ସହମତିରେ ଶାରୀରିକ ସମ୍ପର୍କ ପରେ ବିବାହ ନ କଲେ ଦୁଷ୍କର୍ମ ନୁହେଁ: ହାଇକୋର୍ଟ

Kerala high court: ସହମତିରେ ହୋଇଥିବା ଶାରୀରିକ ସମ୍ପର୍କ ନେଇ ଗୁରୁତ୍ୱପୂର୍ଣ୍ଣ ରାୟ କେରଳ ହାଇକୋର୍ଟ (Kerala High Court )  ଦେଇଛନ୍ତି। ହାଇକୋର୍ଟ ଏକ ମାମଲାର ଶୁଣାଣି କରି କହିଛନ୍ତି ଯେ ଯଦି କିଏ ସହମତିରେ ଶାରୀରିକ ସମ୍ପର୍କ (sexual relationship) ରଖିବା ପରେ ବିବାହ ଲାଗି ମନା କରେ ଏ କ୍ଷେତ୍ରରେ ତାଙ୍କ ବିରୁଦ୍ଧରେ ଦୁଷ୍କର୍ମ ଅପରାଧ ରୁଜ୍ଜୁ କରାଯାଇ ପାରିବ ନାହିଁ । ଯଦି ଶାରୀରିକ ସମ୍ପର୍କ ଲାଗି ଧୋକାରେ ଅଥବା ଭ୍ରମିତ କରି ସହମତି ନିଆଯାଇଥାଏ ତେବେ ଏହା ଅପରାଧ ପଦବାଚ୍ୟ ହେବ । ଜଷ୍ଟିସ୍ ବେଚୁ କୁରିଆନ ଥୋମାସ୍(Justice Bechu Kurian Thomas)ଙ୍କ ଜଣିକିଆ ଖଣ୍ଡପୀଠ ଆଡଭୋକେଟ୍ ନବନୀଥ୍ ଏନ ନାଥ(Advocate Navaneeth N Nath)ଙ୍କୁ ଜାମିନ ମଞ୍ଜୁର କରିବାବେଳେ ଏହା କହିଛନ୍ତି ।  ଯାହାଙ୍କ ନାମରେ  ବିବାହ ପ୍ରତିଶୃତି ଦେଇ ଜଣେ ମହିଳା ଓକିଲଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା ।

ହାଇକୋର୍ଟ  ଆଦେଶରେ ଏହା ମଧ୍ୟ କହିଛନ୍ତି ଯେ,“ବିବାହର ପ୍ରତିଶୃତି ଦ୍ୱାରା ପ୍ରାପ୍ତ ଶାରୀରିକ ସମ୍ପର୍କ ପାଇଁ ସମ୍ମତି କେବଳ ବଳାତ୍କାର ହେବ ଯେତେବେଳେ ପ୍ରତିଶୃତି ଅବିଶ୍ୱାସରେ ଦିଆଯାଇଥାଏ କିମ୍ବା ଠକେଇ ଦ୍ୱାରା କରାଯାଇଥାଏ କିମ୍ବା ତିଆରି କରିବା ସମୟରେ ତାହା ପାଳନ କରାଯାଇ ନଥିବ ।

ବିଚାରପତି ଜଷ୍ଟିସ୍ ଥୋମାସ୍ ତାଙ୍କ ଆଦେଶରେ କହିଛନ୍ତି ଯେ ସହମତିରେ ଦୁଇ ଯୁବ ପାର୍ଟନରଙ୍କ ମଧ୍ୟରେ ସ୍ଥାପିତ ଶାରୀରିକ ସମ୍ପର୍କ ଭାରତୀୟ ଦଣ୍ଡ ବିଧି ଆଇନର ଧାରା ୩୭୬ ଅନୁସାରେ ସେ ପର୍ଯ୍ୟନ୍ତ ଦୁଷ୍କର୍ମ ମନେ କରାଯିବନି ଯେଉଁ ପର୍ଯ୍ୟନ୍ତ ସହମତି ଛଳ ଅଥବା ଭ୍ରମିତ କରି ନ ନିଆଯାଇଛି ବୋଲି କହିଛନ୍ତି । ପରେ ବିବାହ ଲାଗି ରାଜି ନ ହେବା ବା ସମ୍ପର୍କ ବିବାହରେ ପରିବର୍ତ୍ତିତ ନ ହେବା ଦୁଷ୍କର୍ମ ଲାଗି ଏକ କାରଣ ଭାବେ ବୁଝା ଯାଇ ନପାରେ । ଏହି ନିର୍ଦ୍ଦିଷ୍ଟ ମାମଲା ଯାହା ଆବେଦନକାରୀଙ୍କ ସହ ଜଡିତ ଥିଲା, ଗତ ମାସରେ ତାଙ୍କ ସହକର୍ମୀଙ୍କ ଦ୍ୱାରା ଯୌନ ଶୋଷଣ ଅଭିଯୋଗ ଆସିବା ପରେ ଭାରତୀୟ ଦଣ୍ଡ ସଂହିତା (ଆଇପିସି)Indian Penal Code ର ଧାରା ୩୭୬(୨)(ଏନ୍) ଏବଂ ୩୧୩ ଅନୁଯାୟୀ ଗିରଫ କରାଯାଇଥିଲା । ସେ ଅଭିଯୋଗ କରିଛନ୍ତି ଯେ ଆବେଦନକାରୀ ତାଙ୍କୁ ବିବାହର ମିଥ୍ୟା ପ୍ରତିଶୃତି ଦେଇ ପ୍ରଲୋଭନ ଦେଖାଇ ତାଙ୍କୁ ଦୁର୍ବ୍ୟବହାର କରିଥିଲେ।

ଉଲ୍ଲେଖଯୋଗ୍ୟ ଯେ ପୀଡ଼ିତାଙ୍କୁ  ବିବାହର ପ୍ରତିଶୃତି ଦେଇ  ତାଙ୍କ ସହ ବିଭିନ୍ନ ସ୍ଥାନରେ ଅନେକ ଥର ଦୁଷ୍କର୍ମ କରାଯାଇଥିବାର ଅଭିଯୋଗ ହୋଇଥିଲା ଯିଏ ପରେ ଅନ୍ୟ ଜଣେ ମହିଳାଙ୍କୁ ବିବାହ କରିଥିଲେ । ତେବେ କୋର୍ଟ ମାମଲାରେ ଓକିଲଙ୍କୁ ୧ ଲକ୍ଷ ଟଙ୍କାର ବଣ୍ଡ ଓ ସମ ପରିମାଣର ୨ ଜାମିନଦାରଙ୍କ ବଦଳରେ ଜାମିନ ମଞ୍ଜୁର କରିଛନ୍ତି ।