Solar Eclipse 2022: ୨୦୨୨ ବର୍ଷର ଦ୍ୱିତୀୟ ସୂର୍ଯ୍ୟ ପରାଗ ୨୫ ଅକ୍ଟୋବର ମଙ୍ଗଳବାର ଦିନ ହେଉଛି। ଏହି ସୂର୍ଯ୍ୟ ପରାଗ ମଙ୍ଗଳବାର ସନ୍ଧ୍ୟା ୪.୪୯ ମିନିଟରୁ ୬.୬ ମିନିଟ ପର୍ଯ୍ୟନ୍ତ ଲାଗିବ। ଏହି ସୂର୍ଯ୍ୟ ପରାଗ ଏସିଆ (Asia), ୟୁରୋପର ଦକ୍ଷିଣ-ପଶ୍ଚିମ ଭାଗରେ (Southern / Eastern Europe), ଆଟଲାଣ୍ଟିକ୍ ଏବଂ ଆଫ୍ରିକା ମହାଦେଶର ଉତ୍ତର-ପୂର୍ବ ଭାଗରେ ଦୃଶ୍ୟମାନ ହେବ। ଭାରତର କିଛି ଅଞ୍ଚଳରେ ମଧ୍ୟ ସୂର୍ଯ୍ୟ ପରାଗ ଦେଖାଯାଇପାରେ, ତେଣୁ ଏହାର ସୂତକ ସମୟର ପ୍ରଭାବ ବୈଧ ହେବ।
ଦୀପାବଳିର ଠିକ ପରଦିନ ଅର୍ଥାତ ମଙ୍ଗଳବାର ସୂର୍ଯ୍ୟପରାଗ (Solar Eclipse) ପଡ଼ିଛି। ଏହି ସଂଯୋଗ ୨୭ ବର୍ଷ ପରେ ପଡ଼ୁଥିବା ଜଣାପଡିଛି। ଏଥର ଦୀପାବଳିରେ ହସ୍ତ-ଚିତ୍ରା ନକ୍ଷତ୍ରାରେ ବୈଧୃତି ଯୋଗର ସୁଖଦଃ ସଂଯୋଗ ସୃଷ୍ଟି ହୋଇଛି। ଦୀପାବଳିର ପରଦିନ ସୂର୍ଯ୍ୟପରାଗ ପଡ଼ିବା ଏକ ବଡ଼ ସଂଯୋଗ। ଏହା ପୂର୍ବରୁ ଏଭଳି ଏକ ସଂଯୋଗ ୧୯୯୫ ମସିହାରେ ପଡ଼ିଥିଲା। ପରାଗ ଲାଗିବା ସମୟକୁ ଅଶୁଭ ବୋଲି ଗଣାଯାଇଥାଏ।
Also Read: Solar Eclipse 2022 Sutak Kaal: ସୂର୍ଯ୍ୟ ପରାଗରେ ଭୁଲରେ ବି କରନ୍ତୁ ନାହିଁ ଏହି କାମ, ଜାଣନ୍ତୁ କ'ଣ ହୋଇଥାଏ ସୂତକ
ଏଥର ସୂର୍ଯ୍ୟ ପରାଗର ଅବଧି ସମୟ ଏକ ଘଣ୍ଟା ୧୭ ମିନିଟ ସମୟ ରହିଛି। ମଙ୍ଗଳବାର ସନ୍ଧ୍ୟା ୪.୪୯ ମିନିଟରୁ ୬.୬ ମିନିଟ ପର୍ଯ୍ୟନ୍ତ ଏହି ପରାଗ ଲାଗିବ। ତେବେ ଦୀପାବଳିର ପରଦିନ ଠାରୁ ହିଁ ଶନିର ପ୍ରଚଳନ ଆରମ୍ଭ ହେବ। ଶନିଦେବ ଏବେ ଚଳନ ପ୍ରକ୍ରିୟାରେ ରହିଛନ୍ତି। କେତେକ ରାଶି ଉପରେ ଏହାର କୁ ପ୍ରଭାବ ପଡ଼ିପାରେ। ଶନି ୨୩ ଅକ୍ଟୋବର ୨୦୨୨ରୁ ମକରରୁ ଚଳନ କରୁଛନ୍ତି। ଶନି ଚଳନ ହେତୁ ମକର ପାଇଁ ଅଶୁଭ ରହିପାରେ। ଏହା ସହିତ କିଛି ରାଶିରେ ଭଲ ସମୟ ଉପନୀତ ହେବାକୁ ଯାଉଛି। ଆର୍ଥିକ ସ୍ତରରେ ଅନେକ ଉନ୍ନତି ହେବ। ଧନ, ଯଶ ବଢିବା ନେଇ ସଂକେତ ରହିଛି।
କେତେବେଳେ ଲାଗିବ ସୂତକ
