Internet Saving Tips:
ଆଜିକାଲି ଅଧାରୁ ଅଧିକ କାମ ଅନଲାଇନରେ ହେଉଛି । ତେଣିକି ତାହା ଅଧ୍ୟୟନ ହେଉ କିମ୍ବା ଅନଲାଇନ୍ ପରୀକ୍ଷା କିମ୍ବା କାଗଜପତ୍ର, ଅନଲାଇନ୍ ପେମେଣ୍ଟ ଠାରୁ ଆରମ୍ଭ କରି ସପିଂ ପର୍ଯ୍ୟନ୍ତ ସବୁକିଛି ପାଇଁ ଆମେ ଏବେ ଇଣ୍ଟରନେଟ୍ ଉପରେ ନିର୍ଭରଶୀଳ । ଏଭଳି ପରିସ୍ଥିତିରେ ସ୍ମାର୍ଟଫୋନରେ ଡାଟା ସରିଯିବା ବଡ ସମସ୍ୟା ସୃଷ୍ଟି କରିଥାଏ । ଅନେକ ଥର ଆପଣଙ୍କ ଫୋନରେ ଥିବା ଡାଟା ଶୀଘ୍ର ସରିବାକୁ ଲାଗେ । ଏହି କାରଣରୁ ଆପଣ କାମ କରିବା ସମୟରେ ଅସୁବିଧାର ସମ୍ମୁଖୀନ ହେବାକୁ ପଡ଼େ । କାରଣ ଡାଟା ନଥିଲେ ଆପଣ ନିଜ ଆବଶ୍ୟକ କାମ କରି ପାରିବେ ନାହିଁ । ଆଜି ଆମେ ଆପଣଙ୍କୁ କହିବୁ ଆପଣଙ୍କ ଇଣ୍ଟରନେଟ୍ ପ୍ୟାକ୍ ଏତେ ଶୀଘ୍ର କାହିଁକି ଶେଷ ହୁଏ ଏବଂ ଆପଣ କେମିତି ଏହି ସମସ୍ୟାର ସମାଧାନ କରିପାରିବେ?
ଇଣ୍ଟରନେଟ୍ କାହିଁକି ଶୀଘ୍ର ସରିଯାଏ ?
• ବାସ୍ତବରେ ଇଣ୍ଟରନେଟ୍ ଶୀଘ୍ର ସମାପ୍ତ ହେବା ପଛରେ ଅନେକ କାରଣ ଥାଇପାରେ । କିନ୍ତୁ ଯଦି ଆପଣ ସେହି କାରଣଗୁଡିକ ମଧ୍ୟରୁ କିଛିକୁ ସଜାଡ଼ି କରନ୍ତି, ତେବେ ଆପଣ ଏହି ସମସ୍ୟାରୁ ମୁକ୍ତି ପାଇପାରିବେ ।
• ଇଣ୍ଟରନେଟ୍ ଶୀଘ୍ର ସରିବାର ସବୁଠାରୁ ବଡ କାରଣ ହେଉଛି ଫୋନରେ ଥିବା ଆପ୍ କିମ୍ବା ସଫ୍ଟୱେୟାରରେ ଅଟୋ-ଅପଡେଟ୍ ହେବା ।
• ଅନେକ ଆପ୍ ଫୋନ୍ ପୃଷ୍ଠଭୂମିରେ କ୍ରମାଗତ ଭାବରେ ସକ୍ରିୟ ରହିଥାନ୍ତି, ଯେଉଁଥିରେ ନାଭିଗେସନ୍ ଆପ୍, ସପିଂ ଆପ୍, ଗେମିଂ ଆପ୍ କିମ୍ବା ପୃଷ୍ଠଭୂମିରେ ଚାଲୁଥିବା ଅନ୍ୟ କୌଣସି ପ୍ରକାରର ଆପ୍ ଅନ୍ତର୍ଭୁକ୍ତ ଥାନ୍ତି ।
