜଣେ। ଯେଉଁଠି ଗୋଟିଏ କାର ଦୁର୍ଘଟଣାରେ ୧୦୨ ଲୋକଙ୍କ ମଧ୍ୟରେ ଜଣଙ୍କର ହୋଇଥାଏ। ଆମେ ଏପରି, ସାଂଘାତିକ ସଡକ ଦୁର୍ଘଟଣା ପ୍ରତି ଆମେ ଧ୍ୟାନ ଦେଉନାହୁଁ। ହେଲେ ଯେତେବେଳେ ନେପାଳ ଠାରେ ହୋଇଥିବା ATR72 ବିମାନ ଦୁର୍ଘଟଣା ବିଷୟରେ ଖବର ମିଳିଲା, ସେତେବେଳେ ସମସ୍ତେ ବିମାନ ଯାତ୍ରାକୁ ନେଇ ସତର୍କ ହୋଇଉଠିଲେ।
ଯଦି ଏହି ଘଟଣା ପୁଙ୍ଖାନୁପୁଙ୍ଖ ଅନୁସନ୍ଧାନ କରାଯାଏ, ଯାହା ବିମାନ ଯାତ୍ରାକୁ ଅଧିକ ସୁରକ୍ଷିତ କରାଯାଇ ପାରିବ। ଯେତେବେଳେ ଆପଣ ଏକ ବ୍ୟବସାୟିକ ବିମାନରେ ଯାତ୍ରା କରନ୍ତି ସେତେବେଳେ ସୁରକ୍ଷା ବିଷୟରେ ଚିନ୍ତା କରିବାର କୌଣସି ଆବଶ୍ୟକତା ନାହିଁ। ଗତ ୧୯୮୯ ମସିହାରେ ୟୁନାଇଟେଡ୍ ଫ୍ଲାଇଟ୍ ୨୩୨ ଆଇଓଆର ସିଓକ୍ସ ସିଟି, ଲୋୱା ଠାରେ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ୨୬୯ ଜଣ ଲୋକଙ୍କ ମଧ୍ୟରୁ ୧୮୪ ଜଣ ବଞ୍ଚି ଯାଇଥିଲେ। ବଞ୍ଚିଥିବା ଅଧିକାଂଶ ଲୋକ ବିମାନର ପ୍ରଥମ ଶ୍ରେଣୀ ପଛରେ ଏବଂ ଆଗ ଆଡରେ ବସିଥିଲେ।
ଯଦି ୩୫ ବର୍ଷର ବିମାନ ଦୁର୍ଘଟଣା ତଥ୍ୟକୁ ଦେଖାଯାଉ, ତାହେଲେ ଅନୁସନ୍ଧାନରୁ ଜଣାପଡିଛି ଯେ ବିମାନର ମଧ୍ୟମ ଭାଗରେ ରହିଥିବା ପଛ ଆସନରେ ସର୍ବନିମ୍ନ ମୃତ୍ୟୁହାର ରହିଛି। ଅନ୍ୟପଟେ ଠିକ ମଝିରେ ରହିଥିବା ଆସନରେ ମୃତ୍ୟୁ ହାର ୪୪ ପ୍ରତିଶତ ରହିଛି। ପ୍ରସ୍ଥାନ ଧାଡି ପାଖରେ ରହିଥିବା ଆସନରେ ବସିବା ସର୍ବଦା ଜରୁରୀକାଳୀନ ପରିସ୍ଥିତିରେ ଆପଣଙ୍କୁ ଖୁବ ଶୀଘ୍ର ପ୍ରସ୍ଥାନ କରିବାରେ ସହାୟକ ହୋଇଥାଏ। ମାତ୍ର ସେହି ପାର୍ଶ୍ୱରେ
କୌଣସି ପ୍ରକାରରେ ନିଆଁ ଲାଗି ନଥିବା ଆବଶ୍ୟକ। କାରଣ ଏହି ଆସନ ସହ ସଂଯୁକ୍ତ ବିମାନର ଡେଣା, ଏହାର ଇନ୍ଧନ ରହିବା ସ୍ଥାନ ଜଣାଶୁଣା। ବିମାନର ଝରକା ପାଶ୍ୱ କିମ୍ବା ଏହାର ଯିବା ଆସିବା କରିବା ରାସ୍ତାକୁ ଲାଗି ରହିଥିବା ଆସନ ତୁଳନାରେ ମଝିରେ ରହିଥିବା ସିଟ୍ କାହିଁକି ନିରାପଦ। କାରଣ ଏହି ଆସନର ଉଭୟ ପାର୍ଶ୍ୱରେ ଲୋକ ବସିଥାନ୍ତି। ଯେଉଁ କାରଣରୁ ଅଧିକ ନିରାପଦ।