73 હજાર સુધી મોંઘી થઇ જશે મહિંદ્વાની ગાડીઓ, તમારી પાસે બાકી રહ્યા છે ફક્ત 3 દિવસ

મહિંદ્વા એન્ડ મહિંદ્વા દ્વારા મળતી માહિતી અનુસાર, કંપની પોતાના મુસાફરો અને વાણિજ્યિક વાહનોની કિંમતમાં એપ્રિલથી 5,000 રૂપિયાથી માંડીને 73,000 રૂપિયા સુધીનો વધારો કરશે. આ વધારાના કારણે કંપનીના વાહનોમાં આગામી મહિનાથી 0.5 ટકાથી 2.7 ટકાનો વધારો થશે. 

Big Bazaar ફ્રી શોપિંગ વીકએન્ડ: 3000 રૂપિયાની ખરીદી પર 3000 રૂપિયા મળશે પરત

કંપનીના અધ્યક્ષ (વાહન ક્ષેત્ર) રાજન વઢેરાએ એક નિવેદનમાં કહ્યું હતું કે 'આ વર્ષે જિંસના ભાવમાં રેકોર્ડબ્રેક તેજી જોવા મળી. આ ઉપરાંત 1 એપ્રિલથી નિયામકીય જરૂરિયાતોને પુરી કરવાની છે. તેનાથી ખર્ચ વધશે. અમે અમારી પડતરને ઓછી કરવા માટે પ્રયત્નો કર્યા છે, પરંતુ કિંમત વધારો રોકવો સંભવ નથી. તેમણે કહ્યું કે તેના લીધે 1 એપ્રિલથી વાહનોના ભાવ વધારવાનો નિર્ણય કરવામાં આવ્યો છે. 

આ કંપની શરૂ કરી રહી છે સેલ્ફ ડ્રાઇવ સર્વિસ, ડ્રાઇવરના બદલે જાતે ચલાવો ગાડી

રેનો અને ટાટાએ પણ વધાર્યા ભાવ
આ અઠવાડિયે ફ્રાંસની કાર કંપની રેનોએ ક્વિડની કિંમતમાં 3 ટકાના વધારાની જાહેરાત કરી હતી. ગત મહિને ટાટા મોટર્સે પણ કાચા માલની પડતર અને બહારી આર્થિક સ્થિતિનો હવાલો આપતાં મુસાફર વાહનોના ભાવમાં એપ્રિલથી 25 હજાર રૂપિયાના વધારાની જાહેરાત કરી હતી.