କଞ୍ଚା ଫଳଗୁଡିକରେ ପାଚିଲା ଫଳ ଅପେକ୍ଷା ଅଧିକ ଡାଇଟରୀ ଫାଇବର ଧାରଣ କରିଥାଏ । ତେଣୁ ଯଦି ଆପଣ ଓଜନ ହ୍ରାସ ପାଇଁ ଯୋଜନା କରୁଛନ୍ତି କିମ୍ବା ହଜମ ସମସ୍ୟା ଭୋଗୁଛନ୍ତି, ତେବେ ଏହି କଞ୍ଚା ଫଳଗୁଡ଼ିକ ଆପଣଙ୍କ ପାଇଁ ଲାଭଦାୟକ ।
ଆମ୍ବ, ଅମୃତଭଣ୍ଡା, ସେଓ, କଦଳୀ ଓ ଆମ୍ବଡ଼ା। ଏହି ୫ଟି ବିଶେଷ ଫଳ ଆପଣଙ୍କର ବି ପ୍ରିୟ ହୋଇଥିବ ନିଶ୍ଚୟ । ଏହି ଫଳ ଗୁଡ଼ିକ କେବଳ ଆପଣଙ୍କ ଶରୀରକୁ ପୁଷ୍ଟିକର ଖାଦ୍ୟ ଯୋଗାନ୍ତି ନାହିଁ, ବରଂ ଆପଣଙ୍କ ଚର୍ମ ଏବଂ ମାନସିକ ସ୍ୱାସ୍ଥ୍ୟକୁ ମଧ୍ୟ ସୁସ୍ଥ ରଖନ୍ତି । କିନ୍ତୁ ଆପଣ ଜାଣନ୍ତି କି ଯେତେବେଳେ ଆପଣ ଏହି ଫଳଗୁଡ଼ିକୁ କଞ୍ଚା ରୂପରେ ଖାଆନ୍ତି , ସେତେବେଳେ ଏହା ଆପଣଙ୍କ ସ୍ୱାସ୍ଥ୍ୟ ପାଇଁ ଦ୍ୱିଗୁଣ ଲାଭଦାୟକ ହୋଇଥାଏ । ଏହି ୫ଟି ସବୁଜ ଫଳ (benefits of 5 Green or Unripe fruits) ବା ଅପରିପକ୍ୱ ଫଳ ଆପଣଙ୍କ ସ୍ୱାସ୍ଥ୍ୟ ପାଇଁ ବେଶ୍ ଲାଭଦାୟକ ।
କାହିଁକି ଏହି କଞ୍ଚା ଫଳ ଅଧିକ ଲାଭଦାୟକ?
କଞ୍ଚା ଫଳଗୁଡ଼ିକରେ ସାଧାରଣତଃ ଅଧିକ କପ୍ଲେକ୍ସକାର୍ବୋହାଇଡ୍ରେଟ୍ ଥାଏ । ଯାହା ଡାଇଟରୀ ଫାଇବର ପରି କାର୍ଯ୍ୟ କରିଥାଏ । ଫଳ ପାଚିଯିବା ପରେ ଏଥିରେ ସୁଗାର ଅଂଶ ବୃଦ୍ଧି ପାଇଥାଏ । ଅପରିପକ୍ୱ କଦଳୀରେ ଉଚ୍ଚ ସ୍ତରର ପ୍ରତିରୋଧକ ଷ୍ଟାର୍ଚ ରହିଥାଏ କିନ୍ତୁ ପାଚିଲା କଦଳୀରୁ ଆମେ ଏହା ପାଇପାରିନଥାନ୍ତି ।
କଞ୍ଚା ଆମ୍ବ (Green Or Unripe Mango)
କଞ୍ଚା ଆମ୍ବର ନାମ ନିଆଯିବା ମାତ୍ରେ ପାଟିରୁ ଲାଳ ଆସିଯାଏ । ଯଦି ଆମେ ପାଚିଲା ଆମ୍ବ ସହିତ କଞ୍ଚା ଆମ୍ବର ତୁଳନା କରନ୍ତି ତେବେ କଞ୍ଚା ଆମ୍ବରୁ ଅଧିକ ଡାଇଟରୀ ଫାଇବର ପାଇଥାନ୍ତି । ଏଥିରେ ଭିଟାମିନ୍ ସି, ପୋଟାସିୟମ୍ ଏବଂ ଭିଟାମିନ୍ B6 ମଧ୍ୟ ଅଧିକ ଥାଏ । ମଧୁମେହ ରୋଗୀଙ୍କ ପାଇଁ କଞ୍ଚା ଫଳ ପାଚିଲା ଫଳ ଅପେକ୍ଷା ଅଧିକ ଲାଭଦାୟକ ଅଟେ । କଞ୍ଚା ଆମ୍ବରେ (Unripe mango) ଫାଇବର, ମ୍ୟାଗ୍ନେସିୟମରେ ଭରପୂର ଅଟେ । ଖରାଦିନେ ସାଧରଣତଃ ଲୋକେ ଲୁଣ ସହିତ କଞ୍ଚା ଆମ୍ବ ଖାଇବାକୁ ପସନ୍ଦ କରନ୍ତି । କିନ୍ତୁ ଏହା ଦ୍ୱାରା ପେଟ ଜନିତ ସମସ୍ୟା ଦୂର ହେବା ସହ ଡାଇରିଆ, କୋଷ୍ଠକାଠିନ୍ୟ ସମସ୍ୟା ବି ଦୂର ହୋଇଥାଏ । ଏଥିରେ ଥିବା ଏସିଡ୍ ପିତ୍ତ କ୍ଷରଣକୁ ବୃଦ୍ଧି କରିଥାଏ ଏବଂ ଆଣ୍ଟିସେପ୍ଟିକ୍ ପରି କାର୍ଯ୍ୟ କରିଥାଏ । ଏହା ରକ୍ତକୁ ଶୁଦ୍ଧ କରିବାରେ ମଧ୍ୟ ସାହାଯ୍ୟ କରିଥାଏ ।
କଞ୍ଚା ଅମୃତଭଣ୍ଡା (Green Or Unripe Papaya)
କଞ୍ଚା ଅମୃତଭଣ୍ଡାରେ ଭିଟାମିନ ସି, ବି ଓ ଇ ପରି ମହତ୍ୱପୂର୍ଣ୍ଣ ପୋଷକ ସହିତ ପୋଟାସିୟମ, ଫାଇବର, ମ୍ୟାଗ୍ନିସିୟମ ରହିଥାଏ । ଏଥିରେ କମ୍ ପରିମାଣର କ୍ୟାଲୋରୀ ହେତୁ ଏହା ଓଜନ ହ୍ରାସ କରିବାରେ ମଧ୍ୟ ସହାୟକ ହୋଇପାରେ । କଞ୍ଚା ଅମୃତଭଣ୍ଡା ଖାଇବା ଦ୍ୱାରା ସୋରିୟାସିସ୍, ବ୍ରଣ, ଚର୍ମର ପିଗମେଣ୍ଟେସନ୍ ସମସ୍ୟା ଦୂର ହୋଇଥାଏ । କଞ୍ଚା ଅମୃତଭଣ୍ଡା ଖାଇଲେ ଶରୀରରୁ ବିଷାକ୍ତ ପଦାର୍ଥ କିମ୍ବା ଫ୍ରି ରେଡିକଲ୍ସ ପାର୍ଟକଲ୍ସ ମୁକ୍ତ ହୋଇଥାଏ । ଏହାର ଆଣ୍ଟି-ଇନ୍ଫ୍ଲାମେଟୋରୀ ଗୁଣ ଆଜମା, ଅଷ୍ଟିଓଆର୍ଥ୍ରାଇଟିସ୍, ଗୁଟ୍ ଏବଂ ରିମାଟଏଡ୍ ଆର୍ଥ୍ରାଇଟିସ୍ ରୋଗୀଙ୍କୁ ଉପକୃତ କରିଥାଏ। ଏଥିରେ ଭିଟାମିନ୍ ଏ ମଧ୍ୟ ଥାଏ, ଯାହା ଆଖି ପାଇଁ ବେଶ ଲାଭଦାୟକ ।
କଞ୍ଚା କଦଳୀ (Unripe or Green Bananas)
କଞ୍ଚା କଦଳୀରେ ଭରପୂର ପୋଟାସିୟମ୍ ରହିଥାଏ । ଏହାସହିତ ଏଥିରେ ଭିଟାମିନ୍ ବି, ଭିଟାମିନ୍ B6 ମଧ୍ୟ ଥାଏ । ଯାହା ରକ୍ତକୁ ଶୁଦ୍ଧ କରିବା ସହ ସ୍ନାୟୁ ଏବଂ ମାଂସପେଶୀର ଦୃଢ଼ତା ବୃଦ୍ଧି କରିଥାଏ । ଏହା ରକ୍ତବାହୀ ଏବଂ ଧମନୀରେ ଥିବା ସମସ୍ୟା ଦୂର କରିଥାଏ । ସବୁଜ କଦଳୀରେ ଥିବା ଭିଟାମିନ୍ ସି ଏବଂ ପ୍ରାକୃତିକ ତେଲ କେଶ ଝଡ଼ବା ସମସ୍ୟା ଦୂର କରିଥାଏ। କଞ୍ଚା କଦଳୀରେ ସୁଗାର ପରିମାଣ ବହୁତ କମ୍ ରହିଥାଏ । ଏହାର ଗ୍ଲାଇସେମିକ୍ ଇଣ୍ଡେକ୍ସ ୩୦ରୁ ୫୦ ମଧ୍ୟରେ ରହିବା କାରଣରୁ ଖାଦ୍ୟ ମେଟାବୋଲିଜିମ୍ ହ୍ରାସ କରିଥାଏ । ଏହି କାରଣରୁ, ଏହା ରକ୍ତରେ ସର୍କରା ସ୍ତର ବୃଦ୍ଧି କରିନଥାଏ । ତେଣୁ ମଧୁମେହ ରୋଗୀଙ୍କ ପାଇଁ ଏହା ଖୁବ ଭଲ ଖାଦ୍ୟ ଅଟେ । ଡାଇଟରୀ ଫାଇବର ଯୁକ୍ତ ହୋଇଥିବାକୁ ଏହା ଖୁବ ସହଜରେ ହଜମ ହୋଇଥାଏ । ତେଣୁ ଓଜନ ହ୍ରାସ କରିବାରେ ମଧ୍ୟ ସହାୟକ ହୋଇଥାଏ ।
