ହରମନଙ୍କ ନେତୃତ୍ୱରେ ବର୍ମିଂହାମରେ ପହଞ୍ଚିଲା ଟିମ୍ ଇଣ୍ଡିଆ, ଜୁଲାଇ ୨୯ରୁ ଆରମ୍ଭ ହେବ ଅଭିଯାନ

ଜୁଲାଇ ୨୮ରୁ ଇଂଲଣ୍ଡ ବର୍ମିଂହାମରେ ଆରମ୍ଭ ହେଉଥିବା କମନୱେଲଥ୍ ଗେମ୍ସ ପାଇଁ ପ୍ରାୟ ସମସ୍ତ ଦେଶର ଆଥଲେଟ୍ ପହଞ୍ଚିସାରିଲେଣି । ୨୪ ବର୍ଷ ପରେ କମନୱେଲଥ ଗେମ୍ସରେ  କ୍ରିକେଟ୍ ପ୍ରତ୍ୟାବର୍ତ୍ତନ ସହିତ ଭାରତୀୟ ଦଳ ଏଥର ହରମାନପ୍ରୀତ କୌରଙ୍କ ନେତୃତ୍ୱରେ ପଦକ ଦୌଡ଼ରେ ନିଜକୁ ପ୍ରମାଣିତ କରିବାକୁ ଯାଉଛି । ଏହି ଦଳ ହରମନଙ୍କ ନେତୃତ୍ୱରେ ବର୍ମିଂହାମରେ ପହଞ୍ଚିଛି। ଦଳ ୨୪ ଜୁଲାଇ ସକାଳେ ବର୍ମିଂହାମ ଅଭିମୁଖେ ଯାତ୍ରା କରିଥିଲା । ଉପ-ଅଧିନାୟକ ସ୍ମୃତି ମନ୍ଧାନା ହୋଇଥିବାବେଳେ ହରମାନପ୍ରୀତ କୌରଙ୍କ ନେତୃତ୍ୱରେ ଏହି ଦଳର ନେତୃତ୍ୱ ରହିଛି।

ପ୍ରଶଂସକମାନେ ଜଣାଇଲେ ଶୁଭକାମନା
ଦଳ ସ୍ୱର୍ଣ୍ଣ ଜିତିବା ଟାର୍ଗେଟରେ ଥିବାବେଳେ ବିମାନବନ୍ଦରରେ ବହୁ ସଂଖ୍ୟାରେ ପ୍ରଶଂସକ ଉପସ୍ଥିତ ରହି ଦଳକୁ ଶୁଭେଚ୍ଛା ଜଣାଇଥିଲେ । ପ୍ରଶଂସକମାନେ ଦଳକୁ ଜୋରସୋରରେ ବିଦାୟ ଦେଇଥିଲେ। ଦଳର ଉପ-ଅଧିନାୟକ ସ୍ମୃତି ମନ୍ଧାନା ଦେଶ ଛାଡିବା ପୂର୍ବରୁ ଆଶା ପ୍ରକଟ କରିଥିଲେ ଯେ ଦଳ ଭଲ ପ୍ରଦର୍ଶନ କରିବାକୁ ଚେଷ୍ଟା କରିବ ଏବଂ ସ୍ୱର୍ଣ୍ଣ ଜିତିବାକୁ ଚେଷ୍ଟା କରିବ।

୨୯ରେ ଅଭିଯାନ ଆରମ୍ଭ 
ଭାରତୀୟ ମହିଳା ଦଳ ଜୁଲାଇ ୨୯ରୁ କମନୱେଲଥ ଗେମ୍ସରେ ଏହାର ଅଭିଯାନ ଆରମ୍ଭ କରିବ । ପ୍ରଥମ ମ୍ୟାଚ୍ ଅଷ୍ଟ୍ରେଲିଆ ଦଳ ବିପକ୍ଷରେ ଥିବାବେଳେ ଦ୍ୱିତୀୟ ମ୍ୟାଚ୍ ଅତ୍ୟନ୍ତ ଆକର୍ଷଣୀୟ ହେବ ବୋଲି ଆଶା କରାଯାଉଛି।

ଅଗଷ୍ଟ ୩୧ରେ ମହାମୁକାବିଲା
ଦଳର ଦ୍ୱିତୀୟ ମ୍ୟାଚ୍ ଅତ୍ୟନ୍ତ ରୋମାଞ୍ଚକର ହେବ ବୋଲି ଆଶା କରାଯାଉଛି। ଦ୍ୱିତୀୟ ମ୍ୟାଚ୍‌ରେ ଦଳ ସେମାନଙ୍କର ସବୁଠୁ ବଡ଼ ପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭେଟିବ। ଦଳ ସହିତ ସମଗ୍ର ଦେଶ ଉତ୍ସାହର ସହିତ ଏହି ମ୍ୟାଚକୁ ଅପେକ୍ଷା କରିଛି । ଦଳର ତୃତୀୟ ମ୍ୟାଚ୍ ଅଗଷ୍ଟ ୩ରେ ବାରବାଡୋସ ବିପକ୍ଷରେ ହେବ।