Nitish Bharadwaj: ବି.ଆର ଚୋପ୍ରାଙ୍କ 'ମହାଭାରତ'ରେ ଶ୍ରୀକୃଷ୍ଣଙ୍କ ଭୂମିକାରେ ଅଭିନୟ କରିଥିବା ଅଭିନେତା ନୀତୀଶ ଭରଦ୍ୱାଜ ଆଜିକାଲି ଚର୍ଚ୍ଚାରେ ଅଛନ୍ତି। ସେ ତାଙ୍କ ପତ୍ନୀ ସ୍ମିତାଙ୍କ ବିରୋଧରେ ମାନସିକ ନିର୍ଯାତନା ଅଭିଯୋଗ ଆଣିଛନ୍ତି। ଏହି ପରିପ୍ରେକ୍ଷୀରେ ସେ ଭୋପାଳ ପୋଲିସ ନିକଟରେ ଏକ ମାମଲା ରୁଜୁ କରିଛନ୍ତି। ଏବେ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିବ। ଆସନ୍ତୁ ଜାଣିବା ପୂରା ଘଟଣାବଳୀ କଣ?
ଫ୍ରି ପ୍ରେସ ଜର୍ଣ୍ଣାଲର ରିପୋର୍ଟ ଅନୁଯାୟୀ ନୀତୀଶ ଭରଦ୍ୱାଜ (Nitish Bharadwaj) ୧୪ ଫେବୃଆରୀରେ ଭୋପାଳ କମିଶନରଙ୍କ ନିକଟରେ ଏକ ଲିଖିତ ଅଭିଯୋଗ କରିଛନ୍ତି। ଏଥିରେ ସେ କହିଥିଲେ ଯେ ତାଙ୍କ ପତ୍ନୀ ସ୍ମିତା ତାଙ୍କୁ ମାନସିକ ନିର୍ଯାତନା ଦେଉଛନ୍ତି। ସେ ତାଙ୍କୁ ଯାଆଁଳା ଝିଅଙ୍କୁ ଭେଟିବାକୁ ମଧ୍ୟ ଅନୁମତି ଦିଅନ୍ତି ନାହିଁ । ନୀତୀଶ କହିଛନ୍ତି ଯେ ସ୍ମିତା ତାଙ୍କ ଝିଅମାନଙ୍କର ବିଦ୍ୟାଳୟଗୁଡ଼ିକୁ ବାରମ୍ବାର ପରିବର୍ତ୍ତନ କରୁଛନ୍ତି । ଯାହାଫଳରେ ନୀତୀଶଙ୍କ ଅଭିଯୋଗ ଅନୁଯାୟୀ ତାଙ୍କ ମନ ପ୍ରତିକୂଳ ପ୍ରଭାବିତ ହେଉଛି। ଏହାସହ ତାଙ୍କ ଜାଆଁଳା ଝିଅକୁ ଭେଟିବାକୁ ଅନୁମତି ଦେବାକୁ ନୀତୀଶ ପୋଲିସକୁ ନିବେଦନ କରିଛନ୍ତି। ପୋଲିସ ନୀତୀଶଙ୍କ ଅଭିଯୋଗକୁ ଆଧାର କରି ଘଟଣାର ତଦନ୍ତ ଆରମ୍ଭ କରିଛି।
ନୀତୀଶ ଭରଦ୍ୱାଜଙ୍କ ପତ୍ନୀ ସ୍ମିତା ଜଣେ ଆଇଏଏସ୍ ଅଧିକାରୀ (IAS Officer)। ସ୍ମିତାଙ୍କ ସହ ନୀତୀଶଙ୍କର ଏହା ଦ୍ୱିତୀୟ ବିବାହ। ସେ ଡିସେମ୍ବର ୨୭, ୧୯୯୧ ରେ ମୋନିଶା ପାଟିଲଙ୍କୁ ବିବାହ କରିଥିଲେ। ୨୦୦୫ ରେ ନୀତୀଶ ଏବଂ ମୋନିଶାଙ୍କ ମଧ୍ୟରେ ଛାଡପତ୍ର ହୋଇଥିଲା। ଏହା ପରେ ନୀତୀଶ ୨୦୦୯ ମସିହାରେ ସ୍ମିତାଙ୍କୁ ବିବାହ କରିଥିଲେ। ଯାଆଁଳା ଝିଅ ଦେବାନି ଏବଂ ଶିବ୍ରଞ୍ଜାନୀ ଜନ୍ମ ହୋଇଥିଲେ। କିନ୍ତୁ ବିବାହର ୧୦ ବର୍ଷ ପରେ, ସେମାନଙ୍କର ସମ୍ପର୍କ ଖରାପ ହେବାରେ ଲାଗିଥିଲା। ୨୦୧୮ ରେ, ସ୍ମିତା ଏବଂ ନୀତୀଶ ପରସ୍ପର ସହମତି କ୍ରମେ ପରିବାର କୋର୍ଟରେ ଛାଡପତ୍ର ଆବେଦନ କରିଥିଲେ। ବର୍ତ୍ତମାନ ମାମଲା ବିଚାରାଧୀନ ଅଛି।
ତାଙ୍କ ଅଭିଯୋଗରେ ନୀତୀଶ ତାଙ୍କ ଦୁଇ ଯାଆଁଳା ଝିଅମାନଙ୍କ ସୁରକ୍ଷା ପାଇଁ ବ୍ୟବସ୍ଥା କରିବା ପାଇଁ ଭୋପାଳ ପୋଲିସ (Bhopal Police Commissioner) କମିଶନରଙ୍କଠାରୁ ଆଇନଗତ ସହାୟତା ଲୋଡିଛନ୍ତି। ଆଜିକାଲି ନୀତୀଶ ଭରଦ୍ୱାଜ ଥିଏଟରରେ ସକ୍ରିୟ ଅଛନ୍ତି । ସେ 'ଚକ୍ରବିହ୍ୟୁ' ନାମକ ନାଟକରେ ଭଗବାନ କୃଷ୍ଣଙ୍କ ଭୂମିକାରେ ଅଭିନୟ କରୁଛନ୍ତି । ବି.ଆର ଚୋପ୍ରାଙ୍କ 'ମହାଭାରତ'ରେ କୃଷ୍ଣଙ୍କ ଭୂମିକାରେ ନଜର ଆସିଥିଲେ ନୀତୀଶ। ସେହିପରି ନୀତୀଶଙ୍କ ଶେଷ ଥର ସୁଶାନ୍ତ ରାଜପୁତଙ୍କ ଅଭିନୀତ ଚଳଚ୍ଚିତ୍ର 'କେଦାରନାଥ'ରେ ଦେଖିବାକୁ ମିଳିଥିଲା। ତାଙ୍କର ପୂର୍ବ ୱେବ୍ ସିରିଜ୍ ଥିଲା ‘ସମାନ୍ତର’, ଯାହା MX ପ୍ଲେୟାରରେ ମୁକ୍ତିଲାଭ କରିଥିଲା ।
Also Read: Abhaya Kumar Mohanty Died: ପରପାରିରେ ସାଂସଦ ଅନୁଭବ ମହାନ୍ତିଙ୍କ ବାପା
Also Read: ବୌଦ୍ଧ ନଳୀକୁମ୍ପା ଜଙ୍ଗଲରେ ଲାଣ୍ଡମାଇନ ବିସ୍ଫୋରଣ, ୨ ଯବାନ ଆହତ