 "Flipkart Amazon Paytm Google Layoffs")
Flipkart Amazon Paytm Google Layoffs: ନୂଆ ବର୍ଷରେ ମଧ୍ୟ ବଡ଼ ବଡ଼ ବୌଷୟିକ କମ୍ପାନୀଗୁଡିକରେ କର୍ମଚାରୀଙ୍କ ଛଟେଇ ବନ୍ଦ ହେଉନାହିଁ। ଗୁଗୁଲ୍, ପେଟିଏମ୍, ଆମାଜନ ଓ ଫ୍ଲିପକାର୍ଟ ହଜାର ହଜାର କର୍ମଚାରୀଙ୍କୁ ଛଟେଇ କରିସାରିଛି। ଗୁଗୁଲ ଶହ ଶହ କର୍ମଚାରୀଙ୍କୁ ବାହାର କରିଛି। ଖବର ଅନୁଯାୟୀ, ଗୁଗୁଲର ଭଏସ୍ ଆଧାରିତ ଗୁଗୁଲ୍ ଆସିଷ୍ଟାଣ୍ଟ ଏବଂ ଅଗମେଣ୍ଟେଡ୍ ରିଅଲିଟି ହାର୍ଡୱେୟାରର ଅନେକ କର୍ମଚାରୀ ଚାକିରି ହରାଇଛନ୍ତି। କୁହାଯାଉଛି ଯେ ବର୍ତ୍ତମାନ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଯଥା AI ସେମାନଙ୍କ ସ୍ଥାନରେ ବ୍ୟବହୃତ ହେବ।
ବେରୋଜଗାର ଯୋଗୁଁ କର୍ମଚାରୀଙ୍କ ନାହିଁ ନ ଥିବା ସମାସ୍ୟାରେ ସମ୍ମୁଖୀନ ହେଉଛନ୍ତି। ନୂତନ ବର୍ଷ ଆରମ୍ଭରେ ଚାକିରୀ ହରାଇଥିବା କର୍ମଚାରୀମାନଙ୍କୁ ଏକ ବଡ଼ ଝଟକା ଲାଗିଛି।ଦୁଇ ସପ୍ତାହ ପୂର୍ବରୁ, ପେଟିଏମ୍ ମଧ୍ୟ ୧୦୦୦ ରୁ ଅଧିକ ଲୋକଙ୍କୁ ବରଖାସ୍ତ କରିଥିଲା। ଏହା ସମୁଦାୟ କର୍ମଚାରୀଙ୍କ ୧୦ ପ୍ରତିଶତ ଥିଲା। ପେଟିଏମ୍ ହେଉଛି ପ୍ରଥମ କମ୍ପାନୀ ଯାହାକି ୨୦୨୪ ମସିହାରେ କର୍ମଚାରୀଙ୍କୁ ପ୍ରଥମେ ଛଟେଇ କରିଥିଲା।
ଫ୍ଲିପକାର୍ଟରେ ମଧ୍ୟ କରିବ ଛଟେଇ
ଏହା ବ୍ୟତୀତ ହିନ୍ଦୁସ୍ତାନ ଟାଇମ୍ସରେ ପ୍ରକାଶିତ ରିପୋର୍ଟ ଅନୁଯାୟୀ ଇ-କମର୍ସ ପ୍ଲାଟଫର୍ମ ଫ୍ଲିପକାର୍ଟ ମଧ୍ୟ ଏହାର ସମସ୍ତ କର୍ମଚାରୀଙ୍କ ମଧ୍ୟରୁ ୫-୬ ପ୍ରତିଶତ ଛଟେଇ କରିବାକୁ ଚିନ୍ତା କରୁଛି। ଯଦି ଏହା ଘଟେ ତେବେ ୧୫୦୦ କର୍ମଚାରୀଙ୍କୁ ମଧ୍ୟ ଏଠାରୁ ଛଟେି କରି ଦିଆଯିବ। ଆର୍ଥିକ ଦୃଷ୍ଟିରୁ ଭଲ ପ୍ରଦର୍ଶନ କରିପାରୁ ନ ଥିବାରୁ କମ୍ପାନୀ କର୍ମଚାରୀଙ୍କୁ ଛଟେଇ କରିବାକୁ ଚିନ୍ତା କରୁଛି।
ଆମାଜନ ମଧ୍ୟ କରିପାରେ ଛଟେଇ
ରଏଟର୍ସ ଚଳିତ ମାସ ଆରମ୍ଭରେ ରିପୋର୍ଟ କରିଥିଲା ଯେ ଆମାଜନ ଏହାର ପ୍ରାଇମ ଡିଭିଜନରୁ ଶହ ଶହ ଲୋକଙ୍କୁ ଛଟେଇ କରିବାକୁ ଚିନ୍ତା କରୁଛି। ଏଥିମଧ୍ୟରୁ ଅଧିକାଂଶ କର୍ମଚାରୀ ହୋଇପାରନ୍ତି ଯେଉଁମାନେ ଗ୍ରାହକ ସେବା ବିଭାଗରେ କାର୍ଯ୍ୟ କରୁଛନ୍ତି। ଏଥିରେ ଦୂରଦୂରାନ୍ତରେ କାର୍ଯ୍ୟ କରୁଥିବା କର୍ମଚାରୀ ଅନ୍ତର୍ଭୁକ୍ତ ହୋଇପାରନ୍ତି।
ବୁଧବାର ଗୁଗୁଲ ଭଏସ୍ ଆସିଷ୍ଟାଣ୍ଟ, ଇଞ୍ଜିନିୟରିଂ ଏବଂ ହାର୍ଡୱେର୍ ବିଭାଗରେ ଚାକିରି କରୁଥିବା କର୍ମଚାରୀଙ୍କ ସଂଖ୍ୟା ହ୍ରାସ କରିବାକୁ ଘୋଷଣା କରିଛି। ଫିଟବିଟ୍ ର ପ୍ରାୟ ସମସ୍ତ କର୍ମଚାରୀଙ୍କୁ ନୂତନ ପୁନର୍ଗଠନ ମଡେଲ ଅଧୀନରେ ବାହାର କରିଦିଆଯିବ ଓ ସେଥିମଧ୍ୟରୁ ଶହ ଶହ Pixel ଏବଂ Nestରୁ କାଢ଼ି ଦିଆଯିବ।
Newsletter
