ભારતીય પરિવારોની વધશે મુશ્કેલી, H4 વિઝા અંગે ટ્રમ્પ પ્રશાસન 3 મહિનામાં લેશે નિર્ણય

આંતરિક સુરક્ષા મંત્રાલય (ડીએસએચ)એ પોતાના નવા સોગંદનામામાં કોલંબિયાના યુએસ ડિસ્ટ્રિક્ટ કોર્ટને શુક્રવારે જણાવ્યું કે તેઓ રોજગાર મેળવવાની યોગ્યતા હોવાની શ્રેણીના સ્વરૂપમાં એચ-1બી નોન ઈમિગ્રન્ટ્સના એચ4 પરિજનોને હટાવવાના પ્રસ્તાવ પર નક્કર અને ઝડપી પ્રગતિ કરી રહ્યું છે. ડીએચએસએ જણાવ્યું કે નવા નિયમ ત્રણ માસની અંદર વ્હાઈટ હાઉસના ઓફિસ ઓફ મેનેજમેન્ટ ઓફ બજેટ (ઓએમબી)ને મોકલી દેવામાં આવશે. 

મંત્રાલયે કોર્ટેને ભલામણ કરી કે ત્યાં સુધી તેઓ 'સેવ જોબ્સ યુએસ' તરફથી દાખલ થયેલા વિવાદ પર પોતાનો આદેશ સ્થગિત કરે. 'સેવ જોબ્સ યુએસ' અમેરિકી કર્મચારીઓનું સંગઠન છે જેનો દાવો છે કે સરકારની આ પ્રકારની નીતિથી તેમની નોકરીઓ પર અસર થઈ છે. ઓબામા પ્રશાસન દરમિયાન આ નીતિ તૈયાર કરવામાં આવી હતી. 

ટ્રમ્પ પ્રશાસન હાલ એચ-1બી વિઝા પોલીસીની સમીક્ષા કરી રહ્યું છે. તેમનું માનવું છે કે કંપનીઓ અમેરિકી કર્મચારીઓના સ્થાને બીજાને નોકરીઓ આપવાની આ નીતિનો દુરઉપયોગ કરી રહી છે. ટ્રમ્પ પ્રશાસન સાર્વજનિક રીતે કહી ચૂક્યું છે અને કોર્ટમાં પણ સ્પષ્ટ કહ્યું છે કે તેઓ એચ4 વિઝાધારકોની વર્ક પરમિટને હટાવવા માંગે છે.