Indian Navy: ନୂଆଦିଲ୍ଲୀ: ଆରବ ସାଗରରରେ ଜଳଦସ୍ୟୁଙ୍କ ଉତ୍ପାତ ଓ ଆତଙ୍କୀ କାର୍ଯ୍ୟକଳାପରୁ ବର୍ତ୍ତିବ ପାଇଁ ଭାରତୀୟ ନୌସେନା ଆରବ ସାଗରରେ ୧୦ଟି ଯୁଦ୍ଧ ଜାହାଜ ନିୟୋଜିତ କରିଛି। ଏହି ଜାହାଜଗୁଡ଼ିକ ଆରବ ସାଗର ଏବଂ ଆଡେନ ଗଲ୍ଫରେ ନିୟୋଜିତ କରାଯାଇଛି। ସମସ୍ତ ଯୁଦ୍ଧ ଜାହାଜ ସାମୁଦ୍ରିକ କମାଣ୍ଡୋ ଏବଂ ଅତ୍ୟାଧୁନିକ ଅସ୍ତ୍ରଶସ୍ତ୍ର ସହିତ କୌଣସି ମୁକାବିଲାକୁ ସାମ୍ନାକୁ କରିବାକୁ ପ୍ରସ୍ତୁତ ରହିଛନ୍ତି। ନିୟୋଜିତ ହୋଇଥିବା ଜାହାଜରେ INS କୋଲକାତା, INS କୋଚି, INS ଚେନ୍ନାଇ, INS ମର୍ମୁଗାଓ, INS ତାଲୱାର ଏବଂ INS ତାରକାଶ ରହିଛି।
ହୁତି ବିଦ୍ରୋହୀ ଏବଂ ଜଳଦସ୍ୟୁ ବୋଲି ଏହାର ମୁଖ୍ୟ କାରଣ ବୋଲି କୁହାଯାଉଛି। ତେଣୁ ଭାରତୀୟ ନୌସେନା ସାମୁଦ୍ରିକ ସୁରକ୍ଷା ଅଭିଯାନ ଆରମ୍ଭ କରିଛି। ସେପଟେ ଆଡେନ୍ ଗଲ୍ଫ ଅଞ୍ଚଳରେ ଜାହାଜକୁ ନିୟୋଜିତ କରିବାର କାରଣ ହେଉଛି ଯେ ଭୌଗୋଳିକ ଦୃଷ୍ଟିକୋଣ। ଭୌଗୋଳିକ ଦୃଷ୍ଟିରୁ ଦେଖିଲେ ଗୋଟିଏ ପଟେ ୟେମେନ ଏବଂ ଅନ୍ୟ ପଟେ ସୋମାଲିଆ ଅଛି। ଏହା ତୈଳ ପରିବହନ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ଜଳମାର୍ଗ ଅଟେ। ନିକଟରେ ସୋମାଲିଆ ଉପକୂଳରେ ହୁତି ଡକାୟତମାନେ ଏକ ସମୁଦ୍ର ଜାହାଜକୁ ଅପହରଣ କରି ନେଇଥିଲେ। ତେଣୁ ଭାରତୀୟ ନୌସେନା ଏହାର ଯୁଦ୍ଧ ଜାହାଜକୁ ଏହି ଅଞ୍ଚଳରେ ନିୟୋଜିତ କରିଛି।
Indian Navy Retakes Merchant Ship From Armed Hijackers in the Arabian Sea https://t.co/HWCbiTm1PL via @withemes
Engage the pirates. Destroy the ability and willingness to continue their misconduct. ☠— Muchmore Inghams (@JohnnyRaptor20) January 9, 2024
