Janmashtami 2024: ଭଗବାନ ଶ୍ରୀକୃଷ୍ଣଙ୍କର ଅତି ପ୍ରିୟ ମୟୁର ଚନ୍ଦ୍ରିକା ବଦଳାଇଦେବ ଆପଣଙ୍କ ଭାଗ୍ୟ । ତେବେ ଏହାକୁ କିପରି ଜୀବନରେ ବିନିଯୋଗ କରିବେ ଆସନ୍ତୁ ଜାଣିବା ପୂଜକ ନାରାୟଣ ମିଶ୍ର ଦେଇଥିବା ତଥ୍ୟରୁ ।
ମୟୂର ଚନ୍ଦ୍ରିକାର ଗୁରୁତ୍ୱ ମୟୂର ପର ସର୍ବଦା ଭଗବାନ କୃଷ୍ଣଙ୍କ ମୁକୁଟରେ ଶୋଭା ପାଇଥାଏ । ମୟୂର ପରକୁ ଶୁଭ, ଶୁଦ୍ଧତା ଏବଂ ସମୃଦ୍ଧିର ପ୍ରତୀକ ଭାବରେ ବିବେଚନା କରାଯାଏ । ବିଶ୍ୱାସ କରାଯାଏ ଯେ, ମୟୂର ପର ବ୍ୟବହାର କରିବା ଦ୍ୱାରା ନକାରାତ୍ମକ ଶକ୍ତି ଦୂର ହୋଇଥାଏ । ଆପଣଙ୍କୁ ଅନେକ ଗ୍ରହ ସମସ୍ୟାରୁ ମଧ୍ୟ ମୁକ୍ତ କରିଥାଏ । ତେଣୁ, ଜନ୍ମାଷ୍ଟମୀ ଦିନ, ଆପଣ ମୟୂର ପର ସହିତ ଜଡିତ କିଛି ପଦକ୍ଷେପ ନିଶ୍ଚୟ କରିବାର ଆବଶ୍ୟକତା ରହିଛି ।
ଆପଣଙ୍କ ଠାକୁର ପୂଜା ଘରେ ମୟୂର ପର ରଖିବାର ବିଶେଷ ଉପକାରିତା ରହିଛି । ଜନମାଷ୍ଟମୀ ରାତିରେ ଭଗବାନ କୃଷ୍ଣଙ୍କୁ ଉପାସନା କରିବା ପରେ, ଆପଣ କୃଷ୍ଣଙ୍କ ମୂର୍ତ୍ତି କିମ୍ବା ଫଟୋ ସାମ୍ନାରେ ମୟୂର ଚନ୍ଦ୍ରିକା ରଖିବା ଆବଶ୍ୟକ । ଏହା କରିବା ଦ୍ୱାରା ଭଗବାନ ଶ୍ରୀକୃଷ୍ଣଙ୍କ ଆଶୀର୍ବାଦ ସହିତ ଆପଣ ଦେବୀ ଲକ୍ଷ୍ମୀଙ୍କ କୃପା ମଧ୍ୟ ପାଇପାରିବେ । ଏପରି କରିବା ଦ୍ୱାରା ଘରେ ଧନ ବୃଦ୍ଧି ହୋଇଥାଏ ।
ଜନ୍ମାଷ୍ଟମୀ ଦିନ ଯଦି ଆପଣ ମୟୂର ପରକୁ ନାଲି କପଡ଼ାରେ ଗୁଡ଼ାଇ ଆପଣ ତାହାକୁ ଧନ ରଖିବା ସ୍ଥାନରେ ରଖିଲେ ଅନେକ ଲାଭ ପାଇପାରିବେ । ଏହି ପ୍ରତିକାର ଆପଣଙ୍କ ଆର୍ଥିକ ସ୍ଥିତିକୁ ମଜବୁତ କରିବା ସହ ଆପଣଙ୍କ ଘରେ ସୁଖ ଏବଂ ସମୃଦ୍ଧି ଆଣିଥାଏ ।
ଜନ୍ମାଷ୍ଟମୀ ଦିନ, ଆପଣ ଭଗବାନ ଶ୍ରୀକୃଷ୍ଣଙ୍କ ଶିଶୁ ରୂପକୁ ମୟୂର ଚନ୍ଦ୍ରିକାରେ ସଜାଇବା ଆବଶ୍ୟକ । ଏହି ପ୍ରତିକାର ଘରେ ଶୁଭଫଳ ଆଣିଦେଇଥାଏ । ଏଥିସହ ଘରେ ଥିବା ନକାରାତ୍ମକ ଶକ୍ତି ଗୁଡ଼ିକୁ ନଷ୍ଟ କରିଥାଏ । ଯଦି ଆପଣ ଜନ୍ମାଷ୍ଟମୀ ଦିନ ଘରର ପୂର୍ବ ଦିଗରେ ମୟୂର ଚନ୍ଦ୍ରିକା ରଖନ୍ତି, ତେବେ ଘରର ବାସ୍ତୁ ସମସ୍ୟା ଦୂର ହୋଇଯିବ । ଭାଷ୍ଟୁ ତ୍ରୁଟି ଦୂର କରିବା ଦ୍ୱାରା ଆପଣ କେବଳ ମାନସିକ ଏବଂ ଶାରୀରିକ ସୁଖ ପାଇବେ ତାହା ନୁହେଁ ବରଂ ଘରର ଆର୍ଥିକ ପରିସ୍ଥିତିରେ ମଧ୍ୟ ସୁଧାର ଆସିବ ।
ଯଦି ଆପଣ ନିଜ କ୍ୟାରିଅର୍ କିମ୍ବା ବ୍ୟବସାୟରେ ଅସୁବିଧାର ସମ୍ମୁଖୀନ ହେଉଛନ୍ତି, ତେବେ ଆପଣ ନିଜ କାର୍ଯ୍ୟକ୍ଷେତ୍ରରେ ଏକ ମୟୂର ଚନ୍ଦ୍ରିକା ରଖିଦିଅନ୍ତୁ । ଏହା କରିବା ଦ୍ୱାରା ଆପଣ କ୍ୟାରିଅରରେ ଲାଭ ପାଇବେ । ମନେରଖନ୍ତୁ ଯେ, ସର୍ବଦା ମୟୂର ଚନ୍ଦ୍ରିକାକୁ ଶୁଦ୍ଧ ଏବଂ ପବିତ୍ର ସ୍ଥାନରେ ରଖିବା ଆବଶ୍ୟକ । ଜନ୍ମାଷ୍ଟମୀ ଦିନ, ଗଙ୍ଗା ଜଳରେ ପବିତ୍ର କରିବା ପରେ ମୟୂର ଚନ୍ଦ୍ରିକା ବ୍ୟବହାର କରନ୍ତୁ । ଭୁଲରେ ମଧ୍ୟ ମୟୂରର ଚନ୍ଦ୍ରିକାକୁ ଅପରିଷ୍କାର ସ୍ଥାନରେ ରଖନ୍ତୁ ନାହିଁ, ଏହା ଜୀବନରେ ନକାରାତ୍ମକତା ଆଣିପାରେ ।
Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)