Dark chocolate:
ସେ ପିଲା ହୁଅନ୍ତୁ କିମ୍ବା ବୃଦ୍ଧ ବ୍ୟକ୍ତି, ଚକୋଲେଟ୍ ପସନ୍ଦ କରୁନଥିବା ବ୍ୟକ୍ତି କ୍ୱଚିତ୍। ଭାଲେଣ୍ଟାଇନ୍ସ ସପ୍ତାହ ଅର୍ଥାତ୍ ୯ ଫେବୃଆରୀରେ ଚକୋଲେଟର ଗୁରୁତ୍ୱ ଅଧିକ ବଢ଼ିଯାଏ । କାରଣ ଏହି ଦିନ ହେଉଛି 'ଚକୋଲେଟ୍ ଡେ' ଏବଂ ପ୍ରେମୀ ଯୁଗଳ ପରସ୍ପରକୁ ଚକୋଲେଟ୍ ଦିଅନ୍ତି ଏବଂ ସେମାନଙ୍କ ସମ୍ପର୍କରେ ମଧୁରତା ବଢ଼େ । କିନ୍ତୁ ଆପଣ ଜାଣନ୍ତି କି ଚକୋଲେଟ୍ କେବଳ ସ୍ୱାଦ ପାଇଁ ଭଲ ନୁହେଁ ବରଂ ଆପଣଙ୍କ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ଅଟେ । ଆସନ୍ତୁ ଜାଣିବା କିପରି:
ଶରୀରରେ ଏନର୍ଜି ବୃଦ୍ଧି କରେ
NLM ଦ୍ୱାରା କରାଯାଇଥିବା ଏକ ଅନୁସନ୍ଧାନ ଅନୁଯାୟୀ, ଡାର୍କ ଚକୋଲେଟ୍ କୋକୋ ବିନ୍ସରୁ ତିଆରି ହୋଇଥାଏ । ଯାହାକୁ କାକୋ ମଧ୍ୟ କୁହାଯାଏ । ଏହାକୁ ଖାଇବା ଦ୍ବାରା ଶରୀରରେ ଶକ୍ତିର ବୃଦ୍ଧି ଘଟେ । ଚକୋଲେଟ୍ ଡୋପାମାଇନ୍ ଏବଂ ଏଣ୍ଡୋରଫିନ୍ ପରି ନ୍ୟୁରୋଟ୍ରାନ୍ସମିଟରକୁ ମଧ୍ୟ ପ୍ରଭାବିତ କରିଥାଏ । ଯାହା ସମଗ୍ର ମସ୍ତିଷ୍କର କାର୍ଯ୍ୟରେ ଉନ୍ନତି ଆଣେ ।
ଚିନ୍ତାକୁ ହ୍ରାସ କରେ
ଅନେକ ଅନୁସନ୍ଧାନରୁ ଜଣାପଡିଛି ଯେ ଯେତେବେଳେ ଆମେ ଚକୋଲେଟ୍ ଖାଇଥାଉ, ଏହା (ସେରୋଟୋନିନ୍) ହରମୋନ୍ ଉତ୍ପାଦନ କରିଥାଏ ଯାହା ଆମ ମନୋବଳକୁ ବଢ଼ାଇଥାଏ ଏବଂ ମସ୍ତିଷ୍କର ଚିନ୍ତା ଏବଂ ଚାପକୁ ହ୍ରାସ କରିଥାଏ । ଚକୋଲେଟରେ ପ୍ରଚୁର ପରିମାଣର କ୍ୟାଫେନ୍ ମଧ୍ୟ ମିଳିଥାଏ, ଯାହା ଅଳସୁଆପଣକୁ ଦୂର କରିଥାଏ ।
ହୃଦୟ ପାଇଁ ଭଲ
NLM ଦ୍ୱାରା କରାଯାଇଥିବା ଏକ ଅନୁସନ୍ଧାନ ଅନୁଯାୟୀ ଡାର୍କ ଚକୋଲେଟରେ ଏପିପ୍ଟିନ୍ କ୍ୟାଟେଚିନ୍ ଏବଂ ପ୍ରୋସିଏନିଡ଼ିନ୍ସ ପରି ଫ୍ଲେଭନୋଲ ଥାଏ, ଯାହା ଆମ ହୃଦୟ ପାଇଁ ଭଲ । ବାସ୍ତବରେ ତାହା ଉଚ୍ଚ ରକ୍ତଚାପ ଏବଂ ଅକ୍ସିଡେଟିଭ୍ ଚାପ ପରି ହୃଦ୍ରୋଗ ବିପଦକୁ ହ୍ରାସ କରିଥାଏ ।
କୋଲେଷ୍ଟ୍ରଲ ନିୟନ୍ତ୍ରଣରେ କରେ
ଅନୁସନ୍ଧାନରୁ ଜଣାପଡିଛି ଯେ ଯେଉଁମାନେ ଫ୍ୟାଟ୍ ଡ଼ାଏଟ୍ ସହ ପ୍ଲାଣ୍ଟ ଷ୍ଟେରୋଲ୍ସ ଏବଂ କୋକୋ ଫ୍ଲାଭାନୋଲ୍ ଯୁକ୍ତ ଚକୋଲେଟ୍ ଖାଆନ୍ତି, ସେମାନଙ୍କର କୋଲେଷ୍ଟ୍ରଲ ନିୟନ୍ତ୍ରଣରେ ରହିଥାଏ । ଉଚ୍ଚ ରକ୍ତଚାପ ସମସ୍ୟାରେ ଡାର୍କ ଚକୋଲେଟ୍ ମଧ୍ୟ ସହାୟକ ହୋଇଥାଏ । ଏହାକୁ ଖାଇବା ଦ୍ୱାରା ରକ୍ତଚାପ ମଧ୍ୟ ଭଲ ହୁଏ ।
ଥଣ୍ଡା ଏବଂ କାଶକୁ ରୋକିଥାଏ
ଭିଟାମିନ୍ ସି ଏବଂ ଫ୍ୟାଟି ଏସିଡ୍ ଡାର୍କ ଚକୋଲେଟରେ ପ୍ରଚୁର ପରିମାଣରେ ଥାଏ । ଯାହା ଥଣ୍ଡା ଏବଂ କାଶରୁ ମୁକ୍ତି ଦିଏ । ଚକୋଲେଟ୍ ଚର୍ମ ପାଇଁ ମଧ୍ୟ ଲାଭଦାୟକ ଅଟେ । ଏଥିରେ ଥିବା ଡାଏଟାରୀ ଫ୍ଲାଭାନୋଲ ଚର୍ମର ରକ୍ତ ସଞ୍ଚାଳନରେ ସାହାଯ୍ୟ କରେ ।
Disclaimer: ଏହି ଆର୍ଟିକିଲରେ ଉଲ୍ଲେଖ କରାଯାଇଥିବା ସୂଚନା, ପଦ୍ଧତି ଓ ପରାମର୍ଶକୁ କାର୍ଯ୍ୟକାରୀ କରିବା ପୂର୍ବରୁ ଡାକ୍ତର କିମ୍ବା ସମ୍ପୃକ୍ତ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ ।