નવી દિલ્હીઃ Lamborghini Urus S Price & Features: ભારતમાં Lamborghini Urus S રૂ 4.18 કરોડ (એક્સ-શોરૂમ) ની પ્રારંભિક કિંમતે લોન્ચ કરવામાં આવી છે. આ સાથે, Lamborghini Urus લાઇનઅપમાં હવે બે મોડલ રહી ગયા છે. Lamborghini Urus Performante અને Lamborghini Urus S. Urus Performanteની કિંમત રૂ. 4.22 કરોડ (એક્સ-શોરૂમ) થી શરૂ થાય છે. નવી Lamborghini Urus S લક્ઝરીથી ભરપૂર છે.
બજારમાં BMW XM, Aston Martin DBX 707, Maserati Levante Trofeo, Audi RSQ8 અને Porsche Cayenne Turbo GT ને ટક્કર આપશે. તેમાં 4.0L ટ્વીન ટર્બો V8 એન્જિન છે. આ જ એન્જિન Urus Performante માં પણ જોવા મળે છે. તેનું એન્જિન 666bhp અને 850Nm આઉટપુટ આપે છે. તે 3.5 સેકન્ડમાં 0 થી 100 કિમી પ્રતિ કલાકની ઝડપ વધારવામાં સક્ષમ છે જ્યારે Urus Performante 3.3 સેકન્ડમાં તે જ કરી શકે છે.
Lamborghini Urus Sમાં 8-સ્પીડ ઓટોમેટિક ગિયરબોક્સ સાથે જોડાયેલું છે. તે એડેપ્ટિવ એર સસ્પેન્શન સાથે પણ આવે છે, જે સરળ હેન્ડલિંગ અને સુપર સ્પોર્ટ્સ ડ્રાઇવિંગ અનુભવ પ્રદાન કરવાનો દાવો કરે છે. Urus Sની ટોપ સ્પીડ 305 kmph છે. નવા Urus Sને અગાઉના મોડલના રિપ્લેસમેન્ટ તરીકે રજૂ કરવામાં આવ્યું છે, તે અગાઉના મોડલ કરતાં વધુ સ્પોર્ટી અને વૈભવી છે અને વધુ સારું પ્રદર્શન આપે છે.
આ પણ વાંચોઃ મોબાઇલને ક્યારે ચાર્જ કરવો? 10, 20, 30 કે 45% પર, અડધાથી વધુ લોકોને નથી તેની જાણકારી
તેના એક્સટીરિયર અને ઈંટિરિયર ભાગમાં ઘણા ફેરફારો કરવામાં આવ્યા છે. જેમાં 21-ઇંચના એલોય વ્હીલ્સ સ્ટાન્ડર્ડ તરીકે મળે છે જ્યારે 22-ઇંચ અને 23-ઇંચના એલોય વ્હીલ્સનો વિકલ્પ પણ ઓફર કરવામાં આવે છે. તેને એકદમ નવું ફ્રન્ટ બમ્પર આપવામાં આવ્યું છે. બંને વેરિઅન્ટ્સ (Urus S અને Urus Performante) સમાન ઈંટિરિયર ડિઝાઇન શેર કરે છે, પરંતુ અલગ મટિરીયલની સામગ્રીનો ઉપયોગ કરે છે.
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે