ଆମେରିକା-ଋଷ ମଧ୍ୟରେ ହେବ କି ଯୁଦ୍ଧ? ୱାଶିଂଟନକୁ ମସ୍କୋ ଦେଲା ଖୋଲା ଧମକ

ମସ୍କୋ: ୟୁକ୍ରେନ ଜଳୁଥିବା ବେଳେ ଆମେରିକା ଓ ଋଷ ମଧ୍ୟରେ ଯୁଦ୍ଧ ଆଶଙ୍କା ବୃଦ୍ଧି ପାଇଛି। ଋଷ ସଂସଦର ନିମ୍ନ ଗୃହର ବାଚସ୍ପତି ଭାୟାଚେସଲାଭ ଭୋଲୋଦିନ ପରାମର୍ଶ ଦେଇଛନ୍ତି ଯେ, ବର୍ତ୍ତମାନ ୟୁକ୍ରେନ ଯୁଦ୍ଧକୁ ନେଇ ଦୁଇ ଦେଶ ମଧ୍ୟରେ ଆଲୋଚନା ଚାଲିଛି। ଏହି ସମୟରେ ମସ୍କୋ, ଆମେରିକା ଅଧିକୃତ ଆଲାସ୍କା ରାଜ୍ୟକୁ ପୁନଃ ଫେରି ପାରିବ। ଭ୍ଲାଦିମିର ପୁଟିନଙ୍କ ଦୀର୍ଘ ଦିନର ସହଯୋଗୀ ବୁଧବାର ଚେତାବନୀ ଦେଇଛନ୍ତି ଯେ, ୱାଶିଂଟନ୍ ମନେ ରଖିବା ଉଚିତ୍ ଯେ ଆଲାସ୍କା ଋଷର ଏକ ଅଂଶ ଥିଲା।

ଆଲାସ୍କାକୁ ଋଷ ଉପନିବେଶ କରିଥିଲା। ସେଠାରେ ୧୮୬୭ ମସିହାରେ ୭.୨ ନିୟୁତ ଡଲାରରେ ଆମେରିକା ଏହାକୁ କିଣିବା ପର୍ଯ୍ୟନ୍ତ ସେଠାରେ ଋଷ ଅନେକ ବସତି ସ୍ଥାପନ କରିଥିଲା। ଋଷର ସାଂସଦମାନଙ୍କ ସହ ଏକ ସାକ୍ଷାତକାରରେ ବାଚସ୍ପତି ଭୋଲୋଦିନ କହିଛନ୍ତି ଯେ, ଯେତେବେଳେ ସେମାନେ ଆମର ସମ୍ପତ୍ତିକୁ ବିଦେଶରେ ଦେଖାଇବାକୁ ଚେଷ୍ଟା କରନ୍ତି, ସେତେବେଳେ ସେମାନେ ସଚେତନ ହେବା ଉଚିତ ଯେ ଆମେ ମଧ୍ୟ କିଛି ଦାବି କରିପାରୁ। ତେବେ ଏହା ପ୍ରଥମ ଥର ନୁହେଁ, ପୂର୍ବୁରୁ ଅନେକ ଥର ଋଷର ରାଜନେତାମାନେ ଆଲାସ୍କାକୁ ଋଷର ନିୟନ୍ତ୍ରଣକୁ ଫେରାଇ ଆଣିବା ଆଶା କରିଛନ୍ତି।

Also Read: ଆନ୍ଧ୍ର ମୁଖ୍ୟମନ୍ତ୍ରୀଙ୍କ ପରିବାରରେ ଫାଟ! ଏକୁଟିଆ ହୋଇଗଲେ ଜଗନ ମୋହନ, ଝିଅ ପାଇଁ ମାଆ ଛାଡିଲେ ପୁଅର ଦଳ

ଚଳିତ ବର୍ଷ ମାର୍ଚ୍ଚରେ ଋଷିଆନ ଷ୍ଟେଟ୍ ଡୁମା ସଦସ୍ୟ ଓଲେଗ ମ୍ୟାଟଭେଚେଭ ଏକ ଟିଭି କାର୍ଯ୍ୟକ୍ରମରେ କହିଥିଲେ ଯେ, ୟୁକ୍ରେନ ସହ ଯୁଦ୍ଧ ପରେ ଋଷ ଉପରେ ଲାଗିଥିବା ପ୍ରତିବନ୍ଧକ ହଟାଇବା ସହ ଆଲାସ୍କା ହସ୍ତାନ୍ତର ପାଇଁ ଆମେରିକାର ଚିନ୍ତା କରିବା ଉଚିତ। ପ୍ରତିବନ୍ଧକ ଏବଂ ଯୁଦ୍ଧ ଦ୍ୱାରା ହୋଇଥିବା କ୍ଷୟକ୍ଷତିର କ୍ଷତିପୂରଣ ବିଷୟରେ ଆମେ ଚିନ୍ତା କରୁଛୁ। କାରଣ ଏହା ବିପୁଳ ଟଙ୍କା ଖର୍ଚ୍ଚ କରିଥାଏ ଏବଂ ଆମେ ଏହାକୁ ଫେରାଇ ଆଣିବା ଉଚିତ୍।

'ସୋଭିଏତ ସଂଘ ଏବଂ ବର୍ତ୍ତମାନର ଋଷ ସବୁ ଋଷ ସାମ୍ରାଜ୍ୟ। ଆମେରିକା ଏହାର ଅନେକ ଅଞ୍ଚଳକୁ ଜବରଦଖଲ କରି ନେଇଛି। ଆଣ୍ଟାର୍କଟିକ୍ ଭଳି ଆମେ ଅନେକ ଅଞ୍ଚଳକୁ ଆବିଷ୍କାର କଲୁ, ତେଣୁ ଏହା ଆମର ଅଟେ' ବୋଲି ଓଲେଗ ମ୍ୟାଟଭେଚେଭ କହିଛନ୍ତି। ଯଦି ଋଷକୁ ଆମେରିକା, ଆଲାସ୍କା ହସ୍ତାନ୍ତର ନ କରେ ଆଉ ନିଜ ପୁରୁଣା ଭୁଖଣ୍ଡ ପାଇବାରୁ ଋଷ ଅଡି ବସେ ତେବେ ଏହି ଦୁଇ ଶକ୍ତିଶାଳୀ ଦେଶ ମଧ୍ୟରେ ଯୁଦ୍ଧ ହେବାର ଆଶଙ୍କା ଅଛି।