Brihaspati Nakshatra Parivartan 2024: ଜ୍ୟୋତିଷ ଶାସ୍ତ୍ର ଅନୁଯାୟୀ ସୌରମଣ୍ଡଳର ନବ ଗ୍ରହଙ୍କ ମଧ୍ୟରୁ ବୃହସ୍ପତିଙ୍କର ବିଶେଷ ଗୁରୁତ୍ୱ ରହିଛି । ବୃହସ୍ପତି ଗ୍ରହଙ୍କୁ ଦେବଗୁରୁ ଭାବେ ମଧ୍ୟ ବିବେଚନା କରାଯାଏ । ଏହି ଗ୍ରହ ଜ୍ଞାନ ଏବଂ ବୁଦ୍ଧି ପାଇଁ ଦାୟୀ ରହିଥାନ୍ତି । ଯେତେବେଳେ ବୃହସ୍ପତି ଜଣେ ବ୍ୟକ୍ତିର ରାଶିଫଳରେ ମଜବୁତ ଥାନ୍ତି ସେତେବେଳେ ଜ୍ଞାନ ଉଦୟ ହୋଇଥାଏ । ଏଥି ସହିତ, ବୃହସ୍ପତିଙ୍କ ସ୍ଥାନ ଦୁର୍ବଳ ଥିଲେ ବ୍ୟକ୍ତି ବାରମ୍ୱାର ଭୁଲ ନିଷ୍ପତ୍ତି ନିଅନ୍ତି । ଯେଉଁ କାରଣରୁ ସଫଳତା ମିଳିନଥାଏ ।
ହିନ୍ଦୁ ପାଞ୍ଜୀ ଅନୁଯାୟୀ, ବୃହସ୍ପତି ୧୩ ଜୁନ୍ ୨୦୨୪ ରେ ନକ୍ଷତ୍ର ପରିବର୍ତ୍ତନ କରିବେ । ସକାଳ ୬ଟା ୨୭ ମିନିଟ୍ ସମୟରେ ଦେବଗୁରୁ ବୃହସ୍ପତି ରୋହିଣୀ ନକ୍ଷତ୍ରରେ ପ୍ରବେଶ କରିବେ । ବୃହସ୍ପତିଙ୍କ ଏହି ନକ୍ଷତ୍ର ପରିବର୍ତ୍ତନ ୧୨ ଟି ରାଶିରୁ ୬ ଟି ରାଶି ପାଇଁ ଅତ୍ୟନ୍ତ ଶୁଭ ସାବ୍ୟସ୍ତ ହୋଇପାରେ । ଆସନ୍ତୁ ଜାଣିବା ସେହି ରାଶି ଗୁଡିକ ବିଷୟରେ ଯେଉଁ ରାଶି ଗୁଡିକ ଉପରେ ଏହାର ଶୁଭ ପ୍ରଭାବ ପଡିବ ।
ତୁଳା ରାଶି
ବୃହସ୍ପତିଙ୍କ ନକ୍ଷତ୍ର ପରିବର୍ତ୍ତନ ସହିତ ଆପଣଙ୍କ ପାଇଁ ସୁବର୍ଣ୍ଣ ସମୟ ଆସିଯାଇଛି । କ୍ୟାରିୟରରେ ସଫଳତା ମିଳିବାର ସମ୍ଭାବନା ରହିଛି । ଉଦାସୀନତା ଭୋଗୁଥିବା ବ୍ୟକ୍ତିଙ୍କ ସ୍ୱାସ୍ଥ୍ୟରେ ଉନ୍ନତି ହୋଇପାରେ । ଅବିବାହିତ ବ୍ୟକ୍ତିଙ୍କ ବିବାହ ପାଇଁ ପ୍ରସ୍ତାବ ଆସିବ । ବିବାହିତ ଦମ୍ପତିଙ୍କ ମଧ୍ୟରେ ରୋମାନ୍ସ ବୃଦ୍ଧି ପାଇବ ।
ମକର ରାଶି
ବୃହସ୍ପତିର ଗତିବିଧିରେ ପରିବର୍ତ୍ତନ କାରଣରୁ ଆର୍ଥିକ ଲାଭ ପାଇପାରନ୍ତି । ଅଟକି ରହିଥିବା ଟଙ୍କା ଫେରସ୍ତ ପାଇପାରନ୍ତି । ଏକ ନୂଆ ବ୍ୟବସାୟ ଆରମ୍ଭ କରିବା ପାଇଁ ଏହା ହେଉଛି ସର୍ବୋତ୍ତମ ସମୟ । ଭାଇ ଭଉଣୀଙ୍କ ମଧ୍ୟରେ ଭଲପାଇବା ବଢିବ । ନିଜ ପରିବାର ସହିତ ଭ୍ରମଣର ଯୋଗ ରହିଛି ।
ସିଂହ ରାଶି
ଆପଣଙ୍କ ପାଇଁ ଦିନଟି ଅତ୍ୟନ୍ତ ଭଲ ହୋଇପାରେ । ଦୀର୍ଘ ସମୟ ଧରି କାର୍ଯ୍ୟ କ୍ଷେତ୍ରରେ ଅପେକ୍ଷା କରିଥିବା ଫଳ ପାଇ ଖୁସି ହେବେ । ପୂର୍ବରୁ ଥିବା ଇଚ୍ଛା ପୂରଣ ହେବ । ବ୍ୟବସାୟୀଙ୍କ ଆର୍ଥିକ ସ୍ଥିତିରେ ଉନ୍ନତି ହୋଇପାରେ । ଆୟର ବୃଦ୍ଧି ହେବାର ଯଥେଷ୍ଟ ସମ୍ଭାବନା ରହିଛି । ଧାର୍ମିକ କାର୍ଯ୍ୟକଳାପରେ ଜଡିତ ରହିବେ । ସମାଜରେ ଆପଣଙ୍କର ମାନ ସମ୍ମାନ ବୃଦ୍ଧି ହେବ ।
ମୀନ ରାଶି
ଭାଗ୍ୟ ଆପଣଙ୍କ ସପକ୍ଷରେ ରହିବ । ଉଭୟ ବ୍ୟକ୍ତିଗତ ଏବଂ ବୃତ୍ତିଗତ ଜୀବନରେ ଥିବା ସମସ୍ୟାରୁ ମୁକ୍ତି ପାଇବେ । ଧାର୍ମିକ କାର୍ଯ୍ୟକଳାପ ପ୍ରତି ଆଗ୍ରହ ବୃଦ୍ଧି ପାଇବ । କାର୍ଯ୍ୟକ୍ଷେତ୍ରରେ ବଡ଼ କମ୍ପାନୀରୁ ଆପଣଙ୍କୁ ଅଫର ମିଳିପାରେ । ପ୍ରେମ ସମ୍ପର୍କରେ ଆପଣଙ୍କ ପାଇଁ ଦିନଟି ଭଲ । ଆପଣଙ୍କ ସାଥୀଙ୍କ ସହିତ ସମ୍ପର୍କ ସୁଦୃଢ ହେବ ।
କର୍କଟ ରାଶି
ଚାକିରି ପାଇଁ ଅପେକ୍ଷା କରିଥିବା ବ୍ୟକ୍ତିଙ୍କର ଅପେକ୍ଷାର ଶେଷ ହେବ । ଦାମ୍ପତ୍ୟ ଜୀବନରେ ପ୍ରେମ ବଢିବ । ଆପଣଙ୍କ ସାଥୀଙ୍କ ପ୍ରତି ପ୍ରେମ ବଢିବ । ସେୟାର ବଜାରରେ ଟଙ୍କା ବିନିଯୋଗ କରିବା ପାଇଁ ଉପଯୁକ୍ତ ସମୟ । ଭବିଷ୍ୟତରେ ଆପଣଙ୍କୁ ଭଲ ରିଟର୍ନ ମିଳିବ । ବ୍ୟବସାୟୀଙ୍କ ପାଇଁ- ସମୟ ଶୁଭପ୍ରଦ ।
କନ୍ୟା ରାଶି
ରାଜନୀତି ସହ ଜଡିତ ବ୍ୟକ୍ତି ସରକାରୀ ଯୋଜନାରୁ ଭଲ ଲାଭ ପାଇବେ । ଆପଣଙ୍କ ସ୍ୱାସ୍ଥ୍ୟରେ ଉନ୍ନତି ହେବ । ଅଧ୍ୟୟନ ପାଇଁ ବିଦେଶ ଯିବାର ଇଚ୍ଛା ପୂରଣ ହେବ । ବ୍ୟବସାୟୀମାନେ ସୁନାମ ଅର୍ଜନ ସହ ଲାଭବାନ ହେବେ । ନୂଆ ଯାନବାହନ କିଣିବାର ଇଚ୍ଛା ପୂରଣ ହୋଇପାରେ ।
ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ, ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬
Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)
Astrology - Trigrahi Yog: ତ୍ରିଗ୍ରାହୀ ଯୋଗର ପ୍ରଭାବ, ୫ ରାଶିରେ ହେବ ଏହି ପରିବର୍ତ୍ତନ