Kirti Chakra posthumously : ରାଷ୍ଟ୍ରପତିଙ୍କଠାରୁ ପୁରସ୍କାର ନେବା ବେଳେ ଭବବିହ୍ୱଳ ହେଲେ କ୍ୟାପଟେନଙ୍କ ସ୍ତ୍ରୀ

Kirti Chakra posthumously : ସେନା ମେଡିକାଲ କୋର୍‌ର କ୍ୟାପଟେନ ଅଂଶୁମାନ ସିଂ ଶହୀଦ ହେବା ପରେ ତାଙ୍କୁ କୀର୍ତ୍ତିଚକ୍ର ପୁରସ୍କାର ପ୍ରଦାନ କରାଯାଇଛି।ପତ୍ନୀ ସ୍ମୃତି ସିଂ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କଠାରୁ ଶୁକ୍ରବାର ଦିନ ଭାରତର ଦ୍ୱିତୀୟ ସର୍ବୋଚ୍ଚ ଶାନ୍ତି ପୁରସ୍କାର କୀର୍ତ୍ତିଚକ୍ର ଗ୍ରହଣ କରିଛନ୍ତି।

ସୂଚନା ଅନୁଯାୟୀ ସିଆଚେନ୍‌ରେ ସହଯୋଗୀ ସୈନିକମାନଙ୍କୁ ନିଆଁରୁ ରକ୍ଷା କରୁଥିବାବେଳେ ଅଂଶୁମାନ ଶହୀଦ ହୋଇଥିଲେ। ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ହାତରୁ ପୁରସ୍କାର ଗ୍ରହଣ କରିବା ସମୟରେ ସ୍ମୃତି ହାତ ଯୋଡ଼ି ତାଙ୍କ ସ୍ବାମୀଙ୍କ ବଳିଦାନକୁ ପ୍ରଶଂସା କରିଥିଲେ। ଯାହା ସୋସିଆଲ ମିଡିଆ ‘ଏକ୍ସ’ରେ ଏକ ପୋଷ୍ଟରେ ରାଷ୍ଟ୍ରପତି କହିଛନ୍ତି, ନିଜ ସୁରକ୍ଷାକୁ ଧ୍ୟାନ ନ ଦେଇ ସେ ଏକ ବଡ଼ ଅଗ୍ନିକାଣ୍ଡରେ ଅନେକ ଲୋକଙ୍କୁ ବଞ୍ଚାଇବା ପାଇଁ ଅସାଧାରଣ ସାହସିକତା ଏବଂ ସଂକଳ୍ପ ପ୍ରଦର୍ଶନ କରିଥିଲେ।

ପ୍ରକାଶଥାଉ ଯେ, ୨୦୨୩ ଜୁଲାଇ ୧୯ ତାରିଖ ରାତି ୩ଟା ସମୟରେ ସର୍ଟଶର୍କିଟ ଯୋଗୁ ସିଆଚେନରେ ଥିବା ଭାରତୀୟ ସେନାର ଗୁଳିଗୋଳା ବର୍ଷଣରେ ଅଗ୍ନିକାଣ୍ଡ ଘଟିଥିଲା। ଅଳିଆ ଗଦାରେ ନିଆଁ ଲାଗିଯିବାରୁ କ୍ୟାପଟେନ୍‌ ଅଂଶୁମାନ ସିଂ ଫାଇବର-ଗ୍ଲାସ ଗଦା ଭିତରେ ଫସି ରହିଥିବା ଲୋକଙ୍କୁ ଉଦ୍ଧାର କରିବାରେ ସାହାଯ୍ୟ କରିଥିଲେ। ଯେତେବେଳେ ନିଆଁ ନିକଟସ୍ଥ ଡାକ୍ତରୀ ପରୀକ୍ଷା ଆଶ୍ରୟସ୍ଥଳରେ ବ୍ୟାପିଗଲା, ସେ ଭିତରେ ରଖାଯାଇଥିବା ଔଷଧ ବାହାର କରିବାକୁ ଚେଷ୍ଟା କରିଥିଲେ। ଦୁର୍ଭାଗ୍ୟବଶତଃ ଏହି ସମୟ ମଧ୍ୟରେ ସେ ଗୁରୁତର ଭାବରେ ପୋଡ଼ି ଯାଇ ଶହୀଦ ହୋଇଥିଲେ।

କ୍ୟାପଟେନ ଓ ସ୍ମୃତିଙ୍କ ପ୍ରେମ କାହାଣୀକୁ ମନେପକାଇ ଲୁହଭରା ଆଖିରେ ସ୍ମୃତି କହିଛନ୍ତିଯେ, ଆମେ ଆମର ଇଞ୍ଜିନିୟରିଂ କଲେଜର ପ୍ରଥମ ଦିନରେ ପରସ୍ପରଙ୍କୁ ଭେଟିଥିଲୁ। ଓ ପ୍ରଥମ ଦେଖାରେ ପ୍ରେମରେ ପଡ଼ିଥିଲୁ। ଏକ ମାସ ପରେ ସେ ସଶସ୍ତ୍ର ବାହିନୀ ମେଡିକାଲ କଲେଜ (ଏଫ୍‌ଏମ୍‌ସି)ରେ ସିଲେକ୍ଟ ହୋଇଥିଲେ।ଏହା ପରେ ୮ ବର୍ଷ ପର୍ଯ୍ୟନ୍ତ ଏହା ଏକ ଦୀର୍ଘ ଦୂରତା ସମ୍ପର୍କ ଥିଲା ଏବଂ ତା’ପରେ ଆମେ ଭାବିଲୁ ଯେ, ବର୍ତ୍ତମାନ ବିବାହ କରିବା ଉଚିତ୍‌ ତେଣୁ ଆମେ ବିବାହ କରିନେଲୁ।ସେ ଅତ୍ୟନ୍ତ ତୀକ୍ଷ୍ଣ ବୁଦ୍ଧି ଥିବା ମଣିଷଟିଏ ଥିଲେ।

ସ୍ମୃତି ସିଂହ ସ୍ଵାମୀଙ୍କ ସହ ସେଶଥର କଥାକୁ ମନେ ପକାଇ କହିଛନ୍ତିଯେ,  ୨୦୨୩ ଜୁଲାଇ ୧୮ ତାରିଖ ରାତିରେ ଦୀର୍ଘ ସମୟ ଯାଏ କଥାବାର୍ତ୍ତା କରିଥିଲେ ଏବଂ ଏହାର ଗୋଟିଏ ଦିନ (ଜୁଲାଇ ୧୯) ପରେ ଜଣାପଡ଼ିଥିଲା ଯେ କ୍ୟାପ୍ଟେନ ଅଂଶୁମାନ ସିଂହ ଆଉ ନାହାନ୍ତି। ସେ ଏହା ମଧ୍ୟ କହିଛନ୍ତି ଯେ ସହିଦ ହେବାର ଗୋଟିଏ ରାତି ପୂର୍ବରୁ ଦୁହେଁ ଭବିଷ୍ୟତକୁ ନେଇ ବହୁତ୍ କଥା ହୋଇଥିଲେ, ଯେଉଁଥିରେ ଘର କରିବା ଏବଂ ପିଲା ଜନ୍ମ ଉପରେ ଗୁରୁତ୍ବ ଦେବା ବିଷୟରେ କଥା ହୋଇଥିଲେ ।