Chankyaniti: ମଣିଷର ଏହି ଦୁଇଟି ଜିନିଷ ଉପରେ ଭରସା କରିପାରିବେନି ଆପଣ

ନୂଆଦିଲ୍ଲୀ: ଆଚାର୍ଯ୍ୟ ଚାଣକ୍ୟ (Acharya Chanakya) ଜଣେ ଶ୍ରେଷ୍ଠ ବିଦ୍ୱାନ ଭାବରେ ପରିଗଣିତ ହୁଅନ୍ତି। ଧର୍ମ, ରାଜନୀତି (Politics), ଅର୍ଥନୀତି (Economic), ସମାଜବିଜ୍ଞାନ (Social Science), ରାଜନୈତିକ ବିଜ୍ଞାନ (Political Science) ଇତ୍ୟାଦି ସମସ୍ତ ବିଷୟ ଉପରେ ଆଚାର୍ଯ୍ୟ ଚାଣକ୍ୟଙ୍କର (Acharya Chanakya) ଗଭୀର ଜ୍ଞାନ ଥିଲା। ଅନେକ ଶାସ୍ତ୍ର ମଧ୍ୟ ଚାଣକ୍ୟଙ୍କ ଦ୍ୱାରା ରଚନା କରାଯାଇଥିଲା ଯାହାକି ମଣିଷ ପାଇଁ ଉପଯୋଗୀ। ସେ ତାଙ୍କ ନୀତିରେ ମଣିଷର ଉପକାର ପାଇଁ ବହୁତ କିଛି ଲେଖିଛନ୍ତି। ତାଙ୍କ ଦ୍ୱାରା କୁହାଯାଇଥିବା ପ୍ରତ୍ୟେକ ନୀତି ମନୁଷ୍ୟକୁ ଜୀବନର ଲକ୍ଷ୍ୟ ହାସଲ କରିବାକୁ ପ୍ରେରଣା ଯୋଗାଏ। ଯଦି ଏହି ଜିନିଷଗୁଡ଼ିକର ଯତ୍ନ ନିଆଯାଏ, ତେବେ ଜଣେ ବ୍ୟକ୍ତି ଅନେକ ପ୍ରକାରର ଅସୁବିଧାରୁ ରକ୍ଷା ପାଇପାରିବେ। ଆଚାର୍ଯ୍ୟ ଚାଣକ୍ୟ ତାଙ୍କର ଗୋଟିଏ ନୀତିରେ କହିଛନ୍ତି ଯେ ମଣିଷର ଏହି ଦୁଇଟି ଜିନିଷ ଉପରେ ବିଶ୍ୱାସ କରାଯାଇପାରିବ ନାହିଁ।

ଆଚାର୍ଯ୍ୟ ଚାଣକ୍ୟ କହିଛନ୍ତି ଯେ ଦୁନିଆ ଯେତେଶୀଘ୍ର ବଦଳି ନଥାଏ, ମଣିଷର ପ୍ରକୃତି ତାହା ଠାରୁ ଢେର ଶୀଘ୍ର ବଦଳିଥାଏ।  ଦୁନିଆର ଦ୍ରୁତତମ ପରିବର୍ତ୍ତନ ପ୍ରାଣୀ ହେଉଛି ଜଣେ ମଣିଷ। ଜଣେ ବ୍ୟକ୍ତିର ଉଦ୍ଦେଶ୍ୟ ଏବଂ ଦୃଷ୍ଟି କେବେ ବଦଳିବ ତାହା କହିବା କଷ୍ଟକର। ସମସ୍ତଙ୍କ ଜୀବନରେ ଭିନ୍ନ ଭିନ୍ନ ଲୋକ ଅଛନ୍ତି। କିଛି ଲୋକଙ୍କ ଉପରେ ତୁମେ ସମ୍ପୂର୍ଣ୍ଣ ରୂପେ ବିଶ୍ୱାସ କରିପାରିବ, ଯେତେବେଳେ କି ଅନ୍ୟମାନେ ଅଛନ୍ତି ଯେଉଁମାନେ ବିଶ୍ୱାସ କରିବା କଷ୍ଟକର। ସେହିପରି ଆର୍ଥିକ ପ୍ରସଂଗରେ ମଣିଷର ପ୍ରକୃତି ଦ୍ରୁତ ବେଗରେ ପରିବର୍ତ୍ତନ ହୋଇଥାଏ। ସବୁ ମଣିଷ ସବୁବେଳେ ଚାହିଁଥାଏ କି ସେ ବହୁତ ଗୁଡ଼ିଏ ଟଙ୍କାର ମାଲିକ ହେଉ। 

