Ayurveda Tips: ଖାଦ୍ୟ ଖାଇବା ପରେ ତୁରନ୍ତ କରନ୍ତୁନି ଏହି ୬ଟି କାମ, ନଚେତ୍ ଭୋଗିବାକୁ ପଡ଼ିବ ଗୁରୁତର ସମସ୍ୟା

Ayurveda Tips: ଅନେକ ଥର ଖାଦ୍ୟ ଖାଇବା (Eating Food) ପରେ ଆମକୁ ବିଭିନ୍ନ ସମସ୍ୟା ମଧ୍ୟ ଦେଇ ଗତି କରିବାକୁ ପଡେ, ଯେଉଁଥିରେ ଓଜନ ବୃଦ୍ଧି (Fat), ଫେଟ ଫୁଲିବା, ହଜମ ସଠିକ୍ ନ ହେବା ଆଦି ସମସ୍ୟା ସାମିଲ ରହିଛି । ଏହାର କାରଣ ମଧ୍ୟ ଆମେ ସ୍ୱୟଂ ହୋଇଥାଉ । ଆମେ ଖାଦ୍ୟ ଖାଇବା ପରେ ଏପରି କିଛି କରିଥାଉ ଯାହା ଆମ ଶରୀର ପାଇଁ ଠିକ୍ ନୁହେଁ ଓ ଆୟୁର୍ବେଦ ମଧ୍ୟ ଏହା କରିବାକୁ ବାରଣ କରେ । ସେଥିପାଇଁ ଆମ ଶରୀରକୁ ସୁସ୍ଥ ରଖିବା ପାଇଁ ଆମେ ନିଜକୁ କିଛି ଅନାବଶ୍ୟକ କାମ କରିବା ଠାରୁ ଦୂରେଇ ରଖିବା ଜରୁରୀ ।

୧. ଖାଇବା ପରେ ଶୋଇବା 

ଯଦି ଆପଣ ଖାଇବା ପରେ ଶୋଇପଡନ୍ତି, ତେବେ ଏହା ଆପଣଙ୍କ ଶରୀରରେ କଫ ଓ ଚର୍ବି ବଢାଇଥାଏ । ଶୋଇବା ସମୟରେ ଆମ ଶରୀରର ମେଟାବୋଲିଜିମ୍ କମିଯାଏ ଓ ଏହା ସହିତ ହଜମ ପ୍ରକ୍ରିୟା ମଧ୍ୟ ମନ୍ଥର ହୋଇଯାଏ । ଏଥିରୁ ଆମ ଦ୍ୱାରା ଖିଆଯାଇଥିବା ଖାଦ୍ୟ ମଧ୍ୟ ହଜମ ହୁଏ ନୁହେଁ । ଆୟୁର୍ବେଦ ଅନୁଯାୟୀ, ଖାଦ୍ୟ ଖାଇବା ପରେ ଆପଣଙ୍କୁ ୧୦୦ ପାଦ ଚାଲିବା ଆବଶ୍ୟକ ଓ ମୋଡ଼ି ହୋଇ ଶୋଇବା ଉଚିତ୍ ।

୨. ଖାଇବା ପରେ ପାଣି ପିଇବା

ଆୟୁର୍ବେଦ ଅନୁଯାୟୀ, ଯଦି ଆପଣ ପାଣି ପିଇବାକୁ ଚାହାଁନ୍ତି, ତେବେ ଆପଣ ଏହାକୁ ଭୋଜନ ମଝିରେ ପିଇବା ଉଚିତ୍ ଏବଂ ଖାଇବା ପୂର୍ବରୁ ଓ ପରେ ମଧ୍ୟ ନୁହେଁ । ଖାଦ୍ୟ ଖାଇବା ପରେ ତୁରନ୍ତ ପାଣି ପିଇବା ଦ୍ୱାରା ହଜମ ଶକ୍ତି କମିଯାଏ ଓ ଏହା ଆପଣଙ୍କ ଶରୀର ଉପରେ କୌଣସି ଭଲ ପ୍ରଭାବ ପକାଇବ ନାହିଁ । ଏହା ଆପଣଙ୍କୁ ମୋଟା ମଧ୍ୟ କରିଥାଏ ।

୩. ଖାଇବା ପରେ ଖରାରେ ବାହାରିବା 

ଯଦି ଆପଣ ଖାଇବା ପରେ ତୁରନ୍ତ ସୂର୍ଯ୍ୟକିରଣ ସ୍ପର୍ଶରେ ଆସନ୍ତି, ତେବେ ଏହା ଆପଣଙ୍କ ମୁଖ୍ୟ ଅଙ୍ଗକୁ ରକ୍ତ ପ୍ରବାହକୁ ହ୍ରାସ କରିଥାଏ । ଆପଣଙ୍କ ପେଟ ସହିତ ମଧ୍ୟ ସମାନ ଘଟଣା ଘଟେ । ଏହି କାରଣରୁ ଆପଣଙ୍କର ମେଟାବୋଲିଜିମ୍ ମନ୍ଥର ହୋଇଯିବ ଓ ଆପଣ ଖାଉଥିବା ଜିନିଷରୁ ଆପଣଙ୍କର ଶରୀରକୁ କମ୍ ପୋଷଣ ମିଳିବ । ଏହି କାରଣରୁ ଆପଣଙ୍କ ଶରୀରର କିଛି କୋଷ ଓ ଟିସୁ ମଧ୍ୟ ନଷ୍ଟ ହେବାକୁ ଲାଗେ ।

