Rajnikanth: ସାଉଥ ସୁପରଷ୍ଟାର ରଜନୀକାନ୍ତ । ଆଜି ସେ ତାଙ୍କର ୭୨ ତମ ଜନ୍ମଦିନ ପାଳନ କରୁଛନ୍ତି । ଏହି ଅଭିନେତା ୧୨ ଡିସେମ୍ବର ୧୯୫୦ ରେ କର୍ଣ୍ଣାଟକରେ ଜନ୍ମଗ୍ରହଣ କରିଥିଲେ। ଯଦିଓ ରଜନୀକାନ୍ତ ଦକ୍ଷିଣ ଚଳଚ୍ଚିତ୍ରର ସୁପରଷ୍ଟାର,କିନ୍ତୁ ରଜନୀକାନ୍ତଙ୍କ କ୍ରେଜ୍ ହିନ୍ଦୀ ସିନେମାରେ ମଧ୍ୟ ରହିଛି । ଏହି ଅଭିନେତା ଅନେକ ହିଟ୍ ଚଳଚ୍ଚିତ୍ରରେ କାମ କରିଛନ୍ତି, କିନ୍ତୁ ଆପଣ ଜାଣନ୍ତି କି ରଜନୀକାନ୍ତ ଫିଲ୍ମ 'ରୋବଟ୍'ରେ ହିରୋ ହେବାକୁ ଚାହୁଁନଥିଲେ। ତେବେ, ତାଙ୍କ ଜନ୍ମଦିନ ଅବସରରେ ଆସନ୍ତୁ ତାଙ୍କ ବିଷୟରେ କିଛି ରୋଚକ କଥା ଜାଣିବା ।
ରଜନୀକାନ୍ତ 'ରୋବଟ'ରେ ଐଶ୍ୱର୍ଯ୍ୟାଙ୍କ ସହ ନଜର ଆସିଥିଲେ :
୧ ଅକ୍ଟୋବର ୨୦୧୦ ରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ରୋବଟ୍' ବକ୍ସ ଅଫିସରେ ରିଲିଜ୍ ହେବା ମାତ୍ରେ ଧମାଲ ମଚାଇଥିଲା। ୧୨ ବର୍ଷ ପୂର୍ବେ ମୁକ୍ତିଲାଭ କରିଥିବା ଫିଲ୍ମ 'ରୋବଟ୍'ରେ ରଜନୀକାନ୍ତଙ୍କ ବିପକ୍ଷରେ ମୁଖ୍ୟ ଭୂମିକାରେ ନଜର ଆସିଥିଲେ ଐଶ୍ୱର୍ଯ୍ୟା ରାୟ ବଚ୍ଚନ । ଗଣମାଧ୍ୟମ ରିପୋର୍ଟ ଅନୁଯାୟୀ ଏହି ଚଳଚ୍ଚିତ୍ରଟି ୩୫୭ କୋଟି ଟଙ୍କା ରୋଜଗାର କରିଥିଲା, କିନ୍ତୁ ରଜନୀକାନ୍ତଙ୍କ ଐଶ୍ୱର୍ଯ୍ୟାଙ୍କ ସହ ଫିଲ୍ମ କରିବା ସହଜ ନଥିଲା। ଏଭଳି କଥାଟି ଖୋଦ୍ ରଜନୀକାନ୍ତ ପ୍ରକାଶ କରିଛନ୍ତି । ନିକଟରେ ଏକ ସାକ୍ଷାତକାରରେ ରଜନୀକାନ୍ତ କହିଥିଲେ ଯେ ଯେତେବେଳେ 'ରୋବଟ୍' ନିର୍ଦ୍ଦେଶକ ଏସ୍ ଶଙ୍କର ତାଙ୍କ ସହିତ ଐଶ୍ୱର୍ଯ୍ୟାଙ୍କୁ କାଷ୍ଟ କରିବାକୁ କହିଥିଲେ । ସେତେବେଳେ ସେ ବହୁତ ଅସହଜ ହୋଇପଡିଥିଲେ। ଫିଲ୍ମର ସୁଟିଂ ସମୟରେ ମଧ୍ୟ ସେ ଅତ୍ୟନ୍ତ ଅସହଜ ଥିଲେ, କାରଣ ଐଶ୍ୱର୍ଯ୍ୟା ତାଙ୍କ ବନ୍ଧୁ ଅମିତାଭ ବଚ୍ଚନଙ୍କ ବୋହୂ ଥିଲେ ଏବଂ ଏହି ଫିଲ୍ମରେ ତାଙ୍କର ଲଭ୍ ଲେଡି ହୋଇଥିଲେ। ଏହି ଚଳଚ୍ଚିତ୍ରରେ ରଜନୀକାନ୍ତ ଜଣେ ବୌଜ୍ଞାନିକ ଏବଂ ରୋବଟ ଭୂମିକାରେ ଅଭିନୟ କରିଥିଲେ। ଏହି ଫିଲ୍ମ ଦର୍ଶକଙ୍କ ଠାରୁ ବହୁତ ଭଲ ପାଇବା ପାଇଥିଲା । ଯାହା ପରେ ଫିଲ୍ମର ପାର୍ଟ ୨ ମଧ୍ୟ ମୁକ୍ତିଲାଭ କରିଥିଲା ।
ଯେତେବେଳେ ଜଣେ ପ୍ରଶଂସକ ରଜନୀକାନ୍ତଙ୍କୁ ତାଙ୍କର ଆଗାମୀ ଚଳଚ୍ଚିତ୍ରର ନାମ ଏବଂ ନାୟିକାଙ୍କ ନାମ ପଚାରିଲେ । ଯେତେବେଳେ ରଜନୀକାନ୍ତ ତାଙ୍କୁ କହିଥିଲେ ଯେ, ସେ ଐଶ୍ବର୍ଯ୍ୟା ରାୟଙ୍କ ସହ କାମ କରୁଛନ୍ତି। ସେତେବେଳେ ସେ ୧୦ ମିନିଟ୍ ପର୍ଯ୍ୟନ୍ତ ତାଙ୍କ ଆଡକୁ ଚାହିଁ ରହିଥିଲେ। ତା’ପରେ ପ୍ରଶଂସକ କହିଥିଲେ ତୁମେ ଜଣେ ହିରୋ…। ଆଉ ତା’ପରେ ଆଉ କିଛି ନ କହି ଚାଲିଗଲେ । ସେ ଚାଲିଯିବା ପରେ ମୁଁ ଜାଣିବାକୁ ପାଇଲି ଯେ ସେ ତାଙ୍କ ଘରେ ଐଶ୍ୱର୍ଯ୍ୟା ରାୟ, ଅଭିଷେକ ଏବଂ ଅମିତାଭ ବଚ୍ଚନଙ୍କ ସହ କ’ଣ ହୋଇଛି। ରଜନୀକାନ୍ତ ଅମିତାଭ ବଚ୍ଚନଙ୍କ ସାମ୍ନାରେ ଏହି କଥା କହିଥିଲେ । ବିଗ୍ ବି ଅଭିନେତାଙ୍କ କଥା ଶୁଣିବା ପରେ ଜୋରରେ ହସିବାକୁ ଲାଗିଲେ।
ଏହାବି ପଢନ୍ତୁ : Shahrukh Khan: ବଲିଉଡକୁ ମାଡି ଆସୁଛି ସଙ୍କଟ, ବୈଷ୍ଣଦେବୀଙ୍କ ଶରଣ ପଶିଲେ କିଙ୍ଗ ଖାନ୍ !