ઉત્તરીય સ્પેનમાં 50 જગ્યાએ લાગી આગ, 760 કર્મીઓ લાગ્યા આગને કાબૂમાં કરવા

મેડ્રિડ: ઉત્તરીય સ્પેનમાં લગભગ 50 સ્થળ પર આગ લાગી હોવાના સમાચાર સામે આવ્યા છે. ઉત્તરીય સ્પેનના સ્થાનિક અધિકારીઓએ જણાવ્યું કે તેમાંથી કેટલીક જગ્યાઓ પર ઇરાદાપૂર્વક આગ લગાડવામાં આવી છે. રવિવાર મોડી રાત સુધીમાં 48 જગ્યાઓ એવી હતી, જ્યાં આગ પર કાબૂ મેળવી શક્યા ન હતા. કૈંટાબ્રિયા વિસ્તારની સરકારે નિવેદન આપતા કહ્યું કે, ‘અમે કુલ 50 જગ્યાઓ પણ આગ લાગી હોવાની જાણકારી મળી અને વિવિધ વહીવટી તંત્રના 760 લોકો આગ પર કાબૂ મેળવાના પ્રયત્ન લાગ્યા છે.’ પહાડી વિસ્તારમાં પહેલી જગ્યાએ આગ ગુરૂવારે લાગી હતી. તે દરમિયાન કોઇ જાનહાનિ થઇ નથી.