ପାର୍ଥ ଚାଟାର୍ଜୀଙ୍କ ସହଯୋଗୀ ତଥା ଅଭିନେତ୍ରୀ ଅର୍ପିତାଙ୍କ ଘରୁ ମିଳିଲା ସେକ୍ସ ଟୟ!

କୋଲକାତା: Bengal SSC Scam: ପଶ୍ଚିମବଙ୍ଗ ଶିକ୍ଷକ ଭର୍ତ୍ତି ଦୁର୍ନୀତି (Bengal SSC Scam) ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ED)  କ୍ରମାଗତ ଭାବେ କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ଏହି କ୍ରମରେ ପଶ୍ଚିମବଙ୍ଗ ସରକାରଙ୍କ ପୂର୍ବତନ ମନ୍ତ୍ରୀ ପାର୍ଥ ଚାଟାର୍ଜୀ (Partha Chatterjee) ଙ୍କ ସହଯୋଗୀ ତଥା ଅଭିନେତ୍ରୀ ଅର୍ପିତା ମୁଖାର୍ଜୀ (Arpita Mukherjee) ଙ୍କ ଫ୍ଲାଟ ଉପରେ ଇଡି ମଧ୍ୟ ଚଢାଉ କରିଥିଲା । ରାଜ୍ୟରେ ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ତୃଣମୂଳ କଂଗ୍ରେସ (TMC) ର ପୂର୍ବତନ ସାଧାରଣ ସଂପାଦକ ପାର୍ଥ ଚାଟାର୍ଜୀଙ୍କୁ ଇଡି ଗିରଫ କରିଛି । ଏହି ସମୟରେ ଖବର ଆସିଛି ଯେ ତାଙ୍କ 'ଅନ୍ତରଙ୍ଗ ବାନ୍ଧବୀ' ଅର୍ପିତାଙ୍କ ଫ୍ଲାଟରୁ ସେକ୍ସ ଟୟ ମଧ୍ୟ ମିଳିଛି ।

ଇଡି ଅନୁଯାୟୀ, ଅର୍ପିତା ମୁଖାର୍ଜୀଙ୍କ ଏହି ଫ୍ଲାଟରୁ ଅନେକ ସେକ୍ସ ଟୟ ଜବତ କରାଯାଇଛି । ଏହା ବ୍ୟତୀତ ଫ୍ଲାଟରୁ ଏକ ରୁପା ପାତ୍ର ମଧ୍ୟ ମିଳିଛି । ଯଦିଓ ରୁପା ପାତ୍ର ଅଧିକ ମହଙ୍ଗା ହୋଇ ନଥାଏ, କିନ୍ତୁ ଏହି ରୁପା ପାତ୍ରର ସାମାଜିକ ମହତ୍ତ୍ୱ ଅଛି । ବଙ୍ଗାଳୀରେ ନବ ବିବାହିତ ଦମ୍ପତିଙ୍କୁ ଏକ ରୁପା ପାତ୍ର ଦିଆଯାଏ । ଯେଉଁଥିରେ ଦୀପ ଜାଳି ଆଗାମୀ ପିଢ଼ିକୁ ଦୁନିଆ ସାମ୍ନାକୁ ଆଣିବାକୁ ଇଚ୍ଛା ପ୍ରକାଶ କରାଯାଇଥାଏ । ଅର୍ପିତାଙ୍କ ଫ୍ଲାଟରେ ଏହି ସବୁ ଜିନିଷ କ’ଣ କରୁଛି, ତାହାକୁ ନେଇ ସମସ୍ତେ ଦ୍ୱନ୍ଦ୍ୱରେ ଅଛନ୍ତି ।

କିନ୍ତୁ ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ କି ଏହାକୁ କିଏ ଓ କେଉଁଠାରୁ ଅଣାଯାଇଥିଲା, ମୂଲ୍ୟ କେତେ ହେବ । କିନ୍ତୁ କେବଳ ସେକ୍ସ ଖେଳନା ନୁହେଁ, ଏକ ସୁନା ଓ ହୀରା ମୁଦି ମଧ୍ୟ ମିଳିଛି, ଯେଉଁଥିରେ ଇଂରାଜୀ ଅକ୍ଷର 'P' ଲେଖାଯାଇଛି । ଇଡି କହିଛି ଯେ ବର୍ତ୍ତମାନ ଏହି ସବୁ ଜିନିଷର ଅନୁସନ୍ଧାନ କରାଯାଉଛି ।