କଞ୍ଚା ସେଓ (Green or Unripe Apples)
କଥାରେ କୁହାଯାଏ ଦିନରେ ଗୋଟିଏ ଆପଲ୍ ଖାଇବା ଦ୍ୱାରା ଡାକ୍ତରଙ୍କ ପାଖରକୁ ଯିବାକୁ ପଡ଼ିନଥାଏ । କଞ୍ଚା ସେଓରେ ଭିଟାମିନ୍ ଏ, ଭିଟାମିନ୍ ସି, କ୍ୟାଲସିୟମ୍, ଆଇରନ୍ ଭରପୂର ରହିଥାଏ । କଞ୍ଚା ଆପଲ୍ LDL କୋଲେଷ୍ଟ୍ରୋଲ୍ ସ୍ତରକୁ ହ୍ରାସ କରିଥାଏ । କାଲିଫର୍ନିଆ ବିଶ୍ୱବିଦ୍ୟାଳୟର ଏକ ଅଧ୍ୟୟନ ଅନୁଯାୟୀ, ପ୍ରତି ସପ୍ତାହରେ ଅତି କମରେ ଗୋଟିଏ କିମ୍ବା ଦୁଇଟି କଞ୍ଚା ଆପଲ୍ ଖାଇବା ଦ୍ୱାରା ଟାଇପ୍-୨ ମଧୁମେହ ହେବାର ଆଶଙ୍କା କମିଯାଏ। ସବୁଜ ଆପଲ ଫାଇବରର ଉତ୍ସ, ଯାହା ପଜିଟିଭ ବ୍ୟାକ୍ଟେରିଆ ବୃଦ୍ଧିକୁ ପ୍ରୋତ୍ସାହିତ କରିଥାଏ । ଏହା ଶରୀରରେ ଏକ ପ୍ରିବିୟୋଟିକ୍ ଭାବରେ କାର୍ଯ୍ୟ କରିଥାଏ । ସବୁଜ ଆପଲରେ ମିଳୁଥିବା ପେକ୍ଟିନ୍ ଖାଦ୍ୟକୁ ଭଲଭାବେ ହଜମ କରିଥାଏ ।
କଞ୍ଚା ଆମ୍ବଡ଼ା (Green or Unripe Plum)
କଞ୍ଚା ଆମ୍ବଡ଼ାରେ ଥିବା ଭିଟାମିନ୍ ସି ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ। ମାଂସପେଶୀ ନିର୍ମାଣ ସହିତ ରକ୍ତବାହୀ ତିଆରି କରିବାରେ ସାହାଯ୍ୟ କରିଥାଏ । ଏହା ଆଖି ପାଇଁ ମଧ୍ୟ ବହୁତ ଭଲ । ଆଣ୍ଟିଅକ୍ସିଡାଣ୍ଟ ସମୃଦ୍ଧ ଆମ୍ବଡ଼ା ଶରୀରକୁ କୋଷ ଏବଂ ଟିସୁ ନଷ୍ଟରୁ ରକ୍ଷା କରିଥାଏ । ଏହା ମଧୁମେହ, ଆଲଜାଇମର, ପାର୍କିନ୍ସନ୍ ରୋଗ ଏବଂ କର୍କଟ ରୋଗର ଆଶଙ୍କା ହ୍ରାସ କରିବାରେ ସାହାଯ୍ୟ କରିଥାଏ। ଆମ୍ବଡ଼ାରେ ଫାଇବର ମାତ୍ରା ଅଧିକ ରହିଥିବାରୁ ଖାଇବା ପରେ ରକ୍ତରେ ଶର୍କରା ସ୍ତର ହ୍ରାସ କରିବାରେ ସାହାଯ୍ୟ କରିଥାଏ। ଏଥିରେ ଥିବା ଫାଇଟୋକେମିକାଲ୍ସ ଏବଂ ପୋଷକ ତତ୍ତ୍ୱ ପ୍ରବାହକୁ ହ୍ରାସ କରିଥାଏ ଯାହା ହୃଦଘାତର କାରଣ ହୋଇଥାଏ।