Farmer's Protest: ଆଜି ଚାଷୀଙ୍କ ଦେଶବ୍ୟାପୀ ରେଳରୋକ, ଏତିକି ଘଣ୍ଟା ପାଇଁ ପ୍ରଭାବିତ ହୋଇପାରେ ରେଳ ସେବା

Farmers Rail Roko Protest: ଏମଏସପି (MSP Guarantee)ଗ୍ୟାରେଣ୍ଟି ଆଇନ ସହ ଅନ୍ୟାନ୍ୟ ଦାବି ନେଇ ଆଜି ଦେଶବ୍ୟାପୀ ରେଳରୋକ କରିବେ ଚାଷୀ ସଂଗଠନ । ଏନେଇ ହଜାର ହଜାର ଚାଷୀ ଆଜି ଦିଲ୍ଲୀରେ ପହଞ୍ଚି ରେଳରୋକ କରିବାର ଡାକରା ଦେଇଛନ୍ତି । ଟ୍ରେନ ଯୋଗେ କୃଷକମାନେ ଦିଲ୍ଲୀରେ ପହଞ୍ଚିବେ । ଏହାକୁ ଦୃଷ୍ଟିରେ ରଖି ରେଳ ଷ୍ଟେସନଗୁଡିକରେ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି ।  କିସାନ ମଜଦୁର ମୋର୍ଚ୍ଚା ଏବଂ ସାମୁକଟା କିସାନ ମୋର୍ଚ୍ଚାର ଆହ୍ବାନରେ ଦେଶବ୍ୟାପୀ କୃଷକମାନେ ଆଜି ପଞ୍ଜାବ ଏବଂ ହରିୟାଣାର ପ୍ରାୟ 60 ଟି ସ୍ଥାନରେ ଆନ୍ଦୋଳନ କରିବେ।  ମଧ୍ୟାହ୍ନ ୧୨ ଟାରୁ ୪ ଟା ପର୍ଯ୍ୟନ୍ତ ଅର୍ଥାତ୍ ୪ ଘଣ୍ଟିଆ ରେଳ ରୋକ ପ୍ରଦର୍ଶନ କରିବେ।  ଚାଷୀଙ୍କ ଆନ୍ଦୋଳନ ଯୋଗୁଁ ଟ୍ରେନ୍ ଚଳାଚଳ ବ୍ୟାହାତ ହେବ ବୋଲି ଜଣାପଡି଼ଛି। 

ଦି ଇଣ୍ଡିଆନ୍ ଏକ୍ସପ୍ରେସର ରିପୋର୍ଟ ଅନୁଯାୟୀ, ରେଳ ରୋକ୍ ବିରୋଧ ପୂର୍ବରୁ ଅମ୍ବାଲାରେ ଧାରା ୧୪୪ ଲାଗୁ କରାଯାଇଥିଲା ଏବଂ ସୂଚନା ମିଳିଥିଲା ଯେ, ପୋଲିସ ବହୁ କୃଷକ ସଂଘର ନେତାଙ୍କ ଘରେ ପହଞ୍ଚିଥିଲା। ଏଥି ସହିତ ସମ୍ଭାବ୍ୟ ବିଶୃଙ୍ଖଳାକୁ ହ୍ରାସ କରିବା ପାଇଁ ଅଧିକାରୀମାନେ ସତର୍କତାମୂଳକ ପଦକ୍ଷେପ ନେଇଥିଲେ। ଏମଏସପି ଉପରେ ଆଇନଗତ ଗ୍ୟାରେଣ୍ଟି ସମେତ କୃଷକମାନେ ଅନେକ ଦାବି ପାଇଁ ଆନ୍ଦୋଳନ କରୁଛନ୍ତି। ଦେଶର ଅନ୍ୟାନ୍ୟ କୃଷକ ସଂଗଠନ ରେଳ ରୋକ୍ ବିରୋଧରେ ଅଂଶଗ୍ରହଣ କରିପାରନ୍ତି। ଫେରେଜପୁର, ଅମୃତସର, ରୂପନଗର ଏବଂ ଗୁରୁଦାସପୁର ସମେତ ପଞ୍ଜାବ ଏବଂ ହରିୟାଣାର ଅନେକ ଜିଲ୍ଲାର ରେଳ ରୋକ୍ କରିବେ ଶହ ଶହ ଚାଷୀ । ଏହାସହ ଚାଷୀ ନେତା (Sarvan singh pandher  ଶ୍ରାବନ୍ ସିଂ ପାଣ୍ଡେର୍ କହିଛନ୍ତି ଯେ ହରିୟାଣା, ମଧ୍ୟପ୍ରଦେଶ, ରାଜସ୍ଥାନ, ତାମିଲନାଡୁ, କର୍ଣ୍ଣାଟକ, ତେଲେଙ୍ଗାନା, ବିହାର ଏବଂ ଅନ୍ୟାନ୍ୟ ରାଜ୍ୟରେ ୧୦ ରୁ ଅଧିକ ସ୍ଥାନରେ ରେଳ ରୋକ୍ କରାଯିବ।