ଜ୍ୟୋତିଷଶାସ୍ତ୍ରୀଙ୍କ ଅନୁଯାୟୀ, ସୂର୍ଯ୍ୟ ପରାଗର ୧୨ ଘଣ୍ଟା ପୂର୍ବରୁ ସୂତକ ଆରମ୍ଭ ହୁଏ। ଅକ୍ଟୋବର ୨୫ରେ ସୂର୍ଯ୍ୟ ପରାଗ ଆଇସଲ୍ୟାଣ୍ଡରୁ ଦିନ ୨.୨୯ରେ ଆରମ୍ଭ ହେବ, ଯାହା ସନ୍ଧ୍ୟା ୬.୨୦ରେ ଆରବ ସାଗରରେ ଶେଷ ହେବ। ସୂର୍ଯ୍ୟ ପରାଗର ପ୍ରଭାବ ଭାରତରେ ଅପରାହ୍ନ ପ୍ରାୟ ୦୪.୨୯ରୁ ଆରମ୍ଭ ହେବ, ଯାହା ସନ୍ଧ୍ୟା ୬.୨୦ରେ ଶେଷ ହେବ। ଏଥି ସହିତ ସୂର୍ଯ୍ୟ ପରାଗର ସୂତକ ସକାଳ ପ୍ରାୟ ୪:୨୧ ମିନିଟରେ ଲାଗିଯିବ। ସୂତକ କାଳ ସୂର୍ଯ୍ୟାସ୍ତ ପରେ ଶେଷ ହୋଇଯିବ।
Also Read: Diwali and Solar Eclipse 2022: ରାତି ପାହିଲେ ଲାଗିବ ପରାଗ, ଏହି ସବୁ ରାଶି ପାଇଁ ଆରମ୍ଭ ଅଶୁଭ ସମୟ
ସୂର୍ଯ୍ୟ ପରାଗ ସମୟରେ କରନ୍ତୁ ନାହିଁ ଏହି କାମ
୧. ସୂର୍ଯ୍ୟ ପରାଗର ସୂତକରେ ଭୋଜନ ପ୍ରସ୍ତୁତ କରନ୍ତୁ ନାହିଁ କିମ୍ବା ପୂର୍ବରୁ ପ୍ରସ୍ତୁତ ଖାଦ୍ୟ ଖାଆନ୍ତୁ ନାହିଁ ।
୨. ସୂର୍ଯ୍ୟ ପରାଗ ପୂର୍ବରୁ ଖାଦ୍ୟ ଓ ପାନୀୟ ଜିନିଷରେ ତୁଳସୀ ପତ୍ର ରଖନ୍ତୁ ଓ ସେହି ପାତ୍ରରେ ଗାଈ ଗୋବର ଲଗାଇ ରଖନ୍ତୁ ।
୩. ଗର୍ଭବତୀ ମହିଳାମାନେ ସୂର୍ଯ୍ୟ ପରାଗ ସମୟରେ ବିଶେଷ ସତର୍କତା ଅବଲମ୍ବନ କରିବା ଉଚିତ୍ । ସୂର୍ଯ୍ୟ ପରାଗ ସମୟରେ ସେମାନେ ଶୋଇବା ଉଚିତ୍ ନୁହେଁ କିମ୍ବା କିଛି ଖାଇବା ଉଚିତ୍ ନୁହେଁ । ଗର୍ଭବତୀ ମହିଳାମାନେ ଏହି ସମୟ ମଧ୍ୟରେ ତୀକ୍ଷ୍ଣ ଜିନିଷ ବ୍ୟବହାର କରିବା ଉଚିତ୍ ନୁହେଁ ।
୪. ସୂତକ ସମୟରେ ଦେବାଦେବୀଙ୍କ ମୂର୍ତ୍ତିଗୁଡ଼ିକୁ ଘରର ମନ୍ଦିରରେ ଘୋଡାଇ ରଖନ୍ତୁ । ଏହି ସମୟରେ ଆଦୌ ପୂଜା କରନ୍ତୁ ନାହିଁ ।
୫. ସୂର୍ଯ୍ୟ ପରାଗ ସମୟରେ ଅର୍ଥାତ ୪:୨୯ ମିନିଟରୁ ସୂର୍ଯ୍ୟାସ୍ତ ପର୍ଯ୍ୟନ୍ତ ହୋଇପାରିବ ଯଦି ଶୌଚ କରନ୍ତୁ ନାହିଁ ।
୬. ସୂର୍ଯ୍ୟ ପରାଗର ସମୟ ଅତ୍ୟନ୍ତ ଅଶୁଭ ବୋଲି ମନେ କରାଯାଏ । ତେଣୁ ଏହି ସମୟ ମଧ୍ୟରେ କୌଣସି ନୂତନ କାର୍ଯ୍ୟ ଆରମ୍ଭ କରନ୍ତୁ ନାହିଁ ।
୭. ସୂର୍ଯ୍ୟ ପରାଗ ସମୟରେ ଶୋଇବା କିମ୍ବା ଯାତ୍ରା କରନ୍ତୁ ନାହିଁ ।