Chicago Shooting: ଆମେରିକାରେ ଫ୍ରିଡମ୍ ଡେ ପ୍ୟାରେଡ୍ ସମୟରେ ଗୁଳି ବିନିମୟ ଘଟଣା ପରେ ଉତ୍ତେଜନା ଦେଖାଦେଇଛି । ଏହି ଭୟଙ୍କର ଘଟଣା ସହ ଜଡିତ ଏକ ଅତ୍ୟନ୍ତ ହୃଦୟ ବିଦାରକ ଚିତ୍ର ସାମ୍ନାକୁ ଆସିଛି । ଅଧିକାରୀ କହିଛନ୍ତି ଯେ ଜୁଲାଇ ୪ ରେ ଚିକାଗୋରେ ସ୍ୱାଧୀନତା ଦିବସ ପରେଡରେ (Independence Day parade) ଦୁଇ ବର୍ଷୀୟ ଏଡନର ପିତାମାତା ମଧ୍ୟ ଗୁଳି ବିନିମୟରେ ପ୍ରାଣ ହରାଇଥିଲେ ।
ଏହି ଘଟଣା ପରେ ପୋଲିସକୁ ରାସ୍ତାରେ ଏକୁଟିଆ ବୁଲୁଥିବା ଏଡନକୁ ଦେଖିବାକୁ ପାଇଥିଲା । ପରେଡ ସମୟରେ ଆକ୍ରମଣକାରୀଙ୍କ ଦ୍ୱାରା ଗୁଳି ଚଳାଇ ହତ୍ୟା କରାଯାଇଥିବା ଲୋକଙ୍କ ମଧ୍ୟରେ ଏଡନଙ୍କ ପିତାମାତା ଇରିନା ମୌକାର୍ଥୀ ଓ କେଭିନ ମୌକାର୍ଥୀ ମଧ୍ୟ ଅଛନ୍ତି ବୋଲି ପୋଲିସ କହିଛି ।
ଅଧିକାରୀ କହିଛନ୍ତି ଯେ ଗୁଳି ବିନିମୟ ପରେ ଏଡନ ତାଙ୍କ ପିତାମାତାଙ୍କଠାରୁ ଅଲଗା ହୋଇଥିଲେ । ଯାହାକୁ ପ୍ୟାରେଡରେ ଅଂଶଗ୍ରହଣ କରିବାକୁ ଆସିଥିବା କିଛି ଲୋକ ଏକ ସୁରକ୍ଷିତ ସ୍ଥାନକୁ ନେଇଥିଲେ । ଏହି ଘଟଣା ପରେ ପୋଲିସ ଏଡନକୁ ତାଙ୍କ ବୃଦ୍ଧ ଜେଜେବାପାଙ୍କୁ ଦେଇଥିଲା । ଏଡନ ତାଙ୍କ ପରିବାର ସଦସ୍ୟଙ୍କୁ ଭେଟିବା ପୂର୍ବରୁ ଘଟଣାସ୍ଥଳରେ ସେ ରାସ୍ତାରେ ଏକୁଟିଆ ବୁଲୁଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ଚିକାଗୋ ପ୍ୟାରେଡରେ ହୋଇଥିବା ଗୁଳି ବିନିମୟରେ ଆହତ ଜଣେ ରୋଗୀ ହସ୍ପିଟାଲରେ ମୃତ୍ୟୁବରଣ କରିବା ପରେ ଏହି ଘଟଣାରେ ମୃତ୍ୟୁ ସଂଖ୍ୟା ବର୍ତ୍ତମାନ ୭ ରେ ପହଞ୍ଚିଛି ବୋଲି ପୋଲିସ କହିଛି । କହିରଖୁଛୁ ଯେ ଏହି ଗୁଳି ମାଡ଼ରେ ୫୬ ଜଣ ଆହତ ହୋଇଛନ୍ତି । ଏଥି ସହିତ, ଗୁଳି ମାଡ଼ର କିଛି ଘଣ୍ଟା ପରେ ପୋଲିସ ଏହି ଘଟଣାରେ ସମ୍ପୃକ୍ତ ଅଭିଯୁକ୍ତ ୨୧ ବର୍ଷୀୟ ରବର୍ଟ କ୍ରେମୋଙ୍କୁ ଗିରଫ କରିଥିଲା । ପୋଲିସ ଅଧିକାରୀଙ୍କ କହିବାନୁସାରେ, ଗିରଫ ହୋଇଥିବା ରବର୍ଟଙ୍କ ବିରୋଧରେ ଫାର୍ଷ୍ଟ ଡିଗ୍ରୀ ହତ୍ୟା ଅଭିଯୋଗର ସାତଟି ଅଭିଯୋଗ ହୋଇଛି ।
ଏହା ବି ପଢ଼ନ୍ତୁ: ରାଷ୍ଟ୍ରପତି ନିର୍ବାଚନରେ କାହାକୁ ସମର୍ଥନ କରିବ ଶିବସେନା, ଉଦ୍ଧବଙ୍କୁ ଚିଠି ଲେଖିଲେ ଦଳର ସାଂସଦ
ଏହା ବି ପଢ଼ନ୍ତୁ: ରାସନ ବାଣ୍ଟିବାରେ ଟପରେ ଓଡ଼ିଶା, ଜାଣନ୍ତୁ ୟୁପି ଓ ଗୁଜୁରାଟ ପରି ବିଜେପି ଶାସିତ ରାଜ୍ୟର ସ୍ଥିତି; ଦେଖନ୍ତୁ ପୁରା ତାଲିକା