Weddings in India: ଭାରତୀୟ ବିବାହ ଶିଳ୍ପର ଆକାର ପ୍ରାୟ ୧୦ ଲକ୍ଷ କୋଟି ଟଙ୍କା। ଯାହା ଖାଦ୍ୟ ଓ ଗ୍ରୋସରି ପରେ ଦ୍ୱିତୀୟରେ ରହିଛି। ଏକ ରିପୋର୍ଟରେ ଏହାର ସୂଚନା ପ୍ରଦାନ କରି କୁହାଯାଇଛି ଯେ ସାଧାରଣତଃ ଭାରତୀୟମାନେ ଶିକ୍ଷା ତୁଳନାରେ ବିବାହ ସମାରୋହରେ ଦୁଇଗୁଣ ଅଧିକ ଖର୍ଚ୍ଚ କରନ୍ତି। ଭାରତରେ ପ୍ରତିବର୍ଷ ୮୦ ଲକ୍ଷରୁ ୧ କୋଟି ବିବାହ ହେଉଥିବାବେଳେ ଚାଇନାରେ ୭୦-୮୦ ଲକ୍ଷ ବିବାହ ଓ ଆମେରିକାରେ ୨୦-୨୫ ଲକ୍ଷ ବିବାହ ହୋଇଥାଏ।
Brokerage firm Jefferies ଏକ ରିପୋର୍ଟରେ କହିଛି ଯେ ଭାରତୀୟ ବିବାହ ଶିଳ୍ପ ଆମେରିକାର ଶିଳ୍ପ (୭୦ ବିଲିୟନ ଆମେରିକୀୟ ଡଲାର) ର ଦୁଇଗୁଣ ଅଟେ। ତଥାପି ଏହା ଚୀନ୍ ଠାରୁ (୧୭୦ ଆମେରିକୀୟ ବିଲିୟନ ଡଲାର)କମ୍। ରିପୋର୍ଟ ଅନୁଯାୟୀ ଭାରତରେ ଉପଭୋକ୍ତା ଶ୍ରେଣିରେ ବିବାହ ଦ୍ୱିତୀୟ ସ୍ଥାନରେ ରହିଛି। ଯଦି ବିବାହ ଏକ ଶ୍ରେଣି ହୋଇଥାନ୍ତା ତେବେ ସେମାନେ ଖାଦ୍ୟ ଏବଂ ଗ୍ରୋସରି ସାମଗ୍ରୀ (୬୮୧ ବିଲିୟନ ଡ଼ଲାର୍) ପଛରେ ଦ୍ୱିତୀୟ ବୃହତ୍ତମ ଖୁଚୁରା ଶ୍ରେଣି ହେବ।
ଭାରତରେ ବିବାହ ଭବ୍ୟ ଆକାରରେ ହୋଇଥାଏ ଓ ଅନେକ ପ୍ରକାର ସମାରୋହ କରି ଖର୍ଚ୍ଚ କରାଯାଇଥାଏ। ଏହା ଅଳଙ୍କାର ଏବଂ ପୋଷାକ ପରି ଶ୍ରେଣିରେ ବ୍ୟବହାରକୁ ବଢ଼ାଇଥାଏ ଓ ପରୋକ୍ଷରେ ଅଟୋ ଏବଂ ଇଲେକ୍ଟ୍ରୋନିକ୍ସ ଶିଳ୍ପକୁ ଲାଭ ଦିଏ। ଖର୍ଚ୍ଚିଲା ବିବାହକୁ ରୋକିବା ପାଇଁ ଉଦ୍ୟମ ସତ୍ତ୍ୱେ ବିଦେଶରେ ଅନୁଷ୍ଠିତ ଭବ୍ୟ ବିବାହ ଭାରତୀୟ ଗାଥାକୁ ପ୍ରଦର୍ଶନ କରି ଚାଲିଛି।
ଜେଫେରୀ କହିଛନ୍ତି ଯେ ପ୍ରତିବର୍ଷ ୮ ନିୟୁତରୁ ୧୦ ନିୟୁତ ବିବାହ ଅନୁଷ୍ଠିତ ହେଉଥିବାରୁ ଭାରତ ହେଉଛି ବିଶ୍ୱର ବିବାହକୁ ନେଇ ସବୁଠାରୁ ବଡ ସ୍ଥାନ। CAT ଅନୁଯାୟୀ ଏହାର ଆକାର ୧୩୦ ବିଲିୟନ ଆମେରିକୀୟ ଡଲାର ବୋଲି ଆକଳନ କରାଯାଇଛି। ଭାରତର ବିବାହ ଶିଳ୍ପ ଆମେରିକାର ତୁଳନାରେ ଦୁଇଗୁଣ ଓ ପ୍ରମୁଖ ଉପଭୋକ୍ତା ବର୍ଗରେ ଯଥେଷ୍ଟ ଅବଦାନ ରହିଛି ବୋଲି ସେ କହିଛନ୍ତି।
ଭାରତୀୟ ବିବାହ ଅନେକ ଦିନ ଧରି ଚାଲିଥାଏ ଏବଂ ସରଳରୁ ଅତ୍ୟଧିକ ବ୍ୟୟବହୁଳ ଅଟେ। ଏଥିରେ ଅଞ୍ଚଳ, ଧର୍ମ ଏବଂ ଅର୍ଥନୈତିକ ପୃଷ୍ଠଭୂମି ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଏହି ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ଭାରତରେ ବିବାହ ପାଇଁ ଖର୍ଚ୍ଚ ଶିକ୍ଷା (ସ୍ନାତକୋତ୍ତର ପର୍ଯ୍ୟନ୍ତ) ତୁଳନାରେ ଦୁଇଗୁଣ ହୋଇଥିବାବେଳେ ଆମେରିକା ଭଳି ଦେଶରେ ଏହା ଶିକ୍ଷା ଖର୍ଚ୍ଚର ଅଧାରୁ କମ୍ ଅଟେ।