• ଏଥିରେ କୌଣସି ଆବଶ୍ୟକତା ନଥାଇ ମଧ୍ୟ ଫୋନର ଇଣ୍ଟରନେଟ୍ ଚାଲିବା କିମ୍ବା ଫଟୋ ଏବଂ ଭିଡିଓ ପାଇଁ ଲଗାତର ଫୋନର କ୍ୟାମେରା ବ୍ୟବହାର କରିବା ବି କାରଣ ହୋଇପାରେ ।
ଡାଟା ସେଭ୍ ସେଟିଂ କରନ୍ତୁ
• ଯଦି ଆପଣ ନିଜ ଫୋନରେ ଡାଟା ସେଭ୍ କରିବାକୁ ଚାହାଁନ୍ତି, ତେବେ ଆପଣଙ୍କ ଫୋନର ସେଟିଙ୍ଗକୁ ଯାଆନ୍ତୁ ଏବଂ ଡାଟା ସେଭର୍ ମୋଡ୍ ସକ୍ଷମ କରନ୍ତୁ
• ଏଥିପାଇଁ ଆପଣଙ୍କୁ ଅଧିକ କିଛି କରିବାକୁ ପଡିବ ନାହିଁ, କେବଳ ଫୋନର ସେଟିଙ୍ଗକୁ ଯାଆନ୍ତୁ । ଡାଟା ବ୍ୟବହାର ଉପରେ କ୍ଲିକ୍ କରିବା ପରେ କେନକ୍ସନ ଉପରେ କ୍ଲିକ୍ କରନ୍ତୁ, ତା’ପରେ ଡାଟା ସେଭର୍ ଅପ୍ସନ୍ ଉପରେ କ୍ଲିକ୍ କରନ୍ତୁ
• ଏହି ପ୍ରକ୍ରିୟା ପରେ ଆପଣ କେଉଁ ଆପ୍ ବ୍ୟାକଗ୍ରାଉଣ୍ଡରେ ଡାଟା ବ୍ୟବହାର କରିପାରିବେ ଏବଂ କେଉଁଟି କରିପାରିବେ ନାହିଁ ତାହା ବାଛନ୍ତୁ ।
ଡାଟା ସୀମା ସେଟ୍ କରନ୍ତୁ
• ଡାଟା ସୀମା ସେଟ୍ କରିବାକୁ, ଫୋନ୍ ସେଟିଂକୁ ଯାଆନ୍ତୁ ଏବଂ କନେକ୍ସନ ଉପରେ କ୍ଲିକ୍ କରନ୍ତୁ
• ଏହା ପରେ ଡାଟା ୟୁଜେସ୍ (ବ୍ୟବହାର) ବିକଳ୍ପ ଉପରେ କ୍ଲିକ୍ କରନ୍ତୁ
• ଏହା ପରେ ସେଟ୍ ଡାଟା ୱାର୍ଣ୍ଣିଂକୁ ସକ୍ଷମ କରନ୍ତୁ
• ଏହା କରିବା ପରେ ଆପଣ ନିଜର ଦୈନିକ ଇଣ୍ଟରନେଟ୍ ବ୍ୟବହାର ସୀମା ସେଟ୍ କରନ୍ତୁ ।
• ଆପଣଙ୍କ ସେଟ୍ ଡାଟା ବ୍ୟବହାର ସୀମା ପହଞ୍ଚିବା ମାତ୍ରେ ଇଣ୍ଟରନେଟ୍ ଆପଣଙ୍କ ଫୋନରେ କାମ ବନ୍ଦ କରିଦେବ । ଧ୍ୟାନ ଦିଅନ୍ତୁ ଯେ ଆପଣ ଯେତେବେଳେ ଚାହିଁବେ ଏହି ସେଟିଂକୁ ପରିବର୍ତ୍ତନ କରିପାରିବେ ଏବଂ ଆପଣଙ୍କ ଆବଶ୍ୟକତା ଅନୁଯାୟୀ ଏହାକୁ ଆଡଜଷ୍ଟ କରିପାରିବେ ।
ଫୋନରେ ଅଟୋ ଅପଡେଟ୍ ଅପ୍ସନ୍ ବନ୍ଦ ରଖନ୍ତୁ ।