OMG 2 ମହାଦେବଙ୍କ ଅବତାରରେ ନଜର ଆସିବେ ଅକ୍ଷୟ କୁମାର: 'ଗଦର ୨'କୁ ଦେବେ କଡ଼ା ଟକ୍କର

Bollywood 'OMG 2' ନୂଆ ପୋଷ୍ଟରରେ ଅକ୍ଷୟ କୁମାରଙ୍କୁ ସମ୍ପୂର୍ଣ୍ଣ ଭିନ୍ନ ଅବତାରରେ (New look) ଦେଖିବାକୁ ମିଳିବ । ଅକ୍ଷୟ (Akshay Kumar) ପ୍ରଥମ ଲୁକରେ ମହାଦେବଙ୍କ ଅବତାରରେ ଲମ୍ବା କେଶ, ପାଉଁଶ ଏବଂ ରୁଦ୍ରାକ୍ଷ ମାଳା ବେକରେ ପକାଇଥିବା ଦେଖିବାକୁ ମିଳିଛି।  ଏହି ପୋଷ୍ଟର (Poster) ସେୟାର କରିବାବେଳେ ସେ ସୂଚନା ଦେଇଛନ୍ତି ଯେ ଫିଲ୍ମର ପୋଷ୍ଟର କିଛି ଦିନ ମଧ୍ୟରେ ମୁକ୍ତିଲାଭ କରିବ। 'OMG 2' ର ରିଲିଜ୍ ତାରିଖ ଘୋଷଣା ହୋଇସାରିଛି | ଫିଲ୍ମଟି ଅଗଷ୍ଟ ୧୧ ରେ ରିଲିଜ୍ ହେବ, ସନ୍ନି ଦେଓଲଙ୍କ ଗଦର ୨ ସହିତ କଡ଼ା ଟକ୍କର ଦେବ।

ପୋଷ୍ଟରରେ ଏଭଳି ପ୍ରତିକ୍ରିୟା ଆସିଥିଲା

ପ୍ରଶଂସକମାନେ ଏହି ପୋଷ୍ଟରରେ ଭିନ୍ନ ପ୍ରତିକ୍ରିୟା ସେୟାର କରିଛନ୍ତି । କିଛି ପ୍ରଶଂସକ ଅକ୍ଷୟ କୁମାରଙ୍କୁ ଭଗବାନ ଶିବ (Lord shiv)ଙ୍କ ରୂପରେ ପସନ୍ଦ କରିଛନ୍ତି। ସେମାନେ 'ହର ହର ମହାଦେବ'ର କମେଣ୍ଟ ପୋଷ୍ଟ (Comment post) କରିଛନ୍ତି। ଏଥି ସହିତ, କିଛି ପ୍ରଶଂସକ ଅଛନ୍ତି ଯେଉଁମାନେ ପୂର୍ବରୁ ଚେତାବନୀ ଦେଇଛନ୍ତି ଯେ 'OMG 2' ନିର୍ମାତାମାନେ 'ଆଦିପୁରୁଷ' ଭୁଲରୁ କିଛି ଶିଖିବାକୁ ଚେଷ୍ଟା କରିବେ। ଜଣେ ଲେଖିଛନ୍ତି, 'ମୁଁ ଆଶା କରୁଛି ଯେ ଆମ ଭଗବାନ ମଧ୍ୟ ଏଥିରେ ଆଦିପୁରୁଷଙ୍କ ପରି ପରିହାସ ହୋଇ ନାହାଁନ୍ତି ।' ସେହିଭଳି ଅନ୍ୟ ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି, 'ମୁଁ ଆଶା କରୁଛି ଯେ ଏହି ଚଳଚ୍ଚିତ୍ରରେ ସନାତନ ଧାର୍ମିକ ଭାବନାକୁ ସମ୍ପୂର୍ଣ୍ଣ ସମ୍ମାନ ଦିଆ ଯାଇଥିବ । ଚଳଚ୍ଚିତ୍ର ପାଇଁ ଆଗରୁ ଶୁଭେଚ୍ଛା !

