Cooking Oil: କେଉଁ ରନ୍ଧନ ତୈଳ ସର୍ବୋତ୍ତମ? ବିଶୋଧିତ ତେଲ ନା ଅଲିଭ୍ ତେଲ? ସୋରିଷ ତେଲ କିମ୍ବା ଘିଅ? ଏମିତି ଅନେକ ପ୍ରଶ୍ନ ଆମ ମନକୁ ଆସିଥାଏ । ଆଜିର ଜୀବନଶୈଳୀ ପାଇଁ ଅନେକ ରୋଗ ଏବେ ସାଧାରଣ ହୋଇଗଲାଣି । ଯେମିତି ଡାଇବେଟିସ,ହୃଦୟ ରୋଗ ଆଦି । ଆଉ ଏହି ସବୁ ରୋଗ ପଛରେ ଖାଦ୍ୟ ଅଭ୍ଯାସ ଗୋଟିଏ କାରଣ । ଖାଦ୍ୟରେ ଅଧିକ ତେଲର ବ୍ୟବହାର ଯେତିକି ଏଥିପାଇଁ ଦାୟୀ ସେତିକି ମଧ୍ୟ ସଠିକ ତେଲ ବ୍ୟବହାର ନକରିବା ଦାୟୀ । ଆସନ୍ତୁ ଜାଣିବା ଆମେ ରୋଷେଇ କରିବା ବେଳେ ରିଫାଇନ୍ ବା ବିଶୋଧିତ ତେଲ,ଅଲିଭ୍ ଅଏଲ,ସୋରିଷ ତେଲ କିମ୍ବା ଘିଅ ବ୍ୟବହାର କରିବା ଠିକ ହେବ । ତେବେ ତା’ପୂର୍ବରୁ ଜାଣିବା ଖାଦ୍ୟତେଲ ଉତ୍ପାଦନ କେମିତି ହୁଏ ।
ଖାଇବା ତେଲ କେମିତି ତିଆରି ହୁଏ ?
ବିଭିନ୍ନ ପ୍ରକାରର ତେଲରେ ବିଭିନ୍ନ ଉତ୍ପାଦନ / ନିଷ୍କାସନ ପ୍ରକ୍ରିୟା ଥାଏ । ସୋୟାବିନ୍, କାନୋଲା, ସୂର୍ଯ୍ୟମୁଖୀ ତେଲ(ବିହନ ତେଲ) ପରି ଅଳ୍ପ ତେଲ ହେକ୍ସନ୍ ପରି ଦ୍ରବଣ ବ୍ୟବହାର କରି ବାହାର କରାଯାଏ । ତେଲ ବାହାରିବା ପରେ ଉତ୍ତାପ, ବାଷ୍ପ ଏବଂ ଚାପ ପ୍ରୟୋଗ କରି ଏହାକୁ ଡିସୋଲଭାନାଇଜ୍ କରାଯାଏ ।
ସରଳ ଶବ୍ଦରେ କହିବାକୁ ଗଲେ, ଏଗୁଡ଼ିକ ଅତ୍ୟଧିକ ପ୍ରକ୍ରିୟାକୃତ ଏବଂ ବିଶୋଧିତ ହୋଇଥାନ୍ତି । ପ୍ରକ୍ରିୟାକରଣ ଏବଂ ବିଶୋଧନ ଯୋଗୁ ଅନେକ ଅସ୍ଥିର ଅଣୁ ସୃଷ୍ଟି ହୁଅନ୍ତି, ଯାହା ଆପଣଙ୍କ କୋଷର ମେମ୍ବ୍ରାନକୁ ନଷ୍ଟ କରିପାରେ । ଅନ୍ୟପକ୍ଷରେ, ଅଲିଭ୍ ତେଲ, ନଡ଼ିଆ ତେଲ ଇତ୍ୟାଦି ତେଲଗୁଡିକ ବିଶୋଧନ କରିବାକୁ ପଡିନଥାଏ ।ଏଥିରୁ ବିନା ପ୍ରକ୍ରିୟାକରଣ ବା ବିଶୋଧନରେ ସହଜରେ ତେଲ ବାହାର କରାଯାଇଥାଏ । ଲହୁଣୀ ଏବଂ ଘିଅ କ୍ଷେତ୍ରରେ ମଧ୍ଯ ଏହା ହିଁ ହୋଇଥାଏ । ତେଣୁ ଯେଉଁ ତେଲ କମ ପ୍ରକ୍ରିୟାକରଣରେ ବାହାରେ ତାହା ସ୍ୱାସ୍ଥ୍ଯ ପାଇଁ ଭଲ ହୋଇଥାଏ ।
ତେଣୁ ଯେଉଁ ତେଲ ବିଶୋଧିତ ହୋଇନଥାଏ (ଯେମିତିକି ଅଲିଭ୍ ତେଲ) ସେଥିରେ କମ୍ ସ୍ମୋକିଂ ପଏଣ୍ଟ୍ ଥାଏ । ଏଭଳି ତେଲ ଭଜାଭଜି ପାଇଁ ଉପଯୁକ୍ତ ନୁହେଁ, କିନ୍ତୁ କମ୍ ଉତ୍ତାପରେ ବ୍ୟବହାର କରାଯିବା ସମୟରେ ବହୁତ ଭଲ । ପ୍ରତ୍ୟେକ ତେଲରେ ସାଚୁରେଟେଡ୍, ମୋନୋସାସୁରେଟେଡ୍ ଫ୍ୟାଟି ଏସିଡ୍ (MUFA), ପଲିନସୁଚୁରେଟେଡ୍ ଫ୍ୟାଟି ଏସିଡ୍ (PUFA) ଏବଂ ଟିକିଏ ଟ୍ରାନ୍ସ ଫ୍ୟାଟ୍ (ଟ୍ରେସରେ) ର ମିଶ୍ରଣ ଅଛି । ତେବେ ଅନୁପାତ ତେଲ ଅନୁସାରେ ଭିନ୍ନ ହୋଇଥାଏ ।
ଲହୁଣି ଏବଂ ଘିଅରେ ସାଚୁରେଟେଡ୍ ଫ୍ୟାଟ୍ ବା ଚର୍ବିରେ ଅଧିକ ରହିଥାଏ, ଅଲିଭ୍ ତେଲ / ସୋରିଷ ତେଲରେ MUFA ର ଅଧିକ ଥିବା ବେଳେ ବିହନ ତେଲରେ PUFA ଅଧିକ ଥାଏ । ଆମ ଖାଦ୍ୟରେ ସମସ୍ତ ଫ୍ୟାଟି ଏସିଡ୍ର ଏକ ସୁସ୍ଥ ମିଶ୍ରଣ ରହିବା ଆବଶ୍ୟକ । ତେଣୁ ସବୁବେଳେ ବ୍ୟବହୃତ ଖାଇବା ତେଲରେ ଯେମିତି ସାମଗ୍ରିକ ଭାବେ ୧୫-୨୦% ପର୍ଯ୍ୟନ୍ତ ସାଚୁରେଟେଡ୍ ଚର୍ବି ରହିବ ତାହା ଧ୍ଯାନ ଦେବାକୁ ପଡ଼ିବ ।
କେଉଁ ଖାଦ୍ୟ ପାଇଁ କେଉଁ ତେଲ ବ୍ୟବହାର କରିବେ ?