Actor Prabhas: ସାଉଥ ସୁପରଷ୍ଟାର ପ୍ରଭାସଙ୍କ ସାଲାର ଫିଲ୍ମ ବକ୍ସ ଅଫିସରେ ବହୁତ ଭଲ ବ୍ୟବସାୟ କରୁଛି । ଏହି ଚଳଚ୍ଚିତ୍ର ପରେ ଲୋକମାନେ ଅନୁମାନ କରୁଥିଲେ ଯେ ଆକ୍ଟର ପ୍ରଭାସ ସନ୍ଦୀପ ରେଡ୍ଡୀ ୱାଙ୍ଗାଙ୍କ ସହ 'ସ୍ପିରିଟ'ରେ କାମ ଆରମ୍ଭ କରିବେ। କିନ୍ତୁ ଲୋକଙ୍କ ଅନୁମାନ ଭୁଲ ପ୍ରମାଣିତ ହୋଇଛି । ଅଭିନେତା ପ୍ରଭାସ ତାଙ୍କର ପରବର୍ତ୍ତୀ ଚଳଚ୍ଚିତ୍ର ଘୋଷଣା କରିଛନ୍ତି। ଏହା ଏକ ଆକ୍ସନ୍ କି ଫାଇଟ ଫିଲ୍ମ ନୁହେଁ ବରଂ ଏହା ଏକ ରୋମାଣ୍ଟିକ୍-ହରର ଫିଲ୍ମ ବୋଲି ପ୍ରଭାସ କହିଛନ୍ତି। ଅଭିନେତା ପ୍ରଭାସ ସାଉଥ ରାଜ୍ୟର ପୋଙ୍ଗଲ ପର୍ବ ଅର୍ଥାତ୍ ୧୫ ଜାନୁଆରୀରେ ଏହି ଘୋଷଣା କରିଛନ୍ତି।
ପ୍ରଭାସଙ୍କ (South Superstar Prabhas) ନେକ୍ସଟ ଚଳଚ୍ଚିତ୍ରର ନାମ ହେବ 'ଦି ରାଜା ସାହାବ'। ଏହା ଏକ ପ୍ୟାନ୍ ଇଣ୍ଡିଆ ଫିଲ୍ମ ହେବାକୁ ଯାଉଛି ଯାହା ନିର୍ଦ୍ଦେଶକ ମାରୁତିଙ୍କ ଦ୍ୱାରା ନିର୍ମିତ ହେବ । T.G. ବିଶ୍ୱ ପ୍ରସାଦଙ୍କ ଦ୍ୱାରା ନିର୍ମିତ ଏହି ଚିତ୍ର ପିପଲ ମିଡିଆ ଫ୍ୟାକ୍ଟ୍ରି ବ୍ୟାନରରେ ତିଆରି ହେଉଛି। ପ୍ରଭାସଙ୍କ ଲୁକ୍ ବିଷୟରେ କହିବାକୁ ଗଲେ ସେ ପ୍ରଥମ ପୋଷ୍ଟରରେ ଲୁଙ୍ଗି ପିନ୍ଧିଥିବାର ନଜର ଆସିଛନ୍ତି। ଏହି ଚଳଚ୍ଚିତ୍ର ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ଏବଂ ହିନ୍ଦୀରେ ମୁକ୍ତିଲାଭ କରିବାକୁ ଯାଉଛି।
ପ୍ରଭାସ 'ସାଲାର'(Salaar) ଫିଲ୍ମ ପୂର୍ବରୁ ଅନେକ ଫ୍ଲପ୍ ଫିଲ୍ମ ଦେଇଥିଲେ। ଯେମିତିକି'ରାଧେ-ଶ୍ୟାମ', 'ଆଦିପୁରୁଷ' ଏବଂ 'ସାହୋ'। କୁହାଯାଉଥିଲା ଯେ ତାଙ୍କ ଫିଲ୍ମ 'ସାଲାର' ମଧ୍ୟ ବକ୍ସ ଅଫିସରେ ଭଲ ରୋଜଗାର କରିପାରିବ ନାହିଁ। କାରଣ ଏହାର ବକ୍ସ ଅଫିସରେ ସଂଘର୍ଷ ଶାହାରୁଖଙ୍କ ଫିଲ୍ମ 'ଡନକୀ' ସହିତ ହୋଇଥିଲା। ଗତ ବର୍ଷ ଶାହାରୁଖ ଦୁଇଟି ବଡ଼ ହିଟ୍ ଦେଇଥିଲେ। ସେଥିପାଇଁ ଲୋକମାନେ 'ଡନକୀ'ରୁ ମଧ୍ୟ ବହୁତ ଆଶା କରିଥିଲେ । କିନ୍ତୁ 'ସାଲାର' ଏକ ପାନ୍ ଇଣ୍ଡିଆ ଚଳଚ୍ଚିତ୍ର ହେବାର ସୁବିଧା ପାଇଲା ଏବଂ ଏହା ଭଲ ରୋଜଗାର ମଧ୍ୟ କରିବାରେ ସକ୍ଷମ ହୋଇପାରିଛି।
ପ୍ରଭାସ ଖୁବ୍ ଶୀଘ୍ର 'ଦି ରାଜା ସାହାବ'ର ସୁଟିଂ (The Raja Saab) ଆରମ୍ଭ କରିବେ। ତେବେ ବର୍ତ୍ତମାନ ସମୟରେ ଫିଲ୍ମର ପ୍ଲଟ୍ କିମ୍ବା କାହାଣୀ କିମ୍ବା ଅନ୍ୟ କାଷ୍ଟ ବିଷୟରେ କିଛି କୁହାଯାଇନାହିଁ। ପ୍ରଭାସଙ୍କ ପରବର୍ତ୍ତୀ ପ୍ରୋଜେକ୍ଟ ବିଷୟରେ କହିବାକୁ ଗଲେ ସେ ନାଗ ଅଶ୍ୱିନଙ୍କ ଫିଲ୍ମ 'କଲକୀ 2898 AD' ରେ ଅଭିନୟ କରିବାକୁ ଯାଉଛନ୍ତି। ତାଙ୍କ ସହ ଫିଲ୍ମରେ ଦୀପିକା ପାଦୁକୋନ, ଅମିତାଭ ବଚ୍ଚନ ଏବଂ କମଲ ହାସନ ମଧ୍ୟ ନଜର ଆସିବେ। ଫିଲ୍ମଟି ୦୯ ମେ ୨୦୨୪ ରେ ବଡ ପରଦାରେ ମୁକ୍ତିଲାଭ କରିବାର କାର୍ଯ୍ୟକ୍ରମ ରହିଛି।
Also Read: ୧୦ ଟଙ୍କା ପର୍ଯ୍ୟନ୍ତ ଶସ୍ତା ହେବ ପେଟ୍ରୋଲ ଡିଜେଲ ଦର, ଜାଣନ୍ତୁ କେବେ ହେବ ଘୋଷଣା !