ପଙ୍କଜ ତ୍ରିପାଠୀ ମଧ୍ୟ ପୋଷ୍ଟର ସେୟାର କରିଛନ୍ତି ଏହି ଚଳଚ୍ଚିତ୍ରରେ ପଙ୍କଜ ତ୍ରିପାଠୀ ମଧ୍ୟ ଅଭିନୟ କରିବେ, ଯିଏକି କାନ୍ତି ଶରଣ ମୃଦଗାଲ ଭୂମିକାରେ ନଜର ଆସିବେ। ସେ ଏହାର ପୋଷ୍ଟର ମଧ୍ୟ ସେୟାର କରିଛନ୍ତି, ଯେଉଁଥିରେ ଫିଲ୍ମରୁ ତାଙ୍କର ଲୁକ୍ ଦେଖିଵାକୁ ମିଳିଛି ।

ଯୌନ ଶିକ୍ଷା ଉପରେ ଆଧାରିତ ହେବ ଚଳଚ୍ଚିତ୍ର ? ରିପୋର୍ଟ ଅନୁଯାୟୀ, ଚଳଚ୍ଚିତ୍ରର ବିଷୟ ଯୌନ ଶିକ୍ଷା ଉପରେ ଆଧାରିତ ହେବ । ଏହି ଚଳଚ୍ଚିତ୍ରଟିରେ କୋର୍ଟ ପରିସର ଡ୍ରାମା ବିଶେଷ ଭାବେ ଦେଖିବାକୁ ମିଳିବ, ଯେଉଁଥିରେ ଜଣେ ନାଗରିକ ସ୍କୁଲରେ ବାଧ୍ୟତାମୂଳକ ଯୌନ ଶିକ୍ଷା ଦାବି କରି କୋର୍ଟକୁ ଯାଇଛନ୍ତି ।

୨୦୧୨ ମସିହାରେ ଅକ୍ଷୟ କୁମାର ଓ ପରେଶ ରାୱଲଙ୍କ ଅଭିନୀତ 'ହେ ମୋ ଭଗବାନ' ମୁକ୍ତିଲାଭ କରିଥିଲା ​​ଓ ବକ୍ସ ଅଫିସରେ ଏହା ସୁପର ହିଟ୍ ହୋଇଥିଲା । ବର୍ତ୍ତମାନ ଏହି ସୁପର ହିଟ୍ ଚଳଚ୍ଚିତ୍ରର ୧୧ ବର୍ଷ ପରେ ଅକ୍ଷୟ କୁମାର ସୋସିଆଲ କମେଡି ' ଓ ମାଇଁ ଗଡ୍ ୨' ସହିତ ପୁଣି ଥରେ ରୂପେଲି ପରଦାରେ  ଧମାଲ କରିବାକୁ ଯାଉଛନ୍ତି । ପ୍ରଥମ ଭାଗରେ ଅକ୍ଷୟ କୁମାରଙ୍କୁ ଭଗବାନ କୃଷ୍ଣଙ୍କ ରୂପରେ ଦର୍ଶାଯାଇଥିବାବେଳେ ' ଓ ମାଇଁ ଗଡ୍ ଭଗବାନ ୨'ରେ ଅକ୍ଷୟ କୁମାର ଭଗବାନ ଶିବଙ୍କ ଅବତାରରେ ନଜର ଆସିବେ। ଏଥି ସହିତ ଏହି ବହୁ ପ୍ରତୀକ୍ଷିତ ଚଳଚ୍ଚିତ୍ରର ଏକ ନୂଆ ପୋଷ୍ଟର ମଧ୍ୟ ରିଲିଜ୍ ହୋଇଛି।

'ହେ ମୋର ଭଗବାନ ୨' ଏକ ସାମାଜିକ ପ୍ରସଙ୍ଗ ଉପରେ ଆଧାରିତ 

'OMG 2' ର କାହାଣୀ ବିଷୟରେ କହିବାକୁ ଗଲେ ଏହା ଭାରତରେ ଯୌନ ଶିକ୍ଷା ପ୍ରଶୟ ନଦେଉଥିବା ବ୍ୟକ୍ତିଙ୍କ ବିରୁଦ୍ଧରେ ପ୍ରସ୍ତୁତ ହୋଇଛି । ଅଶ୍ୱିନ୍ ଭର୍ଡେ, ଭାୟାକମ୍ 18, ଓ ଜିଓ ଷ୍ଟୁଡିଓ ହେଉଛି OMG 2 ର ନିର୍ମାତା । ଅକ୍ଟୋବର ୨୦୨୧ ରେ ମଧ୍ୟପ୍ରଦେଶରେ ଅକ୍ଷୟ କୁମାର ଏହି ଫିଲ୍ମର ସୁଟିଂ ଆରମ୍ଭ କରିଥିଲେ। ଏହା ପରେ ସେ ଫିଲ୍ମର ପ୍ରଥମ ଲୁକ୍ ପୋଷ୍ଟର ସେୟାର କରି ଲେଖିଥିଲେ। "Karta kare na kare shiv kare so hoye।

Also read- ପତ୍ନୀଙ୍କୁ ଗର୍ଭବତୀ କରିବାରୁ ସସପେଣ୍ଡ୍ ହେଲେ ପୋଲିସ କର୍ମଚାରୀ