આ પ્રીમિયમ પ્રોજેક્ટરથી ઘરમાં થશે મલ્ટીપ્લેક્સ જેવો અહેસાસ, જાણી લો કિંમત અને ફિચર્સ

નવી દિલ્લીઃ સેમસંગે ભારતમાં એક નવા પ્રીમિયમ પ્રોજેક્ટરનું લોન્ચિંગ કર્યું છે...જેને ફ્રી સ્ટાઈલ પ્રોજેક્ટર કહેવાય છે. ફ્રી સ્ટાઈલ અલ્ટ્રા-પોર્ટેબલ પ્રોજેક્ટર હાલમાં જ લોન્ચ કરવામાં આવ્યું હતું. ફ્રીસ્ટાઈલ એક પોર્ટેબલ ઉપકરણ છે જે 180 ડિગ્રી સુધી ફરી શકે છે.  એક મુખ્ય પ્રોજેક્ટરથી વિપરીત ઉપકરણ જ્યારે પણ જરૂરી હોય ત્યારે સ્માર્ટ સ્પીકર અથવા એમ્બિયન્સ લાઈટનિંગ ઉપકરણ તરીકે કાર્ય કરી શકે છે.

Samsung Freestyle Projector Price-
સેમસંગ ફ્રી સ્ટાઈલ પ્રોજેક્ટરની કિંમત 84,990 રૂપિયા છે અને તે એમેઝોન તેમજ સેમસંગ સ્ટોર્સ પર ઉપલબ્ધ થશે. જો તમે 29 માર્ચથી 31 માર્ચ, 2022 સુધી ફ્રી સ્ટાઈલ ખરીદો છો, તો તમે ફ્રીસ્ટાઈલ પર 5,900 રૂપિયાની કિંમતનો ફ્રી કૈરી કેસ પણ મેળવી શકો છો. સેમસંગ ઈ-સ્ટોર  ઉપકરણના પ્રી-રિઝર્વેશન પર 4,000 રૂપિયાનું ડિસ્કાઉન્ટ પણ ઓફર કરે છે.

Samsung Freestyle Projector Specifications-
સેમસંગ ફ્રીસ્ટાઇલ પ્રોજેક્ટર 30-ઈંચથી 100-ઇંચના વિડીયોને પ્રોજેકટ કરવામાં સક્ષમ છે 180-ડિગ્રી રોટેશન અને ક્રેડલ ડિઝાઈનનો ઉપયોગ કરીને ચિત્ર/વિડિયોના એક ક્લિકથી એડજસ્ટ કરી શકાય છે.પ્રોજેક્ટરનું વજન માત્ર 800 ગ્રામ છે જે તેને ખૂબ જ હળવું અને વહન કરવામાં સરળ છે. આ પ્રોજેક્ટરને ટેબલ, ફ્લોર, દિવાલો અથવા તો છત પર પણ મૂકી શકાય છે.

Samsung Freestyle Projector Features-
પ્રોજેક્ટરની ખાસિયત એ છે કે મૂવી કે વીડિયો જોવા માટે તમારે સ્ક્રીનની જરૂર નથી. તમે તેને સરળતાથી નમાવી શકો છો અને સફેદ બેકગ્રાઉન્ડની પણ કોઈ જરૂર નથી કારણ કે તે તમારી દિવાલના રંગના આધારે કસ્ટમાઈઝ કરે છે. ચિત્રની ગુણવત્તા વધારવા માટે, ઉપકરણ ઓટો કીસ્ટોન, ઓટો-લેવલીંગ અને ઓટોફોકસ સુવિધાઓ સાથે આવે છે. 

OTT પ્લેટફોર્મ્સ-
સેમસંગનું ફ્રીસ્ટાઇલ પ્રોજેક્ટર નેટફ્લિક્સ, હુલુ, યુટ્યુબ, ડિઝની હોટસ્ટાર અને પ્રાઈમ વિડિયો માટે સપોર્ટ સાથે પણ આવે છે, જે OTT પ્લેટફોર્મ સાથેનું પ્રથમ પ્રમાણિત પ્રોજેક્ટર બનાવે છે. ફ્રીસ્ટાઇલમાં ચાર્જિંગ માટે સી-ટાઈપ પાવર કનેક્શન છે અને તેને ગેલેક્સી ડિવાઈસ સાથે પણ સિંક કરી શકાય છે.