Sleeping Disorder: ଭାରତରେ ୧୦ କୋଟି ଲୋକଙ୍କ ଆଖିରେ ନିଦ ନାହିଁ,ଏହି ସବୁ ଲକ୍ଷଣ ଆପଣଙ୍କଠାରେ ଅଛି କି ?

SLEEPING DISORDER: ନୂଆଦିଲ୍ଲୀ: ନିଦ୍ରାହିନତା ବା ସ୍ଲିପ୍ ଡିସଅର୍ଡର ଭାରତରେ ଏକ ଗମ୍ଭୀର ରୋଗର ରୂପ ନେଇଛି । ଏମ୍ସ ଦିଲ୍ଲୀ ଦ୍ୱାରା କରାଯାଇଥିବା ଏକ ସର୍ଭେ ଅନୁସାରେ ଦେଶର ୧୦କୋଟି ଲୋକ ନିଦ୍ରାହିନତାର ଶିକାର । କମ ବୟସର ବ୍ୟକ୍ତି ମଧ୍ଯ ଏହାର ଶିକାର ହେବାରେ ଲାଗିଛନ୍ତି । ଡାକ୍ତରୀ ଭାଷାରେ ଏହା ଅବଷ୍ଚ୍ରକ୍ଟିଭ୍ ସ୍ଲିପ୍ ଏପନିଆ ରୋଗ ନାମରେ ପରିଚିତ । ଏଥିରେ ନିଦରେ ଜଣେ ବ୍ୟକ୍ତି ଠିକରେ ନିଶ୍ୱାସ ନେଇନଥାନ୍ତି ଓ ଘୁଙ୍ଗୁଡି ମାରିଥାନ୍ତି । ଫଳରେ ଭଲ ନିଦ ହୋଇନଥାଏ । ଦେଶର ପ୍ରାୟ ୧୧ ପ୍ରତିଶତ ବୟସ୍କ ଜନସଂଖ୍ଯା ଏହି ରୋଗର ଶିକାର । ଗତ ଦୁଇ ଦଶକ ମଧ୍ଯରେ ଏମ୍ସ କରିଥିବା ୬ଟି ଅଧ୍ୟୟନରୁ ଏହି ତଥ୍ଯ ସାମ୍ନାକୁ ଆସିଛି । ଅଧ୍ଯୟନ ଅନୁସାରେ ଏହି ରୋଗ ବୟସ୍କ ମହିଳାଙ୍କ ତୁଳନାରେ ପୁରୁଷଙ୍କଠାରେ ଅଧିକ । ଯେଉଁଥିପାଇଁ ରାତିରେ ଭଲ ନିଦ ହୋଇନଥାଏ ଓ ପ୍ରଭାବ ଦିନର କାମ ଉପରେ ପଡ଼ିଥାଏ । ଓସିଏ କାରଣରୁ ମେଦବୃଦ୍ଧି,ମଧୁମେହ ଓ ହୃଦରୋଗ ଆଶଙ୍କା ବଢିଥାଏ । ଏହି ଅଧ୍ଯୟନ ରିପୋର୍ଟ ଜର୍ଣ୍ଣାଲ ଅଫ୍ ସ୍ଲିପ୍ ମେଡିସିନରେ ପ୍ରକାଶିତ ହୋଇଛି ।

ଅଧ୍ଯୟନରେ ସାମିଲ ଥିବା ଏମ୍ସର ପଲ୍ମୋନୋଲୋଜି ବିଭାଗର ପ୍ରଫେସର ଡାକ୍ତର ଅନନ୍ତ ମୋହନଙ୍କ ଅନୁସାରେ, ଭାରତରେ ପାଖାପାଖି ୧୦ କୋଟି ଲୋକ ନିଦ୍ରାହୀନତା ରୋଗର ଶିକାର । ଏଥିମଧ୍ଯରୁ ୫ କୋଟିଙ୍କଠାରେ ଅବଷ୍ଚ୍ରକ୍ଟିଭ୍ ସ୍ଲିପ୍ ଏପନିଆର ଗମ୍ଭୀର ଲକ୍ଷଣ ରହିଛି । ଏହି ରୋଗ କାରଣରୁ ପୁରୁଷ ଓ ମହିଳାଙ୍କ ମଧ୍ଯରେ ମେଦବହୁଳତ ବୃଦ୍ଧି ପାଉଛି ।

