Shani Transit in Aquarius: ଶନି ଦେବ ପ୍ରତ୍ୟେକ ମଣିଷକୁ ତା’ର କର୍ମ ଅନୁଯାୟୀ ଉପଯୁକ୍ତ ଫଳ ପ୍ରଦାନ କରିଥାଆନ୍ତି । ଧାର୍ମିକ ବିଦ୍ବାନଙ୍କ ମତ ଅନୁଯାୟୀ, ଶନି ଦେବ ସନ୍ତୁଷ୍ଟ ହେଲେ ମଣିଷର ଭାଗ୍ୟଦୋୟ ହେବାକୁ ବେଶି ସମୟ ଲାଗେ ନାହିଁ । ସେହିପରି ଶନି ଦେବ ରୋଷ କଲେ ବା ଅସନ୍ତୁଷ୍ଟ ହେଲେ ବ୍ୟକ୍ତି କୌଣସି କାର୍ଯ୍ୟରେ ସଫଳ ହୋଇପାରେ ନାହିଁ । ଜୀବନରେ ନାନାଦି ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ।
ନୂଆବର୍ଷ ସାରା ଶନି ଦେବ ବୃଷ ରାଶିରେ ମାର୍ଗି ଅବସ୍ଥାରେ ରହିବେ । ଏହି ରାଶିରେ ଅବସ୍ଥାନ କରି ଶନି ନିଜର ଗତିବିଧିରେ ପରିବର୍ତ୍ତନ କରିବେ । ଯେତେବେଳେ କୌଣସି ଗ୍ରହ ରାଶି ପରିବର୍ତ୍ତନ କରନ୍ତି ବା ମାର୍ଗି ହୋଇଥାଆନ୍ତି, ଏହା ପ୍ରତ୍ୟେକ ଜୀବକୁ ପ୍ରଭାବିତ କରିଥାଏ । ଜ୍ୟୋତିଷ ଶାସ୍ତ୍ର ଅନୁଯାୟୀ, ୨୦୨୪ରେ ଶନି ରାଶି ପରିବର୍ତ୍ତନ ନକରି ବକ୍ରି ଅବସ୍ଥାରୁ ମାର୍ଗି ହେବାକୁ ଯାଉଛନ୍ତି । ଏପରି ପରିସ୍ଥିତିରେ ଶନିଙ୍କ ମାର୍ଗି ହେବାର ପ୍ରଭାବ ରାଶି ଚକ୍ରରେ ଥିବା କିଛି ରାଶିଙ୍କୁ ପ୍ରଭାବିତ କରିବ । ତେବେ ଆସନ୍ତୁ ଜାଣିବା ସେହି ରାଶିଙ୍କ ବିଷୟରେ । ଶନି ଦେବ ବର୍ତ୍ତମାନ କୁମ୍ଭ ରାଶିରେ ବିରାଜମାନ। କୁମ୍ଭ ରାଶି ଶନିଙ୍କର ନିଜସ୍ୱ ରାଶି ଅଟେ । ୨୦୨୪ରେ, ଶନି କୁମ୍ଭରେ ସଂଚରଣ କରିବେ । ଜ୍ୟୋତିଷଙ୍କ ମତ ଅନୁଯାୟୀ, ଶନି କୌଣସି ରାଶିର କାରକ ଗ୍ରହ ଭାବେ ଉପସ୍ଥିତ ରହିଲେ ସେହି ରାଶିକୁ ତା ଜୀବନରେ ବିଶେଷ ଲାଭ ମିଳିଥାଏ । ଶନି ଦେବଙ୍କ ଆଶୀର୍ବାଦ ଫଳରେ ଦୀର୍ଘ ଦିନରୁ ଅଟକି ଥିବା କାର୍ଯ୍ୟ ତ୍ୱରାନ୍ୱିତ ହେବ । ବହୁ ଦିନରୁ ବିଚାରାଧୀନ କାର୍ଯ୍ୟ ସଫଳତାର ସହ ସମାପ୍ତ ହେବ । କର୍ମକ୍ଷେତ୍ରରେ ନୂତନ ସୁଯୋଗ ସୃଷ୍ଟି ହେବ । ଉଚ୍ଚପଦସ୍ଥ ଅଧିକାରୀଙ୍କଠାରୁ ସମର୍ଥନ ମିଳିବ ।
Also Read-Today Horoscope: କର୍ମକ୍ଷେତ୍ରରେ ଦେଖାଦେବ ବିବାଦ ! ଜାଣନ୍ତୁ ଆପଣଙ୍କ ପାଇଁ କେମିତି ରହିବ ସୋମବାର?
ଜ୍ୟୋତିଷ ଶାସ୍ତ୍ରରେ, ୧୨ଟି ରାଶିଙ୍କୁ ୫ଟି ତ୍ବତ୍ତରେ ବିଭକ୍ତ କରାଯାଇଛି । ଏହି ୫ଟି ତ୍ବତ୍ତ ଶରୀରର ୫ଟି ଉପାଦାନ ଉପରେ ଆଧାରିତ । ପୃଥିବୀ ତ୍ବତ୍ତ ଏଥି ମଧ୍ୟରୁ ଅନ୍ୟତମ । ଶାସ୍ତ୍ରରେ ପୃଥିବୀ ତ୍ବତ୍ତରେ ୩ଟି ରାଶି ବିଷୟରେ ଉଲ୍ଲେଖ କରାଯାଇଛି, ଯେଉଁଥିରେ ମକର, ବୃଷ ଓ କନ୍ୟା ରାଶି ଅନ୍ତର୍ଭୁକ୍ତ । ଏଭଳି ପରିସ୍ଥିତିରେ, ଏହି ୩ ରାଶିଙ୍କୁ ନୂଆ ବର୍ଷରେ ଶନି ଦେବଙ୍କ ଆଶୀର୍ବାଦ ପ୍ରାପ୍ତ ହେବ । ଫଳରେ ସମାଜରେ ମାନ ସମ୍ମାନ ବୃଦ୍ଧି ପାଇବ । ଆର୍ଥିକ ଓ ବୈବାହିକ ଜୀବନ ସୁଖମୟ ହେବ । କର୍ମ କ୍ଷେତ୍ରରେ ଲାଗି ରହିଥିବା ସମସ୍ୟା ଦୂର ହେବ ।