Massive Earthquake may comes from Sea: କୌଣସି ପରିସ୍ଥିତିରେ ପୃଥିବୀ ପୃଷ୍ଠରେ ଅନୁଭୂତ ହୋଇପାରେ ମହାବିନାଶ। ଯେକୌଣସି ସମୟରେ ଆସିପାରେ ବଡ଼ ଭୂକମ୍ପ। ପ୍ରଶାନ୍ତ ମହାସାଗର ସୃଷ୍ଟି ହୋଇଥିବା ଛିଦ୍ରକୁ ନେଇ ଚିନ୍ତିତ ହୋଇପଡ଼ିଛନ୍ତି ବୈଜ୍ଞାନିକ। ସମ୍ପ୍ରତି ବୈଜ୍ଞାନିକ ପ୍ରଶାନ୍ତ ମହାସାଗରରେ ଏକ ଛିଦ୍ର ଦେଖିଛନ୍ତି। ପ୍ରଶାନ୍ତ ମହାସାଗରର ଏହି ଗର୍ତ୍ତରୁ ଜଳ ନିଷ୍କାସନ ହେଉଥିବାର ଦେଖାଯାଇଛି। ବୈଜ୍ଞାନିକ ଭୟ କରୁଛନ୍ତି ଯେ ଯଦି ଏହି ଛିଦ୍ର ଆଗାମୀ ଦିନରେ ବଢିବାରେ ଲାଗେ, ତାହେଲେ ଭବିଷ୍ୟତରେ ଏହି ଛିଦ୍ର ମହାବିନାଶକାରୀ ଭୂମିକମ୍ପର କାରଣ ହେବ। ବୈଜ୍ଞାନିକ ସମୁଦ୍ର ପୃଷ୍ଠରୁ ୧ ମାଇଲ ତଳେ "ମିଥେନ ବବଲ୍ସ" ଦେଖିଛନ୍ତି। ଏହି ଘଟଣା ସମ୍ପର୍କରେ "ସାଇଣ୍ଟିଫିକ ଆଡଭାନ୍ସ ଜର୍ଣ୍ଣାଲ" ନାମକ ପତ୍ରିକାରେ ବିସ୍ତୃତ ଭାବରେ ବର୍ଣ୍ଣନା କରାଯାଇଛି। ଏହି ଘଟଣାରେ ଅନୁସନ୍ଧାନ କରୁଥିବା ୱାଶିଂଟନ୍ ୟୁନିଭରସିଟି ଓସେନୋଗ୍ରାଫର ଇଭାନ୍ ସୋଲେମାନ କହିଛନ୍ତି ଯେ, ସମୁଦ୍ରର ନିମ୍ନ ଭାଗରେ ଛିଦ୍ର ହେବା କାରଣରୁ ଘର୍ଷଣ ଏକ ସମୟରେ ହ୍ରାସ ପାଇବ ଏବଂ ଏହା ଦ୍ୱାରା ଦୁଇଟି ଟେକଟୋନିକ ପ୍ଲେଟ୍ ଖସି ଯାଇପାରେ। ଯାହା ଭୂମିକମ୍ପର କାରଣ ପାଲଟିବ। ଏହି ଛିଦ୍ରକୁ "ପାଇଥିଆସ୍ ଓସିସ୍" ନାମରେ ନାମିତ କରାଯାଇଛି।
ପ୍ରଥମ ଥର ପାଇଁ ଦେଖାଗଲା ଏଭଳି ଘଟଣା
ସମୁଦ୍ର ଉପରେ ଅନୁସନ୍ଧାନ କରୁଥିବା ସମୁଦ୍ର ବିଜ୍ଞାନୀ (Oceanographer) କହିଛନ୍ତି ଯେ ଯୁକ୍ତରାଷ୍ଟ୍ର ଆମେରିକା (United States of America) ଏବଂ କାନାଡା (Canada) ସୀମାକୁ ଲାଲିଥିବା ପ୍ରଶାନ୍ତ ମହାସାଗରରେ ପ୍ରଥମ ଥର ପାଇଁ ଏଭଳି ପ୍ରକାରର ଛିଦ୍ର (Hole In Pacific Ocean) ଦେଖିବାକୁ ମିଳିଛି। ଏହି ପ୍ରକାର ଘଟଣା ପୂର୍ବରୁ କେବେ ଦେଖାଯାଇ ନଥିଲା। ଏଭଳି ଛିଦ୍ରକୁ "କାସ୍କାଡିଆ ସବଡୁକେସନ୍ ଜୋନ୍" (Cascadia Subduction Zone) ସିଏସଜେଡ୍ (CSZ) ଠାରେ ରେକର୍ଡ କରାଯାଇଛି। ସିଏସଜେଡ୍ ହେଉଛି ସେହି ସ୍ଥାନ ଯେଉଁଠାରେ ଦୁଇଟି ଟେକଟୋନିକ ପ୍ଲେଟ୍ (Tectonic Plates) ଧକ୍କା ହେବାର ସମ୍ଭାବନା ଅଧିକ ରହିଥାଏ। ବୈଜ୍ଞାନିକ କହିଛନ୍ତି ଯେ ଯଦି ସମୁଦ୍ରରେ ସୃଷ୍ଟି ହୋଇଥିବା ଛିଦ୍ର ବଢିବାରେ ଲାଗେ, ତାହେଲେ କୌଣସି ପରିସ୍ଥିତିରେ ଟେକଟୋନିକ ପ୍ଲେଟ୍ ମଧ୍ୟ ନିଜ ସ୍ଥାନରୁ ଖସି ଯାଇପାରେ। ଅନୁସନ୍ଧାନକାରୀଙ୍କ ଅନୁଯାୟୀ ସମୁଦ୍ରର ଯେଉଁ ସ୍ଥାନରେ ଏପରି ଛିଦ୍ର ସୃଷ୍ଟି ହୋଇଛି ସେଠାକାର ତାପମାତ୍ରା ୩୦୦-୫୦୦ ଡିଗ୍ରୀ ଫାରେନହାଇଟ୍ ମଧ୍ୟରେ ରହିଛି। ଯାହା ନିଉପୋର୍ଟ ଠାରୁ ପ୍ରାୟ ୫୦ କିଲୋମିଟର ଦୂରରେ ସମୁଦ୍ର ଜଳର ଉତ୍ତାପର କାରଣ।
ଅନ୍ୟାନ୍ୟ ସ୍ଥାନରେ ଉପସ୍ଥିତ ହୋଇପାରେ CSZ
ରିପୋର୍ଟ ଅନୁଯାୟୀ, ଯଦି ପାଣି ଅଧିକ ମାତ୍ରାରେ ନିର୍ଗତ ହୁଏ, ତାହେଲେ "ଫଲ୍ଟ" (Faults in Sea) ଉପରେ ଚାପ ବଢିବ। ଏପରିକି ଏହି ଚାପର ପ୍ରଭାବ ପ୍ଲେଟ ଉପରେ ମଧ୍ୟ ଅନୁଭୂତ ହୋଇପାରେ। ଯଦି ଏଭଳି ସମସ୍ୟା ବଢିଚାଲେ, ତାହେଲେ ଭୂମିକମ୍ପ ଅନୁଭଊତ ହେବାର ସମ୍ଭାବନା ଆହୁରି ଅଧିକ ହୋଇପାରେ। ଏହି ଅନୁସନ୍ଧାନ ସହ ଜଡ଼ିତ ଅନୁସନ୍ଧାନକାରୀ ଦାବି କରିଛନ୍ତି ଯେ ଏହା ଏପରି ସ୍ଥାନରେ ଏକାକୀ ହୋଇପାରିବ ନାହିଁ। କାସ୍କାଡିଆ ସବଡୁକେସନ୍ ଜୋନ୍ ମଧ୍ୟ ଅନ୍ୟାନ୍ୟ ସ୍ଥାନରେ ବିଦ୍ୟମାନ ରହିଥାଇପାରେ।