ଏହା ବି ପଢ଼ନ୍ତୁ:-ଗାଡ଼ିରେ କମ୍ ପେଟ୍ରୋଲ ଥିବାରୁ ଟ୍ରାଫିକ ପୋଲିସ କାଟିଲା ଚାଲାଣ, ଡ୍ରାଇଭର ବି ଆଶ୍ଚର୍ଯ୍ୟ; ଫେସବୁକରେ ପୋଷ୍ଟ କଲେ ସ୍ଲିପ୍

ଏହା ବି ପଢ଼ନ୍ତୁ:-ପାକିସ୍ତାନରେ କ'ଣ କିଛି ବଡ଼ ଘଟଣା ଘଟିବାକୁ ଯାଉଛି କି? ଜାଣନ୍ତୁ ଗତ ୭୨ ଘଣ୍ଟାର ପୂରା ଘଟଣାକ୍ରମ

ଏହା ବି ପଢ଼ନ୍ତୁ:-ପିଏମ ମୋଦି ଖୁବ୍ ଶୀଘ୍ର ପୂରଣ କରିବେ ଆଉ ଏକ ପ୍ରତିଶ୍ରୁତି! ଏହାକୁ ନେଇ ଚାଲିଛି ଜୋରଦାର ଚର୍ଚ୍ଚା

ସୂଚନାଯୋଗ୍ୟ, ଶିକ୍ଷକ ନିଯୁକ୍ତି ଦୁର୍ନୀତି ଅଭିଯୋଗ ଓ କୋଟି କୋଟି ଟଙ୍କା, ସୁନା ଜବତ ପରେ ତୃଣମୂଳ କଂଗ୍ରେସ (TMC) ପାର୍ଥ ଚାଟାର୍ଜୀ (Partha Chatterjee) ଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଟିଏମସି ତାଙ୍କୁ ଦଳରୁ ନିଲମ୍ବିତ କରିଛି । କିନ୍ତୁ ତାଙ୍କ ପାଇଁ ଦଳକୁ ଫେରିବା ଦ୍ୱାର ଏବେ ମଧ୍ୟ ଖୋଲା ଅଛି । ଟିଏମସି ସାଧାରଣ ସମ୍ପାଦକ ତଥା ମମତା ବାନାର୍ଜୀ (Mamata Banerjee) ଙ୍କ ଭଣଜା ଅଭିଷେକ ବାନାର୍ଜୀ (Abhishek Banerjee) କହିଛନ୍ତି ଯେ, ତଦନ୍ତ ଶେଷ ନହେବା ପର୍ଯ୍ୟନ୍ତ ପାର୍ଥଙ୍କୁ ନିଲମ୍ବିତ କରାଯାଇଛି । ଯଦି ସେ ନିର୍ଦ୍ଦୋଷ ପ୍ରମାଣିତ ହୁଅନ୍ତି, ତେବେ ସେ ପୁଣି ଦଳରେ ଯୋଗ ଦେଇପାରିବେ । ଗୁରୁବାର ପାର୍ଥ ଚାଟାର୍ଜୀଙ୍କୁ କ୍ୟାବିନେଟରୁ ବରଖାସ୍ତ କରାଯାଇଛି । ଏହା ବ୍ୟତୀତ ତାଙ୍କୁ ଦଳରୁ ନିଲମ୍ବିତ କରାଯାଇଛି । କାହାକୁ ନିଲମ୍ବନ କରିବା ଏକ ନିର୍ଦ୍ଦିଷ୍ଟ ସୀମା ପାଇଁ କରାଯାଇଥାଏ । ଅନ୍ୟପକ୍ଷରେ, ବହିଷ୍କାର ଅର୍ଥ ହେଉଛି ସ୍ଥାୟୀଭାବେ ବାହାର କରିବା । ଯେମିତି ତାଙ୍କୁ ମନ୍ତ୍ରୀ ପଦରୁ ବରଖାସ୍ତ କରାଯାଇଛି, କିନ୍ତୁ ତାଙ୍କୁ ଦଳରୁ ବହିଷ୍କାର କରାଯାଇ ନାହିଁ ।