ଗଣମାଧ୍ୟମ ରିପୋର୍ଟ ଅନୁଯାୟୀ, ସାମୁଦ୍ରିକ ସୁରକ୍ଷା ପାଇଁ ଆମେରିକା ଅପରେସନ୍ ଗାର୍ଡିଆନ୍ ମଧ୍ୟ ଆରମ୍ଭ କରିଛି, କିନ୍ତୁ ଭାରତୀୟ ନୌସେନାର ଅପରେସନ୍ ଏହାର ଏକ ଅଂଶ ନୁହେଁ। ଏହାର ସୀମା ଏବଂ ପରିବହନ ମାର୍ଗକୁ ସୁରକ୍ଷା ଦେବା ପାଇଁ ଭାରତୀୟ ନୌସେନା ଯୁଦ୍ଧ ଜାହାଜ ନିୟୋଜିତ କରାଯାଇଥିବା ନେଇ ନୌସେନା ପକ୍ଷରୁ ସ୍ପଷ୍ଟ ସୂଚନା ପ୍ରଦାନ କରାଯାଇଛି। କାରଣ ସାମଗ୍ରୀ ପରିବହନ କରୁଥିବା ଜାହାଜରେ ହୁତି ଏବଂ ଡକାୟତମାନଙ୍କ ଦ୍ୱାରା ବଢୁଥିବା ଆକ୍ରମଣ ହେତୁ ମାଲ ପରିବହନ ହାର ବୃଦ୍ଧି ପାଇବାରେ ଲାଗିଛି, ଯେଉଁ କାରଣରୁ ଦେଶରେ ମୁଦ୍ରାସ୍ଫୀତି ବୃଦ୍ଧି ପାଇବାରେ ଲାଗିଛି। ଏଥିରୁ ରକ୍ଷା ପାଇବା ପାଇଁ ଭାରତ ସରକାର ନୌସେନାକୁ ସୁରକ୍ଷା ଯୋଗାଇବାକୁ ନିର୍ଦ୍ଦେଶ ଦେଇଛନ୍ତି। ପଶ୍ଚିମ ଉପକୂଳରେ P-8I ବିମାନ ଏବଂ MQ-9B ସାଗର-ରାକ୍ଷୀ ଡ୍ରୋନ୍ ମାଧ୍ୟମରେ ସମୁଦ୍ର ପାଟ୍ରୋଲିଂ କରାଯାଉଛି, ଯାହା ସମୁଦ୍ର ସୀମା ଉପରେ କଡ଼ା ନଜର ରଖିଛି।
ICYMI: footage from an Indian Navy rescue from pirates, yesterday: pic.twitter.com/nHTo3mDHDa
— Mossad Commentary (@MOSSADil) January 6, 2024
ନିକଟରେ ଅନ୍ୟ ଏକ ଜାହାଜକୁ ଉଦ୍ଧାର କରିଥିଲା ନୌସେନା
ଏଠାରେ କହି ରଖୁ କି INS ଚେନ୍ନାଇର କମାଣ୍ଡୋ, P-8I ବିମାନ ସହିତ ଆରବ ସାଗର ଦେଇ ଯାଉଥିବା ଏକ ଲାଇବେରିଆ କାର୍ଗୋ ଜାହାଜକୁ ଅପହରଣରୁ ରକ୍ଷା କରିଥିଲେ। ଡକାୟତମାନେ ଏହି କାର୍ଗୋ ଜାହାଜକୁ ଘେରି ରହିଥିଲେ। ଏହି ଅପରେସନ୍ ଅଧୀନରେ ୧୫ ଜଣ ଭାରତୀୟଙ୍କ ସମେତ ସମସ୍ତ ୨୧ ଜଣ କୃ ସଦସ୍ୟଙ୍କୁ ଉଦ୍ଧାର କରାଯାଇଥିଲା। ଏହି ଅପରେସନକୁ ସଫଳ କରିବାରେ ଭାରତୀୟ ନୌସେନାର ମାର୍କୋସ କମାଣ୍ଡୋ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ପୂର୍ବରୁ ମଧ୍ୟ ୪ଟି ଯୁଦ୍ଧ ଜାହାଜ ସମୁଦ୍ରରେ ନିୟୋଜିତ ହୋଇଥିଲା, କିନ୍ତୁ ବର୍ତ୍ତମାନ ନିୟୋଜିତ ଯୁଦ୍ଧ ଜାହାଜରେ ବିଭିନ୍ନ ପ୍ରକାରର ବନ୍ଧୁକ, କ୍ଷୁଦ୍ର ଏବଂ ମଧ୍ୟମ ସୀମା ଆକ୍ରମଣ କ୍ଷେପଣାସ୍ତ୍ର ଏବଂ ଜାମର ଅଛି, ଯାହା ଆବଶ୍ୟକ ହେଲେ ବ୍ୟବହାର କରାଯାଇପାରିବ।