China Virus: ଦିଲ୍ଲୀରେ ଏଣ୍ଟ୍ରି କଲା ଚୀନର ଭାଇରସ, ଜାଣନ୍ତୁ ମାଇକ୍ରୋପ୍ଲାଜମାର ଲକ୍ଷଣ

China Virus: କୋରୋନା କହରରୁ ସମ୍ପୂର୍ଣ୍ଣ ଭାବେ ବିଶ୍ୱ ମୁକୁଳିନଥିବା ବେଳେ ଏବେ ଚୀନରେ ପୁଣି ଏକ ରୋଗ ମୁଣ୍ଡବିନ୍ଧାର କାରଣ ପାଲଟିଛି। ପ୍ରକୃତରେ ଏକ ନୂଆ ଚାଇନିଜ୍ ଭାଇରସ ମାଇକୋପ୍ଲାଜମା ନିମୋନିଆ ଭାରତରେ ପ୍ରବେଶ କରିଛି । ଯାହା ଛୋଟ ପିଲା ବା ଶିଶୁ ମାନଙ୍କୁ ପ୍ରଭାବିତ କରୁଛି । ଏହି ରୋଗ ଚାଇନାରେ ହଇଚଇ ସୃଷ୍ଟି କରୁଛି। ଦିଲ୍ଲୀର ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ ବା (AIIMS) ହସ୍ପିଟାଲରେ ଏପ୍ରିଲରୁ ସେପ୍ଟେମ୍ବର ମଧ୍ୟରେ ମାଇକୋପ୍ଲାଜମା ନିମୋନିଆର ସାତୋଟି ମାମଲା ଏବେ ସୁଦ୍ଧା ଚିହ୍ନଟ ହୋଇଛି।

AIIMS ମାଇକୋପ୍ଲାଜମା ନିମୋନିଆର ସାତୋଟି ମାମଲା ରେକର୍ଡ କରିଛି, ଯେଉଁ ଭୂତାଣୁ ଶିଶୁମାନଙ୍କଠାରେ ଶ୍ୱାସ ରୋଗକୁ ସୃଷ୍ଟି କରୁଛି । ଦୁଇଟି ପରୀକ୍ଷା, PCR ଏବଂ IDM-ELISA ମାଧ୍ୟମରେ ଏହି ମାମଲାକୁ ଚିହ୍ନଟ କରାଯାଇଛି । PCR ଏବଂ IgM ଏଲିସା ପରୀକ୍ଷଣର ସକରାତ୍ମକତା ହାର ତିନି ଏବଂ ୧୬ ପ୍ରତିଶତ ବୋଲି ଜଣାପଡିଛି। ଏହି କାରଣରୁ ଚାଇନାରୁ ଆସିଥିବା କୋରୋନାକୁ ସାମ୍ନା କରିବା ପରେ ଏହି ରୋଗ ବିଷୟରେ ଭୟ ଭାରତରେ ବ୍ୟାପିବାରେ ଲାଗିଛି। କୋରୋନାକୁ ସମ୍ମୁଖୀନ ହେବାକୁ ପୂରା ବିଶ୍ୱକୁ ଦୁଇ ବର୍ଷ ଧରି ଧନ୍ଦି ହେବାକୁ ପଡ଼ିଥିଲା ଏହି ନିମୋନିଆ ରୋଗ ଭାରତରେ ଏଣ୍ଟ୍ରି କରିବା ପରେ ଭାରତର ଟେନସନ ବଢିଯାଇଛି। 

ଯେତେବେଳେ ଚାଇନା ଏବଂ ଅନ୍ୟାନ୍ୟ ୟୁରୋପୀୟ ଦେଶଗୁଡ଼ିକରେ 'ୱାକିଂ ନିମୋନିଆ' ମାମଲାରେ ବୃଦ୍ଧି ଘଟିଛି ସେତେବେଳେ ଏହା ଘଟିଛି। ନିମୋନିଆର ଏକ ମୃଦୁ ରୂପକୁ ବର୍ଣ୍ଣନା କରିବା ପାଇଁ 'ୱାକିଂ ନିମୋନିଆ' ଏକ ଶବ୍ଦଗତ । ସାଧାରଣ ନିମୋନିଆ ପରି, ୱାକିଂ ନିମୋନିଆ ଭୂତାଣୁ ମାଇକୋପ୍ଲାଜମା ନିମୋନିଆ ଦ୍ୱାରା ହୋଇଥାଏ। ଭାରତରେ ଏହାର ମାମଲା ଚିହ୍ନଟ ହେତୁ ଚିନ୍ତା ବୃଦ୍ଧି ପାଇଛି କାରଣ ଚାରି ବର୍ଷ ପୂର୍ବେ ଡିସେମ୍ବର ୨୦୧୯ ରେ କୋଭିଡ ଚାଇନାରୁ ଆରମ୍ଭ ହୋଇଥିଲା ଆଉ ମରଣଜନ୍ତା ହୋଇ ସାରା ବିଶ୍ୱରେ ବ୍ୟାପିଯାଇଥିଲା । ଲକ୍ଷ ଲକ୍ଷ ଲୋକଙ୍କ ଜୀବନ ଏଥିରେ ଚାଲିଯାଇଥିଲା ହେଲେ ଏବେ ଶିଶୁଙ୍କ କ୍ଷେତ୍ରରେ ଦେଖାଦେଉଥିବା ଏହି ଭାଇରସ କେତେ ଭୟଙ୍କର ହେବ ତାର ଆକଳନ ଏବେ ସୁଦ୍ଧା କରାଯାଇନାହିଁ। 

ବିଶେଷଜ୍ଞଙ୍କ କହିବାନୁସାରେ, ମାଇକୋପ୍ଲାଜ୍ମା ନିମୋନିଆ ୧୫-୨୦ ପ୍ରତିଶତ ନିମୋନିଆ ସୃଷ୍ଟି କରେ ବୋଲି କୁହାଯାଉଛି। ଜନଗହଳି ପୂର୍ଣ୍ଣ ସ୍ଥାନରେ ରହୁଥିବା ଏବଂ ସଂକ୍ରମଣ ପ୍ରବଣ ଅଞ୍ଚଳରେ ବାସ କରୁଥିବା କିମ୍ବା କାର୍ଯ୍ୟ କରୁଥିବା ଲୋକମାନେ ଅଧିକ ବିପଦରେ ପଡ଼ିଥାନ୍ତି। ମାଇକ୍ରୋପ୍ଲାଜମା ନିମୋନିଆର ଲକ୍ଷଣଗୁଡିକ କ’ଣ? ଯେଉଁମାନଙ୍କର ମାଇକୋପ୍ଲାଜ୍ମା ନିମୋନିଆ ସଂକ୍ରମଣ ଥାଏ, ସାଧାରଣତଃ ସେମାନଙ୍କ କ୍ଷେତ୍ରରେ ଲକ୍ଷଣ ଦେଖାଯାଏ ଯେପରିକି ଗଳା ଯନ୍ତ୍ରଣା, ଥକ୍କା ଅନୁଭବ, ଜ୍ୱର, କାଶ ଯାହା ସପ୍ତାହ କିମ୍ବା ମାସ ପର୍ଯ୍ୟନ୍ତ ରହିପାରେ ଏବଂ ମୁଣ୍ଡବିନ୍ଧା ହୋଇପାରେ। 

Also Read: Pushpa Film: ଜୀବନ ହାରିଲେ ମହିଳା କଳାକାର, ପୁଷ୍ପା ଫିଲ୍ମର ଅଭିନେତା ଗିରଫ

Also Read: UK Visa India: ଭିସା ନିୟମରେ ପରିବର୍ତ୍ତନ, ପରିବାରକୁ ସାଙ୍ଗରେ ନେଇ ଯାଇପାରିବେନି ବ୍ରିଟେନ୍ !