'ହଁ, ମୁଁ ମୋ ପୁଅକୁ ମାରିଛି'; ସୂଚନା ସେଠ୍ ସ୍ୱୀକାର କଲେ ନିଜ ଅପରାଧ, କହିଲେ ହତ୍ୟାକାଣ୍ଡର ପ୍ରକୃତ କାରଣ

Suchana Seth Son Murder Case: ବେଙ୍ଗାଲୁରୁର AI କମ୍ପାନୀର CEO ସୂଚନା ସେଠ୍ (Suchana Seth) ନିଜ ଅପରାଧ ସ୍ୱୀକାର କରିଛନ୍ତି। ସେ ସ୍ୱୀକାର କରିଛନ୍ତି ଯେ ସେ ହିଁ ନିଜ ୪ ବର୍ଷର ପୁଅ ଚିନ୍ମୟଙ୍କୁ ହତ୍ୟା କରିଛନ୍ତି କାରଣ ତାଙ୍କ ଚେହେରା ସ୍ୱାମୀଙ୍କ ଭଳି ଥିଲା। ସେ ତାଙ୍କ ସ୍ୱାମୀ ଭେଙ୍କଟରମଣଙ୍କୁ (Venkatraman) ଘୃଣା କରନ୍ତି। ତାଙ୍କ ପୁଅକୁ ଦେଖି ତାଙ୍କ ସ୍ୱାମୀଙ୍କ କଥା ମନେ ପଡୁଥିଲା। ତାଙ୍କ ଭାଙ୍ଗିଯାଇଥିବା ସମ୍ପର୍କ ମନେ ପଡିଯାଉଥିଲା, ଯେଉଁଥିପାଇଁ ତାଙ୍କୁ ବହୁତ ରାଗ ଆସୁଥିଲା।

ସୂଚନା ସେଠ୍ କହିଛନ୍ତି ଯେ ସେ ପ୍ରତିଦିନ ଏହି ନିର୍ଯାତନାକୁ ସହ୍ୟ କରିପାରୁ ନଥିଲେ। ଯେତେବେଳେ ଭେଙ୍କଟରମଣ ପ୍ରତ୍ୟକ ରବିବାର ଦିନ ତାଙ୍କ ପୁଅଙ୍କୁ ଭେଟିବା ପାଇଁ କୋର୍ଟଙ୍କ ଅନୁମତି ପାଇଥିଲେ, ତାହା ତାଙ୍କ ପାଇଁ ଗ୍ରହଣୀୟ ନଥିଲା, ତେଣୁ ସେ ନିଜ ପୁଅକୁ ହତ୍ୟା କରିଥିଲେ। ପୋଲିସ ସୂତ୍ର ଅନୁଯାୟୀ ଏହି ଖବର ସାମ୍ନାକୁ ଆସିଛି।

କୋଲାଙ୍ଗୁଟ ପୋଲିସ ଷ୍ଟେସନର ଇନ୍ସପେକ୍ଟର ପରେଶ ନାୟକଙ୍କ ଅନୁଯାୟୀ ସୂଚନା ସେଠଙ୍କ ସ୍ୱାମୀ ଭେଙ୍କଟରମଣ ମଧ୍ୟ ପୋଲିସ ନିକଟରେ ତାଙ୍କ ବୟାନ ରେକର୍ଡ କରିଛନ୍ତି। ସେ କହିଛନ୍ତି ଯେ ସେ ରବିବାର ଦିନ ପୁଅକୁ ଭେଟିବାକୁ ଆସିଥିଲେ। ସେ ତାଙ୍କ ପାଇଁ ଖେଳନା ଓ ଚକୋଲେଟ୍ ମଧ୍ୟ ଆଣିଥିଲେ, କିନ୍ତୁ ଜାଣିବାକୁ ମିଳିଥିଲା ​​ଯେ ସୂଚନା ସେଠ୍ ତାଙ୍କ ପୁଅ ଚିନ୍ମୟଙ୍କ ସହ କିଛି କାମ ପାଇଁ ଗୋଆ ଚାଲି ଯାଇଛନ୍ତି। ସେ ତାଙ୍କ ପତ୍ନୀ ସୂଚନା ସେଠଙ୍କୁ ୨ ଦିନରେ ଅନେକ ଥର ଫୋନ୍ କରିଥିଲେ।

ଭେଙ୍କଟରମଣ ପୋଲିସକୁ କହିଛନ୍ତି ଯେ ସେ ସୂଚନା ସେଠଙ୍କୁ ଏକ ଭିଡିଓ କଲ ମଧ୍ୟ କରିଥିଲେ, କିନ୍ତୁ ସୂଚନା ସେଠ୍ ଏହି କଲ ରିସଭ୍ କରି ନଥିଲେ। ଅନେକ ଚେଷ୍ଟା ପରେ ମଧ୍ୟ ଯେତେବେଳେ ସେ ତାଙ୍କ ସହ କଥା ହୋଇ ପାରି ନଥିଲେ, ସେତେବେଳେ ସେ ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ଜାକର୍ତ୍ତା ଯାଇଥିଲେ, ଓ ସେଠାରେ ତାଙ୍କ ପୁଅର ହତ୍ୟା ଖବର ପାଇଥିଲେ। ଭେଙ୍କଟରମଣ କହିଛନ୍ତି ଯେ ମୁଁ ଜାଣି ନଥିଲି ଯେ ସୂଚନା ସେଠ୍ ମୋତେ ଏତେ ଘୃଣା କରନ୍ତି ଯେ ସେ ତାଙ୍କ ନିରୀହ ପୁଅ ପ୍ରତି ମଧ୍ୟ ଦୟା ଦେଖାଇବେ ନାହିଁ।