ଗମ୍ଭୀର ମାମଲାରେ ଓଏସଏ କାରଣରୁ ସ୍ଥିତି ବିଗିଡିବାର ଆଶଙ୍କା ରହିଛି । ଓଏସଏ କାରଣରୁ ରାତିରେ ଅଧିକ ସମୟ ପର୍ଯ୍ୟନ୍ତ ଘୁଙ୍ଗୁଡି ଆସିବାର ସମସ୍ୟା ଦେଖାଦିଏ । ଯେଉଥିପାଇଁ ନିଦ ପୁରା ହୋଇନଥାଏ ।ଅନେକ ମାମଲାରେ ଏହି ରୋଗ ବ୍ୟକ୍ତିଙ୍କ ମାନସିକ ସ୍ୱାସ୍ଥ୍ୟକୁ ଖରାପ କରିଦିଏ । ଯେଉଁଥିପାଇଁ ହାର୍ଟଷ୍ଟ୍ରୋକ୍,ହାଇବିପି ଭଳି ରୋଗ ଓ ମେଟାବୋଲିକ୍ ରୋଗ ହେବାର ରିସ୍କ ବଢିଯାଏ । ତେଣୁ ଏହି ମାମଲାରେ ସଚେତନତା ସୃଷ୍ଟିର ଆବଶ୍ୟକତା ରହିଛି ।

କେଉଁ ମାନଙ୍କୁ ଅଧିକ ବିପଦ ?
ଡାକ୍ତର ମୋହନଙ୍କ ଅନୁସାରେ ବୟସ୍କ ବ୍ୟକ୍ତିଙ୍କ ଅବଷ୍ଚ୍ରକ୍ଟିଭ୍ ସ୍ଲିପ୍ ଏପନିଆ ରୋଗ କାରଣରୁ ଅଧିକ ବିପଦର ଆଶଙ୍କା ଥାଏ । ଭଲ ନିଦ ନହେବା ବା ପୁରା ନିଦ ନହେବା କାରଣରୁ ଶରିର ବାକି ଅଙ୍ଗ ମଧ୍ଯ ପ୍ରଭାବିତ ହୋଇଥାନ୍ତି । ବୟସ୍କଙ୍କ ବ୍ୟତିତ ମେଦବହୁଳତା ଦ୍ୱାରା ପ୍ରଭାବିତ ବ୍ୟକ୍ତିଙ୍କ ପ୍ରତି ମଧ୍ଯ ଏହି ରୋଗର ଅଧିକ ବିପଦ ରହିଛି ।

ଏହି ଲକ୍ଷଣ ଦେଖିଲେ ତୁରନ୍ତ ଡାକ୍ତରଙ୍କ ପାଖକୁ ଯାଆନ୍ତୁ
ରାତିରେ ଯଦି ଘୁଙ୍ଗୁଡି ମାରୁଛନ୍ତି,ନିଶ୍ୱାସ ନେବାରେ କଷ୍ଟ ହେଉଥିଲେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ । ହୁଏତ ଆପଣ ଅବଷ୍ଚ୍ରକ୍ଟିଭ୍ ସ୍ଲିପ୍ ଏପନିଆର ଶିକାର ହୋଇଥାଇ ପାରନ୍ତି । ଆରମ୍ଭରୁ ଚିକିତ୍ସା ଦ୍ୱାରା ବିପଦକୁ ଟଳାଯାଇପାରେ ।

Also Read: Gold Rate Today: ପୁଣି ବଢିଲା ସୁନା ଦର, ଜାଣନ୍ତୁ କେଉଁ ସହରରେ କ’ଣ ରହିଛି ରେଟ୍

Also Read: International Girl Child Day 2023: ଆଜି ‘ଅନ୍ତର୍ଜାତୀୟ କନ୍ୟା ସନ୍ତାନ ଦିବସ’, ଜାଣନ୍ତୁ ସାକ୍ଷରତା ହାରରେ ପୁରୁଷଙ୍କଠାରୁ କେତେ ପଛରେ ମହିଳା

Also Read: World cup 2023: ନଜର ପକାନ୍ତୁ ଭାରତ ଓ ଆଫଗାନିସ୍ତାନ ହେଡ଼ ଟୁ ହେଡ଼ ରେକର୍ଡ ଉପରେ...