માતા બનવાનો અનુભવ કોઈપણ મહિલા માટે ખૂબ જ અનોખો હોય છે. પરંતુ જ્યારે સ્ત્રી અપરિણીત હોય છે, ત્યારે ગર્ભાવસ્થા એક સમસ્યા બની જાય છે. જો સગર્ભા સ્ત્રી યુવાન હોય, તો ગર્ભાવસ્થા વધુ ચિંતાજનક બની શકે છે કારણ કે નાની ઉંમરે છોકરીઓનું શરીર ગર્ભાવસ્થા જેવી સ્થિતિ માટે સંપૂર્ણ રીતે તૈયાર હોતું નથી. એક બ્રિટિશ મહિલા (33 year old woman grandmother)એ જણાવ્યું કે જ્યારે તેને તેની દીકરીની પ્રેગ્નન્સી વિશે ખબર પડી ત્યારે તે ખૂબ જ આશ્ચર્યમાં પડી ગઈ હતી કારણ કે તેની દીકરી ખૂબ જ નાની ઉંમરમાં માતા બનવા જઈ રહી હતી.
ધ સન વેબસાઈટના રિપોર્ટ અનુસાર, બ્રિટનના બકિંગહામશાયરના મિલ્ટન કેન્સની (Milton Keynes, Buckinghamshire) રહેવાસી કેરી કોલ્સ (Kerrie Coles) 33 વર્ષની છે અને ટૂંક સમયમાં દાદી બનવા જઈ રહી છે. તેની 14 વર્ષની પુત્રી ગર્ભવતી છે અને આવતા વર્ષે તે તેના બાળકને જન્મ આપશે. જ્યારે કેરીને તેની પુત્રીની પ્રેગ્નન્સી વિશે ખબર પડી ત્યારે તે ખૂબ જ આશ્ચર્યચકિત થઈ ગઈ હતી. પરંતુ સત્ય એ છે કે તેની પુત્રીએ ઇતિહાસનું પુનરાવર્તન કર્યું છે, જેના કારણે કેરી વધુ ચિંતિત હતી.
આવતા વર્ષે બાળકને જન્મ આપશે
જ્યારે કેરી 16 વર્ષની હતી ત્યારે તેણે ફેબ્રુઆરી 2007માં તેની મોટી દીકરી મિલીને જન્મ આપ્યો હતો. ત્યારબાદ તેણે મિલ્ટન કીન્સની યુનિવર્સિટી હોસ્પિટલમાં એક પુત્રીને જન્મ આપ્યો અને તેનું વજન લગભગ 3 કિલો હતું. કેરીએ જાન્યુઆરી 2009માં તેની બીજી પુત્રી હોલીને જન્મ આપ્યો હતો. હોલી હવે 14 વર્ષની છે અને તે ગર્ભવતી છે. હાલમાં, હોલી અભ્યાસ કરી રહી છે અને તેની ગર્ભાવસ્થાનું 25મું અઠવાડિયું ચાલી રહ્યું છે. તે ફેબ્રુઆરી 2024માં તેના બાળકને જન્મ આપશે.
માતાએ પુત્રીનો ના છોડ્યો સાથ
કેરીએ કહ્યું કે જ્યારે તેમને હોલી વિશે ખબર પડી તો તેઓ ચોંકી ગયા. તેણી તેની પુત્રી માટે ડરતી હતી. પરંતુ તેણે તેની પુત્રીને છોડી ન હતી. રિપોર્ટ અનુસાર, હોલી ખુશ છે કે તેની માતા, ભાવિ બાળકના પિતા અને તેનો પરિવાર હોલી સાથે છે અને ભાવનાત્મક તેમજ આર્થિક મદદ કરી રહી છે. હોલીએ કહ્યું કે તે એક છોકરાને જન્મ આપવા જઈ રહી છે અને તે જલ્દીથી જલ્દી બાળકને પોતાના હાથમાં રાખવા માંગે છે.
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે