ભારે ભૂકંપ બાદ તુર્કી અને ગ્રીસ પર મંડરાઇ રહ્યો છે ફરીથી ખતરો

સુનામીનું એલર્ટ જાહેર

ઇઝમિર શહેરમાં બિલ્ડીંગો ધરાશાયી થયા બાદ રસ્તા પર કાટમાળનો ઢગલો જમા થઇ ગયો અને અહીં દ્વશ્ય ખૂબ ભયાનક છે. પરંતુ મુશ્કેલી એ છે કે તુર્કી અને ગ્રીસમાં ભારે ભૂકંપ બાદ હવે સુનામી  (Tsunami) નો ખતરો છે, જેના માટે એલર્ટ જાહેર કરવામાં આવ્યું છે. 

આ દેશમાં ભૂકંપના આંચકાએ મચાવી મોટી તબાહી, સુનામીની અપાઈ ચેતાવણી

ઇઝમિરમાં ધરાશાયી થઇ છે 20 વધુ ઇમારતો
ભૂકંપથી ઇઝમિર શહેરમાં 20થી વધુ બિલ્ડિંગો ધરાશાયી થઇ ચૂકી છે અને રાહત અને બચાવ કાર્ય ચાલુ છે. ઘણા લોકો કાટમાટ નીચેથી કાઢવામાં આવી રહ્યા છે. રેસ્ક્યૂ ઓપરેશનમાં હેલિકોપ્ટરની પણ મદદ લેવામાં આવી રહી છે. ભૂકંપના મોટા આંચકા ઇંસ્તાબુલમાં અનુભવાયા હતા, પરંતુ નુકસાનને લઇને હજુ રિપોર્ટ નથી. ઇઝમિર તુર્કીનું સૌથી ખાસ ટૂરિસ્ટ સ્પોટ છે, અહીં 1999માં પણ ભૂકંપ આવ્યો હતો, જેમાં હજારો જીવ ગયા હતા. 

શરૂઆતમાં ભૂકંપની તીવ્રતા 6.9 હતી
યૂરોપીય-મધ્યસાગર ભૂકંપ વિજ્ઞાન કેન્દ્રએ કહ્યું કે શરૂઆતમાં ભૂકંપની તીવ્રતા 6.9 હતી અને કેન્દ્ર યૂનાનના ઉત્તર-ઉત્તરપૂર્વમાં સામોસ દ્રીપમાં હતું. અમેરિકાના ભૂગર્ભ સર્વેક્ષણ અનુસાર ભૂકંપની તીવ્રતા 7.0 હતી. ભૂકંપના આંચકા પૂર્વી યૂનાનના પ્રાયદ્રીપોમાં પણ અનુભવાયા હતા. આ ઉપરાંત રાજધાની એથેંસમાં પણ લોકોએ ભૂકંપના આંચકા અનુભવ્યા હતા. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube