ନୂଆଦିଲ୍ଲୀ: ନେପାଳରେ ଏକ ତାରା ଏୟାର ୯ NAET ଯୁଗ୍ମ ଇଞ୍ଜିନ ବିଶିଷ୍ଟ ବିମାନ ଯୋଗାଯୋଗ ହରାଇଛି । ଏଥିରେ ୧୯ ଜଣ ଯାତ୍ରୀ ଥିଲେ । ସେଥିରେ ତିନିଜଣ କ୍ରୁ ମେମ୍ବର ମଧ୍ୟ ରହିଥିଲେ । ନିଖୋଜ ବିମାନରେ ଚାରିଜଣ ଭାରତୀୟ ଏବଂ ତିନି ଜଣ ଜାପାନୀ ନାଗରିକ ମଧ୍ୟ ଥିଲେ । ବାକିମାନେ ନେପାଳର ନାଗରିକ ଥିଲେ । ବିମାନବନ୍ଦର ଅଧିକାରୀ କହିଛନ୍ତି ଯେ ବିମାନଟି ପୋଖରା ଠାରୁ ଜୋମସମ ଅଭିମୁଖେ ୯:୫୫ ରେ ଉଡ଼ିଥିଲା ।
ଗୃହ ମନ୍ତ୍ରଣାଳୟର ମୁଖପାତ୍ର ଫାଦିନ୍ଦ୍ର ମଣି ପୋଖରେଲ କହିଛନ୍ତି ଯେ ନିଖୋଜ ବିମାନର ଅନୁସନ୍ଧାନ ପାଇଁ ମନ୍ତ୍ରଣାଳୟ ମୁସ୍ତାଙ୍ଗ ଏବଂ ପୋଖରା ଠାରୁ ଦୁଇଟି ଘରୋଇ ହେଲିକପ୍ଟର ନିୟୋଜିତ କରିଛି । ସନ୍ଧାନ ପାଇଁ ନେପାଳ ଆର୍ମି ହେଲିକପ୍ଟର ନିୟୋଜନ ପାଇଁ ମଧ୍ୟ ପ୍ରସ୍ତୁତି ଚାଲିଛି ।
Aircraft with 22 persons, including 4 Indians, goes missing in Nepal
Read @ANI Story | https://t.co/gpZw6EOwG1
#Aircraft #Nepal pic.twitter.com/OlbFkzVbQ8— ANI Digital (@ani_digital) May 29, 2022
ମୁଖ୍ୟ ଜିଲ୍ଲା ଅଧିକାରୀ ନେତ୍ର ପ୍ରସାଦ ଶର୍ମା କହିଛନ୍ତି ଯେ ଏହି ବିମାନଟି ମୁସ୍ତାଙ୍ଗ ଜିଲ୍ଲାର ଜୋମସୋମର ଆକାଶ ଉପରେ ନଜର ଆସିଥିଲା ଏବଂ ପରେ ସେ ଯୋଗାଯୋଗ ହରାଇଥିଲା । ଏଥି ସହ ତାରା ଏୟାର ମୁଖପାତ୍ର ସୁଦର୍ଶନ ବର୍ତ୍ତଲା କହିଛନ୍ତି ଯେ ବିମାନରେ କ୍ୟାପଟେନ ପ୍ରଭାକର ପ୍ରସାଦ ଘିମେର, କୋ-ପାଇଲଟ ଉତ୍କଳ ପୋଖରେଲ ଏବଂ ଏୟାର ହୋଷ୍ଟେସ କିସ୍ମି ଥାପା ଅଛନ୍ତି ।
ନେପାଳର ଜାତୀୟ ଟିଭି ଚ୍ୟାନେଲ ଅନୁଯାୟୀ ନିଖୋଜ ବିମାନରେ ୪ ଜଣ ଭାରତୀୟ ଏବଂ ୩ ଜଣ ଜାପାନୀ ନାଗରିକ ଅଛନ୍ତି । ବାକିମାନେ ନେପାଳର । କୁହାଯାଉଛି ଯେ ବିମାନରେ କ୍ରୁଙ୍କ ସମେତ ୨୨ ଜଣ ଯାତ୍ରୀ ଥିଲେ । ନେପାଳର ସର୍ବବୃହତ ଗଣମାଧ୍ୟମ ସଂଗଠନ କାନ୍ତିପୁରକୁ ତାରା ଏୟାର ମୁଖପାତ୍ର ସୁଦର୍ଶନ ବର୍ତ୍ତାଲା କହିଛନ୍ତି ବିମାନରେ କ୍ୟାପଟେନ ପ୍ରଭାକର ପ୍ରସାଦ ଘିମେର, କୋ-ପାଇଲଟ ଉତ୍କଳ ପୋଖରେଲ ଏବଂ ଏୟାର ହୋଷ୍ଟେସ କିସ୍ମି ଥାପା ଅଛନ୍ତି ।
ଏହା ବି ପଢ଼ନ୍ତୁ: ରଜରେ ଭିଜିବ ଓଡ଼ିଶା! ତିନି ଦିନ ପୂର୍ବରୁ କେରଳ ଛୁଇଁଲା ମୌସୁମୀ
ଏହା ବି ପଢ଼ନ୍ତୁ: ମୋଦି, ଯୋଗୀ କିମ୍ବା ଶାହାଙ୍କ ମଧ୍ୟରେ କିଏ ପ୍ରିୟ? ହାର୍ଦ୍ଦିକ ଦେଲେ ଏହି ଜବାବ