ସେହିଭଳି ସେ ଅପାର ସମ୍ପତ୍ତିର ମାଲିକ ହେବାକୁ ମଣିଷ ସବୁବେଳେ ଇଚ୍ଛା ପ୍ରକାଶ କରେ। ବାସ୍ତବ ଜୀବନରେ, ଆପଣ ନିଶ୍ଚିତ ଭାବରେ ଅନେକ ଥର ଦେଖିଥିବେ ଯେ ଲୋକମାନେ ଏହା ପାଇବା ମାତ୍ରେ ଅନ୍ୟମାନଙ୍କ ସମ୍ପତ୍ତିକୁ ପଛରେ ପକାଇବାକୁ ପ୍ରୟାସ କରନ୍ତି। ସେମାନେ ଧ୍ୟାନ ଦିଅନ୍ତି ନାହିଁ ଯେ ସେହି ଟଙ୍କା କାହାର କଷ୍ଟ ଉପାର୍ଜିତ ଟଙ୍କା ହେବ। ଏହା ସେତେବେଳେ ହୋଇଥାଏ ଯେତେବେଳେ କେହି ଆପଣଙ୍କ ଉପରେ ବିଶ୍ୱାସ କରିଥାଏ। ଯଦିଓ ଘରେ ଅସଲ ଜୀବନରେ ପଇସା ଲୋଭ ଖରାପ ବୋଲି କୁହାଯାଇଥାଏ।

ଏବେ ମଣିଷର ଦୃଷ୍ଟି ଭଙ୍ଗୀ ଉପରେ ଆଲୋଚନା କରିବା। କାହା ଦୃଷ୍ଟିରେ ଆପଣ ଅତ୍ୟନ୍ତ ଭଲ ହୋଇଯିବେ ତାହା କହିବା ମୁସ୍କିଲ। ହୋଇପାରେ ଆପଣଙ୍କ ସମ୍ମୁଖରେ ଯେଉଁ ବ୍ୟକ୍ତି ରହିଛନ୍ତି ତାଙ୍କ ସହିତ ଆପଣଙ୍କ ବନ୍ଧୁତା ହୋଇଯାଇପାରେ, କିନ୍ତୁ ସେହି ବ୍ୟକ୍ତିଙ୍କର ଯଦି କିଛି କଥା ଆପଣଙ୍କୁ ଯଦି ଖରାପ ଲାଗେ ତେବେ ଉକ୍ତ ବ୍ୟକ୍ତିଙ୍କ ସହିତ ଆପଣ ଦୀର୍ଘ ଦିନ ଧରି କଥା ହେବାକୁ ପସନ୍ଦ କରିନଥାନ୍ତି। ଏପରିକି ଆପଣଙ୍କ ନଜରରେ ଉକ୍ତ ବ୍ୟକ୍ତିଙ୍କ ଚରିତ୍ର ନକରାତ୍ମକ ହୋଇଥାଏ। ଏଥିପାଇଁ ଚାଣକ୍ୟ କୁହନ୍ତି ଦୁନିଆର କୌଣସି ଜିନିଷ ଏତେଶୀଘ୍ର ବଦଳିନଥାଏ ଯାହା ମଣିଷର ପ୍ରକୃତି ଓ ଦୃଷ୍ଟିଭଙ୍ଗି ବଦଳିଥାଏ।

ଅଧିକ ପଢନ୍ତୁ: CWG 2022: ଇତିହାସ ରଚିଲେ ଭାରତୀୟ ମହିଳା ଦଳ

ଅଧିକ ପଢନ୍ତୁ: Vice President Election: ଶେଷହେଲା ଭୋଟ୍ ଗଣତି; ଏତିକି ଭୋଟରେ ଜିତିଲେ ଜଗଦୀପ ଧନଖର