UK PM Race: બ્રિટિશ PMની રેસમાં સુનકે વધુ મજબૂત કરી દાવેદારી, 118 મત સાથે રહ્યાં ટોપ પર

લંડનઃ બ્રિટિશ પ્રધાનમંત્રીની રેસમાં ભારતીય મૂળના ઋષિ સુનકે દાવેદારી મજબૂત કરી લીધી છે. ચોથા રાઉન્ડના વોટિંગમાં  તેમને 118 મત મળ્યા છે. આ સાથે પૂર્વ સમાનતા મંત્રી કેમી બૈડેનોચ પ્રધાનમંત્રીની રેસમાંથી બહાર થઈ ગયા છે. તેમને 59 મત મળ્યા હતા. ત્યારબાદ હવે રેસમાં માત્ર ત્રણ ઉમેદવાર રહી ગયા છે. કારોબાર મંત્રી પેની મોર્ડૌટ 92 અને વિદેશ મંત્રી લિજ ટ્રસને 86 મત મળ્યા છે. હવે આગામી રાઉન્ડમાં સુનક, પેની મોર્ડૌટ અને લિબ ટ્રસ વચ્ચે મુકાબલો થશે.