୪. ଭୋଜନ ପରେ ଦୀର୍ଘ ସମୟ ଧରି ପହଁରିବା, ବ୍ୟାୟାମ କରିବା କିମ୍ବା ଚାଲିବା 

ଆପଣଙ୍କୁ ପ୍ରାୟତଃ ଲାଗୁଥିବ ଯେ ଯଦି ଆପଣ ଖାଦ୍ୟ ଖାଇବା ପରେ କିଛି ସମୟ ବ୍ୟାୟାମ କରନ୍ତି, ତେବେ ଆପଣଙ୍କର ଖାଦ୍ୟ ହଜମ ହେବ । କିନ୍ତୁ ବାସ୍ତବରେ ଏହା ବିପରୀତ ଅଟେ । ଖାଦ୍ୟ ଖାଇବା ପରେ ଯଦି ଆପଣ ଅଧିକ ଶାରୀରିକ କାର୍ଯ୍ୟକଳାପ କରନ୍ତି ତେବେ ଆପଣଙ୍କର ହଜମ ପ୍ରକ୍ରିୟା ମନ୍ଥର ହୋଇଯାଏ । ଯେଉଁଥିପାଇଁ ଆପଣଙ୍କର ପେଟ ଫୁଲିଯାଏ, ଆପଣଙ୍କୁ ପର୍ଯ୍ୟାପ୍ତ ପୋଷଣ ମିଳି ନଥାଏ ।

ଅଧିକ ପଢ଼ନ୍ତୁ:- ଯଦି ଟିମ୍ ଇଣ୍ଡିଆ ଏଥର ଟି-20 ବିଶ୍ୱକପ ନ ଜିତିବ ତେବେ କ'ଣ ହେବ? ଗାଭାସ୍କରଙ୍କ ଏହି ବୟାନ ଲଗାଇଲା ନିଆଁ

ଅଧିକ ପଢ଼ନ୍ତୁ:-'ଭାରତ ବିନା ପାକିସ୍ତାନ କ୍ରିକେଟ୍ ଶେଷ ହୋଇଯିବ', ଧମକ ମଧ୍ୟରେ PCB ଅଧ୍ୟକ୍ଷଙ୍କ ଭିଡିଓ ଭାଇରାଲ

ଅଧିକ ପଢ଼ନ୍ତୁ:-ଥରେ ପ୍ରିମିୟମ ଜମା କରି ପାଇପାରିବେ ୧୦ ଗୁଣା ଅଧିକ ଟଙ୍କା, ଜାଣନ୍ତୁ ଏହି ପଲିସିର ଅନ୍ୟାନ୍ୟ ଲାଭ

୫. ଖାଇବା ପରେ ଅଧ୍ୟୟନ 

ଖାଦ୍ୟ ଖାଇବା ପରେ ଆପଣଙ୍କର ସ୍ନାୟୁ ହଜମ ପାଇଁ ପେଟ ପ୍ରତି ଅଧିକ ପ୍ରତିକ୍ରିୟା ଆରମ୍ଭ କରେ । ତେଣୁ, ଖାଦ୍ୟ ଖାଇବା ପରେ ତୁରନ୍ତ ଆପଣ ଏପରି କୌଣସି କାର୍ଯ୍ୟକଳାପ କରିବା ଉଚିତ୍ ନୁହେଁ, ଯାହା ଆପଣଙ୍କ ମସ୍ତିଷ୍କ ଉପରେ କୌଣସି ପ୍ରଭାବ ପକାଇଥାଏ । ଏଥିରେ ପଢିବା, ସ୍ମରଣ କରିବା ଇତ୍ୟାଦି ଜିନିଷ ସାମିଲ ରହିଛି ।

୬. ଖାଇବା ପରେ ଗାଧୋଇବା

ପ୍ରତ୍ୟେକ କାର୍ଯ୍ୟର ଏକ ସମୟ ଅଛି ଓ ଯଦି ଆପଣ ଠିକ୍ ସମୟରେ କିଛି କରନ୍ତି ନାହିଁ, ଏହା ଆପଣଙ୍କ ଶରୀରକୁ କ୍ଷତି ପହଞ୍ଚାଇପାରେ । ସେଥିପାଇଁ ଖାଇବା ପରେ ଆପଣ ପ୍ରାୟ ୨ ଘଣ୍ଟା ପାଇଁ ଗାଧୋଇବା ଉଚିତ୍ ନୁହେଁ । ଯଦି ଆପଣ ଖାଦ୍ୟ ଖାଇବା ପରେ ସ୍ନାନ କରନ୍ତି, ତେବେ ଆପଣଙ୍କ ଶରୀରର ଅଗ୍ନି ଉପାଦାନ ସକ୍ରିୟ ହୋଇନଥାଏ । ଏହି କାରଣରୁ ଆପଣଙ୍କ ଶରୀରର ହଜମ ପ୍ରକ୍ରିୟା ମନ୍ଥର ହୋଇଯାଏ ।